راني نهدر معاك

[ماسيلا]

السلام عليكم
عيشك قوليلي علاه كلشي حلال علي بنتك و حرام عليا
علاه بنتك تخرج تخدم نورمال و انا لالا
علاه بنتك تروح تحوس مع راجلها و انا كي نقعد مع راجلي وحدنا نحكيو في الدار ميعجبكش الحال و تقولي علاه قاعدين وحدكم
علاه بنتك تخرج تشري لبسه لي تعجبها وحدها و انا كي نخرج مع راجلي تقولي لالا و ادا فرج عليا ربي و خرجت تقعدي تحسبيلي في الوقت
علاه كي يسمع راجل بنتك لهدره بنتك في أي موضوع ديريلو عشا و تعرضيه و انا كي يسمعلي تقوليلو مش راجل تسمع لهدره مرتك
علاه بنتك عندها الحق تسكن وحدها و انا كي نطلب الدار تقوليلو تحوس علي الدار وحدها باه دير رايها
علاه بنتك كي تتهاوش مع راجلها ديما عندها الحق و انا كون نهدر راني واعره و ظالمه
علاه بنتك كل يوم عندك عاااادي و انا كون نروح لدار اهلي ميعجبكش الحال
قوليلي عيشك يلي زعمه تكوني ام ثانيه علاه هدا التفريق و علاه كلشي حلال علي بنتك و حرام علي عروستك
لالا سامحيني انا لي غالطه تجاوزت حدودي و قارنت روحي بابنتك شكون انا باه نقارن روحي ببنتك