سؤال عن كيفية تحضير اللبا تع البقرة

[بتول8]

عندي لتر من لبا البقر كيفاش نحضر منه الطريقة ته زمان لي نضيفولها الماء و نغليوه و نعصروه؟؟؟

[amina-31]

mafhamtekch raki 3la Jben

[الصمت حكمة]

الطريقة اللي نعرفها أنا و نستعملها دائما و يستعملوها كامل الناس و من زمان، ما تضيفي لوش الماء حطيه في طنجرة و لا كسرونة فوق النار كي يبدا يسخن غير شوية نقصي عليه مع الخلط المستمر باه يلصقش في القاع و يحرق ، راكي تخلطي فيه حتى تشوفيه جمد، يعني تجمع نحيه من فوق النار و ملحيه حسب ذوقك ، و ماتصفيه ماوالو خاطر هو كامل فيه فائدة كبيرة كبيرة بزاف، و بصحتكم أختي، و نسيت باه نقولك باللي درجة اللي يتجمع فيه و يتكتل على حساب النهار، إذا كان نتاع النهار الأول راه ثمثم يتجمل بلاكي يغلطك و يتحرق من لتحت ان شاء الله نكون قدرت نفهمك

[ناديـة]

شكرا أختي الصمت حكمة هذه نفس طريقة أمي وحماتي ما يزيدولو والو عندما يعقد يعني راهو واجد

[دائمة الحمد]

اختي بتول 8 قبل كان عندنا البقروكانت جدتي الله يرحمها تحطو وحدو ما تزيد معا ه حتى شئ غير السانوج اسود تقول على النفس اي العين او الحسد عادات وتنقص عليه االنار وتخليه حتى يصفي الماء نتاعو

[بتول8]

الف شكر لكن نجرب و نردلكم
لكن نحوس علا تع الماء قالك يجي بنين بزاااااااف