biscuit roulé

[nassima imene]

السلام عليكم
درت اليوم بيسكوي رولي بالشكولا غطيتو بلاكرام شونتي و ذرذرت فوقو الكاكاو قولولي رايكم حبيباتي















و هذا خليتو ابيض ما زدتلو والو







الوصفة ساهلة ماهلة
6 حبات بيض و ادا كان البيض كبير ممكن تستعملي 5 حبات + 150 غ سكر + 150 غ فرينة مغربلة + فاني + ملعقة صغيرة خميرة الحلوى
التحضير : اولا نفصل البياض عن الصفار ثم نضيف السكر و الفاني لصفار البيض و نضربو مليح مليح حتى يتغير لونه و يتكاثف قليلا ثم نضيف الخميرة للفرينة و ندخلها في الخليط فير بلعقل و بالسباتولا هنا اختي ما تتقلقيش كي تشوفيها
تلايمت لك العجينة اي ما شي سائلة المهك حطيها بجيه
اضيفي قرصة ملح لبياض البيض و ضربي بالباتوغ حتى تطلع المورانغ ثم دخلي المرانغ بالسباتولا في الخليط الاول بلعقل و خلطي بالشوي حتى تدخل المورانغ في الخليط و حركي السباتولا ملفوق للتحت و ما تكثريش الخلط بزاف غير تشوفي المورانغ دخلت خلاص
فرشي السنيوة نتاعلك تاع الفرن بورق الطبخ و فرغي الخليط فوقها و سرحيها مليح و دخليها للفرن لمدة 10 د فقط و حذاري تنحرق لك غير تخرجيها نحي منها ورق الطبخ و فرشي مورسو من ورق الطبخ و رشي عليه شوي سكر جلاسي و لويها على نفسها ثم زيدي لفيها في منديل مندي و خليها في الثلاجة
بعد ما تخرجيها افتحيها و شربيها مليح بالسيرو و زيدي معجون المشمش ثم عاودي ليها و طلعي لا كرام شونتي و غلفيها كامل ثم جيبي شوكة و شكلي خطوط متموجة على طول البيسكوي و قطعيها و بالهنا و الشفاء
هنا نحط ملاحظةادا حبتيه كحلوش كيما عملتو انا نحي ملعقة كبيرة من الفرينة و زيدي ملعقة كبيرة كاكاو و كملي بنفس الطرقة و في التزيين بعد وضع الشونتي و التخطيط بالشوكة ذرذري فوق البيسكوي كاكاو حطي الكاكاو في الصفاية و ذرذريه ثم قطعيه
نتمنى نكون وفقت في الشرح

[M!sŝ]

بنين يممم
يعطيك الصحة
اختي كيفاش وصفة تاعو
انا يوم جربت واحد ’ ماجانيش مفشش ومنفخ ’’ جاني بحال crépe شكل تاعو رقييييق وماشي مفشش

[wafa foufa12]

[nassima imene]

شكرا حبيباتي على الردود

[أم محمد تاج]

خرجلك روووعة يعطيك الصحة وشكرا على الوصفة

[idron0]

بارك الله فيك أختي

[RISA]

y3tik saha jat tsakhaf

[mon mari]

يعطيك الصحة ممتاز

[monita monita]

machaa allah

[djaouida dd]

يعطيك صحة وصفتك نفس وصفة ام انس جربتو خرجلي هايل

[nassima imene]

شكرا لكن على الردود الرائعة حمستوني باش نزيد نحط وصفات حلوياتي

[didou89]

شكرا لكي اختي درتو ليوم وخرجلي رائغ.بصح درت 4بيض.كاس سكر .كاس ونص فرينة .لافاني 1خمارة.وخرلي هايل.

[nounoudjs]

بارك الله فيك

[الصمت حكمة]

صحة ليك ، خرج لك يهبل ، ألف شكر مرة أخرى و في ميزان الحسنات ان شاء الله

[oum khadidja]

مرحبا اختي شكرا على الوصفة جربتها البارح و جاتني هايلة و راحا نحطها في قسم التطبيقات اليوم انشاء الله نعرف انزل الصور في القسم