بعد يوم على الأعصاب..هذا ماجاء في التحقيق

[sinopointic4]

تحية طيبة للجميع
يعد اليوم الشاق ها أنا الأن أسرد لكم تفاصيل أحداث اليوم وأنا أتباع مباراة البرصا vs أياكس ههههههه
المهم عندما توجهت للدرك في صباح هذا اليوم تم إستقبالي بكل ترحيب لأنهم تذكروني عندما تم القبض عليا سابقا ههههههه...المهم تم إعلامي بأني التحقيق قد وصل من المحكمة وكانو بصدد التوجه للبحث عني ليعلموني بذلك ...المهم
تم إخباري أنه عليا أن احضر بطاقة التعريف + دفتر العائلي + الشاهدين و أيتها وثيقة تساعد في البحث
المهم ملقيتش واش ندير الشهود مكانش ...رجعت ليهم وقتلهم في المساء بويسك لي نعرفهم كامل يخدموا قالولي ماعليه
المهم بعد العصر حوست على زوج شهود من الجيران لكن بعاد شوي علينا في الخمسينات وكانوا على إستعداد من قبل لمساعدتي في حال طلبت منهم شهادتهم ...المهم هما علابالهم بالحالة نتاعي مكلاه نقريهم هههههه
كي دخلنا عيطولي نا لولاني دخلت لمتكب مغلق حسيت روحي شغل واحد منعرف واش دار ولا عندي علاقة مع المختار بن المختار هههههه
كانت الأسئلة بسيطة ولكن كثيرة جدا لدرجة ربما أني قد يمكن ان احتقرها لكن كان من ورائها دهاء كبير...
العمل السكن الحالة العائلية الأجر...لا أستطيع تذركها جميعا
المهم طلب مني في الأخير ان احضر بعض الشهادات والوثائق التي تخص حالتي لتأكيد كلامي رغم انه قال لي ليست مهمة إلا أني اريد أن أضيفها في البحث لتساعد في البحث على حد قوله...المهم خوكم ميراطيش هزيت معايا دوسي كامل هههههههه غير يقول ونا نعطيه هههههههه المهم قاللي اخرج الان و انتضر في قاعة ....دخل الشاهد الأول حتى اني قلت منشكش يخرج ههههههه
ومن بعدها دخل الثاني و فرش ورقد معاه ههههههه
ومن بعد مخلصو أذن المغرب كبرت وقول فال خير إن شاء الله
ومن بعد مخرج الشاهد الثاني زاد عيطلي هنا دخلني الشك
وبقى يسقسي فيا أسئلة نتاع خبث لكن لم يكن يضهر ذلك كان يعرف كيف يطرحها فقد سالني حتى عن الشاهدان ومن أين اعرفهما
المهم هنا ذهبلي الحساب ...وقلت باي باي كرت جون
مي في الأخير قالي أخرج ...قريب نقولو 1 2 3 فيف لالجيري ههههههههه
المهم هي القصة تقريبا ان شاء الله يكون التحقيق في صالحي بويسك صح صح كرهت وحاب غير نفريها ...ربي يقدر الخير ..ومتنساوش تدعونا وان شاء الله في 14/01/02014 نسمع خبر مليح ...ايا نروح نكمل دوزيام ميتون ..البرصا ليوم ماشي مليحة ربي يستر ههه ... المهم التحقيق إستغرق حوالي ساعتين إلا ربع ...
المهم لي عندو إستفسار ساجيبهم ...ربما لم أذكر كل شيء بسبب التعب
تحياتــــــــــــــي