باتيسري ميني من مطبخي

[*سيرين نور عيني *]

عملت ميني باتيسري دوقو رائع و اقتصادي و بنين و يشرفك مع ضيافك


[IMG][/IMG]


وهايليك الوصفه ديالو

البسملة1

اولا:الجينواز
4بيض ,2خميره,2ملاعق كبار كاكاو ,كاس سكر,نصف كاس زيت ,نصف كاس حليب دافي,فرينه
اخلطي الكل حتى تحصلي على مزيج متجانس قوامه ثقيل
حطيه يطيب في مول يمشي للفرن

ثانيا:كريمة الحشو
غبرة شانتيي طلعيها مع حليب بارد جدا و زيدلها ملعقتين فلان شكلاطة
ثالثا:التزيين
كريمه شانتيي شكلاطة حلوة الترك و لا وش حبيتي انتي

الطريقة:

كي تطيب الجينواز ديالنا نقطعو دوائر و نقسموكل واحده على اثنين و نشربوها (انا شربتها بالعصير)
و ديري الكريمة تع الحشو في الوسط و اغلقيها بالنصف الاخر و ديري الكريمة البيضاء الغير ملونة
و زينيها حسب وش عندك انا زينتها بخطوط الشكلاطة و ذرذرت فوقها حلوه الترك .
ارجو ان تعجبكم الطريقة و انشاء الله نكون توفقت في الشرح


ملاحظة :

في الحواف ديري كاوكاو او لوز اوو نوادكوكو انتي و ذوقك

بالصحة و الراحة