تارت على شكل مضمار سباق من مطبخ ام نيفين

[أم نيفين]

السلام عليكم ...فاللول حابة نقولكم بلي انا هي ام نيفين هههه باش ماتقولوش المخلوقة هاذي سرقت المواضيع
و ثانيا هاذ التارت عندي عامين ملي خدمتها بصح حبيت نحطها للافادة***
هاذي التارت خدمتها لوليدي أمين تارت على شكل مضمار سباق سيارات
لأنو يحب السيارات بجنون
و الكل حار فيها و عجبتهم بزاف


نبداو بالمرحلة الأولى:
أنا الحاجة الأولى لي درتها وجدت المكان لي رايحة نحط فيه التارت لأنها كبيرة و ماعنديش بلاطو كبير قدها
قصيت كرطون على شكل مستطيل شوية كبير على التارت باش جي مليحة و تبان و غلفتو بورق الألمنيوم


[IMG][/IMG]


و من بعد بديت بتحضير الطبقات ..أنا هنا درت 4 طبقات
و الوصفة تلقاوها هنا


https://www.djelfa.info/vb/showthread.php?t=1465501

لكل طبقة ديرو حق 5 بيض و الباقي شوفو الرابط
و هاذي la plaque نتاع بيسكوي رولي لي خدمت بيها الطبقات

[IMG][/IMG]

[IMG][/IMG]

[IMG][/IMG]


الكريمة هنا بدلت فيها شوية:
1 لتر حليب+5 بيض كاملين+8 م ك سكر+5 م ك نشاء+ 1 م ص مارغرين + قشور القارس و نخلط كلش جيدا بعيدا عن النار ثم نحطها فوق النار و نحرك من حين لآخر حتى تعقد و نخليها تبرد شوية ثم + 2 م ك كرام شونتيي غبرة و نخفق جيدا بالباتور
و نخليها جانبا
بعد ما حطينا الطبقة الأولى من القاطو ندهنها بالكريمة و نقطع حبة بنان شرائح

[IMG][/IMG]

ثم نضع فوقها الطبقة الثانية من القاطو و هكذا حتى نوصل للطبقة الرابعة

[IMG][/IMG]

هنا نطلعو حوالي 200 غ كرام شونتيي + 2 كيسان حليب بارد جدا + ملون أخضر باش نخدمو بيه العشب


[IMG][/IMG]


بعد ذلك نغلف التارت كامل بالشونتيي مليح
و نروح نخدم الطريق..هنا استعملت عجينة التزيين **la pate à décor ** و زدتلها الكاكاو الغامق و عجنتها مليح حتان ولات بني غامق


[IMG][/IMG]


و حللتها فوق قطعة بلاستيك رقيقة شوية و بالسكين قطعتها على شكل طريق بهذا الشكل


[IMG][/IMG]


و زينتها بشرائط بيضاء من العجينة **كيما تاع الطريق**
و حطيتها مباشرة فوق التارت
و زينت الوجه كامل بوردات بلابوش آدوي **العشب**


[IMG][/IMG]


و هنا السباق بدا

[IMG][/IMG]


[IMG][/IMG]

[IMG][/IMG]


و هنا وليدي أمين يتفرج فالتارت

[IMG][/IMG]


نتمنى برك نكون وفيت فالشرح وأي سؤال او استفسار أنا فالخدمة


الموضوع تعبت فيه بزاف فأرجو ألا تبخلوني بردودكم و تقييماتكم



سلام


</B></I>