ساعدوني من فضلكم ......... كرهت حياتي

[مشكلتي]

السلام عليكم
انا فتى عمري 16 سنة في حياتي لم افرح ولو ليوم وآحد لا ادري ما الذي أصابني

كرهت حياتـي لا اعرف لماذا .......


الشخص الي يضحك كثيرا شخص حزين!هكذا انا





الناس لي تشوفني نضحك بزاف حاسبتني راني فرحان لكن انا مخبي حزني راني مهموم كرهت حياتي ماعنديش صحابي راني وحدي
و الناس كامل يكرهوني

و يضحكوا عليا كرهـــــــــت
مليت من هذي الحيااااااااة
و راني مريض مرض خطير

ماذا افعل انا في حيرة
ساعدوني و لا تبخلونا بدعواتكم

جعلها الله في ميزان حسناتكم

رااني غير طولت عليكم بالهدرة مي تعيشو ما تجرحوونيش بردوودكم وما تبخلووونيش بنصائحكم والله ما ننسااها

[-رودينا-]

المشاركة الأصلية كتبت بواسطة مشكلتي

السلام عليكم
انا فتى عمري 16 سنة في حياتي لم افرح ولو ليوم وآحد لا ادري ما الذي أصابني

كرهت حياتـي لا اعرف لماذا .......


الشخص الي يضحك كثيرا شخص حزين!هكذا انا





الناس لي تشوفني نضحك بزاف حاسبتني راني فرحان لكن انا مخبي حزني راني مهموم كرهت حياتي ماعنديش صحابي راني وحدي
و الناس كامل يكرهوني

و يضحكوا عليا كرهـــــــــت
مليت من هذي الحيااااااااة
و راني مريض مرض خطير

ماذا افعل انا في حيرة
ساعدوني و لا تبخلونا بدعواتكم

جعلها الله في ميزان حسناتكم

رااني غير طولت عليكم بالهدرة مي تعيشو ما تجرحوونيش بردوودكم وما تبخلووونيش بنصائحكم والله ما ننسااها

ياخي في عمرك 16 سنة وقلت كرهت حياتك هذا وين راك جاي لدنيا واش راهو يستنى فيك طلعات وهبطات
علابالي كامل نقولو هادي الكلمة بصح متخليهاش تاثر فيك
ثاني حاجة الضحك كما يقولو يميت القلب وحنا في مجتمعنا الفاسد يحبو لي يضحكهم وفي نفس الوقت يضحكو عليه
ننصحك خلي صاحبك كتابك وخليك بعيد عن الناس من قرايتك لدار لان الشارع ولا يجيب بلاوي
اشغل وقتك بالدراسة بتعلم حرفة او صنعة طالع ثقف روحك
بالنسبة الاحزان كا انسان عنده حزن داخلي يوم فرح ويوم حزن وهكذا
نعطيك مثال
شفت جهاز اشارات القلب يطلع ويهبط ولوكان يكون خط مستقيم معناه الانسان فاقد الحياة كذلك حياتنا اليومية هكا

واش هو المرض الخطير لي عندك راني نشوف فيك استسلمت لدنيا
كاين ناس عندهم امراض خطيرة وعايشين حياتهم مسمتعين وراضين بقضاء الله وسبحان الله ربي طول عمارهم وتعالجو وتبدلت ساعة بساعة ولاطباء تعجبو فيهم وكل ذلك بقوة الارادة والتغلب على المرض

[مناد بوفلجة]

أنت إنسان عادي

[سمية المستغانمية]

أنا في نفس عمركـ
يا أخي ما تخممش في السلبي خلي نفسك دايما ايجابي
خلي حزنك في جهة و قوي ايمانك و ادعي ربي يشافيك من مرضك و كونك حريص على طاعة الله و عمر وقتك بأشياء تثقفك و تستفيد منها
و الله حتى تنسى كامل الحزن الي بداخلك
ســلام

[نورالهدى بيولوجيست]

16 سنة تسميها عمر؟

مازالك صغير حاول تكتشف الجوانب الايجابية

حافظ على صلواتك

خلي علاقتك بخالقك حسنة

و اكيد حياتك رح تتحسن

وفقك الله

[بنت لبحر]

16 سنة مازلت صغير بزززززززززززززززززززاف على الهدرة هدي واش شفتي في الدنيا

اتقرب لربي و صلي ان شاء الله تنحيلك القلقة هدي

[رحمة 20]

راك مازالك صغير استمتع بالحياة الطيبة في طاعة الله وخااصة الصحبة الصالحة

[الجليس الصلح]

السلام عليكم ورحمة الله
شا ب صغير والهم كبير ربي يكون معاك فقط الدعاء والصلاة والإستغفار وتفاءل خير للقدام
يقول تعالى" ان بعد العسر يسر"
وأيام الأفراح جاية لا تقلق بحول الله فقط قليل من الصبر

[تفاؤل وامل]

عليك بالاستغفار اخي ولا تستخف بهذا يقول الرسول صلى الله عليه وسلم من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب .وانصحك ايضا بالاكثار من الباقيات الصالحات لان الله عز وجل يحبها والبقاء على الطهارة طول اليوم لان الله يحب المتطهرين وايضا الصدقة كلما امكنك ولو بشيئ يسير والدعااااااااء اخي واسال الله العظيم ان يخرجك من حلق الضيق الى اوسع الطريق

[أم عروة]

الدعاء المستمر وتقوية علاقتك بالله تعالى
محافظتك على صلواتك وعلى قراءة القرآن
وبإذن الله ستتحسن حالتك،، ومن تقرب لله احبه الله وغرس حبه في قلوب الناس
موفق

[hano.jimi]

ربي يفرج عليك ويسعدك عيش حياتك انت في عمر لا يعوض