وسادة العروس شكل رائع ومذاق اروع

[ميسم جوري]

السلام عليكم هادي اول مشاركة ليا في الحلويات راني جبتلكم جديد راني دخلت نتعلم الحلويات وراح كل مانتعلم حاجة نفيدكم بيها كل حصة عندنا نوعين قاطو ساهل متل الصابلي متلا وتاني صعب يحتاج خدمة نبدو بالمقادير
3 كيلات فرينة
نص كيلة زائد ملعقتين كبار مارغرين التوريق دائبة
ملعقة ملون ابيض ووملعقة اخرى لون ازرق
ملعقة فاني ماء دافئ وملعقتين بودرة الماء زهر
العقدة
3كيلات لوز
كيلة ناقص 2ملعقتين سكر عادي
قشور الليمون
ملعقة صغيرة فاني
بيض للجمع العقدة
الطريقة
نخلطو النواشف مع بعض الفرينة الفاني ونقسمو على اتنان جزء نديرو ملون ابيض والجزء الثاني ملون ازرق نضيفو مارغرين دائبة ونخلطو تم نضيفو الماء الدافئ مع بودرة ماء الزهر حتى تتلم العجينة وتكون طرية نلموها في بلاستيك ونخلوها ترتاح نصف ساعة على الاقل حنا فالوقت هدا عملنا الصابلي راح من بعد نعطيكم المقادير بالتفصيل
بعد ما ترتاح العجينة نحلوها بالحلال ونحلوها في الة التوريق في رقم 7 عدة مرات خمس مرات على الاقل
تم رقم 3 ورقم 1 على التوالي مرة واحدة فقط
نفوتو العجينة كل من البيضا والزرقا فالة سباقيتي العريضة ماشي الرقيقة
بالفرشاة نزينو العجينة بالملمع الغدائي الابيض ونخليكم مع الصور
















وهدا الشكل النهائي

واللي مافهمتش اي حاجة او مرحلة راني جاهزة للاسئلة وانتظروني في قاطو هايل وجديد وحصري لمنتدى الجلفة فقط دعولي