الجندي

[فاطمة شلف]

وليدي لبس جندي وحمل مشعل الحرية
في سبيل الجزائر الثورية
وليدي راه درب عسكري
ويحمي في وطنوا من العدوا المنكري
وليدي قرا بقلم وكتب فالكراس
وتحدى العالم وجميع الناس
حمل الرشاشة والرفال
في سبيل تحرير ارض الثوار
حرص بلادوا وحرم عليه النعاس
ودفع نفسوا بكل قوة واحساس
ودرب وطلق الرصاص
وسبل عمروا بكل عزيمة واخلاص
جند وقف من اجل حماية الوطن
فداك روحي ياجزائر راني فاطن
نهض بكري والبرد موالف بيه
هذي محبتك ياوطني نستشهد فيه
خمسة دقائق نظافة والماء يصب عليه
من اجل بلادي راني خايف عليه
تركت الوالدين ودربت هنا ولهيه
الحمى في الرجلين والحذاء مزير عليه
تركت فراشي وغطيا سخون
في سبيلك ياارضي والله يكون في العون
والفت المنوض بكري
هذي بلادي وذا حربي
الجزائر جابت شجعان
ننتشروا ونحموهافي كل مكان
بالعاهد ياجزائر رانا واقفين
خوى في كل ولاية متحدين
رجال ونسوان مناضلين
وليمس كرامتنا منسمحوش الى يوم الدين
علمنا استشهدوا عليه الفدائين
وحنا اولاد ابطال الاولين

بقلم فاطمة من الشلف