الوصفة الاساسية للبسكوي رولي باسرار نجاحه

[ام الاء وسدن]

السلام عليكم اخواتي نزولا عند رغبة بعض الاخوات اليوم حبتلكم الوصفة الاساسية والناجحة للبسكوي رولي
على بركة الله نبداو


4 بيضات حجم كبير وبدرجة حرارة المطبخ

كاس سكر

قرصة ملح

1 مك لفاني

كاس الا ربع فرينة مسيرة من الافظل انك تسيريها ومبعد تكيلي في جميع الحلويات

1 م ك نشا

1 مغرف الطمينة خمارة نوارة

50 ملل ماء ساخن

للتزيين
3 م ك مربى المشماش او الفراولة

1 م ك عسيلة نونورس او مرجان


3 مك ماء

التحضير

نخلط البيض مع السكر والملح جيدا بالباتور 10 دقايق وبالبيترا 5 دقايق
حتى يتغير لونه وكثافته

في حين نغربل المكونات الجافة مع بعض

كي يطلع البيض نقسم المواد الحافة على 2 نضيفها للبيض بالتدريج
مع التقليب دون الخلط هادا امر اساسي
وفي الاخير نضيف الماء الساخن ونقلب فقط حتى يمتزج جيدا

نحصل على خليط رغوي
نحطو في سينية مستطيلة الشكل مبطنة بورق المشمع او بكمية وافرة من الزبدة والفرينة

في هاد الاثناء نحضر ورق الخبز ويكون بحجم البسكوي ومرشوش بالسكر gلاسي

بعد ما يطيب البسكوي نقلبه فوق الورقة المحضرة سابقا ونلفه بسرعة ونضعه في الثلاجة

بعد ما يبرد تماما نشربو بخليط المعجون والعسيلة والما ء و ندهن بكمية من الكرام شونتي

نعاود نلفو ونحطو في الثلاجة حتى موعد تناوله
ارجو من الله اني وفقت في الشرح




من الافظل انو يقعد في الفور 10د فقط باش ماييبسش

هادا البسكوي مافيهش المشاكل اللي كنتو تتلقاوها سابقا
ما يتفتتش
ما يتكسرش
وسهل اللف
واكتر من هدا انو خفييييييييييييف بزاف
المقادير ما كاش ما اسهل منها