سمك فيله بالكريمة ولبطاطا في الفرن

[نسائم الصباح]

السلام عليكم أخواتي اليوم جبتلكم وصفة .بطريقتي الخاصة
في الحقيقة هده الوصفة مانعرفهاش من قبل .

أكلتها في إحداه المطاعم وعجبتني بزاف .وعن طريق الدوق استخلصت مافيها .وكنت كل مرة نجربها ونخلط فيها .حتى وصلت لدوق مشابه للطبق لي كليت

نبدا على بركة الله بالتوابل

ثوم .ليمون .زيت زيتون .فلفل أحمر حار وحلوى .زعيترا .كمون . فلفل أسود . زنجبيل مطحون .ملح . رند
وكريمة سائلة .نسيت ماحطيتهاش في الصورة


نحطوا في صنية الفرن السمك والبطاطا من جيهة ونتبلوها بالتوابل لي حطيتهم ونعصر عليهم ليمون وزيت ونبرش الثوم
وبعدما نتبلهم ندخلهم للفرن





كي نشوفوا السمك طلق لاصوص نتاعوا نجبدوه من الفور



نصفي لاصوص ونحطها في مقلة أو كسرولا .ونضيف عليها الكريمة تقريب كأس



نحرك وبعدما تجمر الصوص شوية مش بزاف وتعقد .نفرغوها على الحوت نتعنا
بعدما كنا رجعناه للفور بش يزيد يطيب شوية
وهده النتيجة وشهية طيبة



إن شاء الله تعجبكم