ساعدوني ارجوكم ام جديدة

sara nissa · 2013-12-25, 14:13

انا ام جديدة ابني ذو ال25 يوم يعاني من اعراض غريبة كاللهاث و قلت البول و البكاء طوال الليل مع العلم ان حالته تصبح طبيعية خلال النهار كم انه يرجع الحليب على شكل رائب بعد الرضاعة مباشرة

om mehdi · 2013-12-25, 17:06

اختي البكاء الارضع تقريبا يبكيو ديمة لانو كاين اي يكون عندهم مغص وهدا عادي ما يتنحاش حتى 3 اشهر تقريبا وهو عبارة عن هواء وبالنسبة لللهاث هل هو جديد ام لاحضت انو من لي زاد وهو يلهث لانو الرضع التنفس تاعهم ماشي كيما تاع الكبار يزربو شوية ولحليب
كي يرضع الصغير لازم يتقرع باه ترقديه يعني وقفيه شوية يكون شبه قاعد باه يتقرع ومن بعد يرقد باه مايرجعش لحليب وادا رجع من

بعد راهو عادي كي يكون مثل الرايب لان المعدة سخونة وراح يريب في كرشو
المهم اختي لاحضيه كي يبول يبكي او لا
وكي ترضعيه لازم تقرعيه خاصة ادا كان من القرعة لازم تقعديه حتى يتقرع
واللهاث ادا شفتيه وهو راقد ويلهث يعني بزاف وميحبسش اديه للطبيب اختي وادا ساعات يلهث وساعات يحبس من اللهث ووجهو عادي ماهوش متغير اضن لاداعي للقلق

وشوفي امك او اخواتك و احد يشوفو من الكبار راح يقولولك عادي اولا
وننصحك ادا مريحكش قلبك اديه للطبيب خير باه ترتاحي

Napia · 2013-12-25, 17:59

أديه عند طبيب أحسن

sara nissa · 2013-12-26, 12:04

شكرا لك اختي أم مهدي و الحمد لله رجع الى حالته الطبيعية و شكرا جزيلا على هده النصائح

sara nissa · 2013-12-26, 12:08

شكرا لك اختي napia الحمد لله اليوم راهو احسن و الغيت موعد الدكتور لاني لا اريده ان يتعود على شرب الدواء شكرا جزيلا على النصائح