إلى الأخت قمر السلام أدخلو و قولولي إلى راني عندي حق ولا لا

marwa kan · 2013-10-24, 13:30

..أسألي نفسك : لو أنكي تزوجتيي ب هذا الرجل و كل يوم يأتيك للبيت سكران ماذا سيكون تصرفك كنتي رح تطلبي من ربيي و تقولي يا ريتني ما تزوجت بييه ...و ها انتي ألآن ما تزوجتيش بيه اذن هذي اول نعمة ثانيا لو أنكي لم تنجحيي في دراستك و لم يوفقك الله ل تكوني صيدلية كنتي رح تطلبي هذا الشي من ربي و هو عندك الاان فالحمدلله ...و ثالثا كون انكي مطلقه قبل الدخله احسن بكثيير من مطلقه و لديها ولد هنا حاولي تشوفي للأشياء علي تكون اسوء من اللي صرتلك هكذا رح تقولي مزية مادخلتش ليه و مزيه و هنآك أشياء كثيره تميزك فقط فكريي بيها ....و اختك حاولي تفرحيي معاها كلي ما صرا والو انا ولله ما عنديش حتى أخت متمنية هذا الشيء لازم واجب عليك تفرحي معاها و تخرجي تخيري معاها الحوايج و توجدي روحك ل عرسها و أنسي كولش دركة جاك عرس أختك خليه يكوون فرحة تنسيك كل شي صدقيني ربيي يريدلك الخير اكثر من نفسك ....وش نقول لختي ولله حاجه ما تتستهل في هادي الدنيا ...أنا رآني نخمم في وحده سمعت بيها اغتصبها صديقها و راهي دركة خلات عليها من المجتمع ما ردك عليها ياك نتي احسن منها ولآ واش .؟؟؟ ابا مالا طيشي علي كل هذا التفكير و عيشي يا سيدي الدنيا واش فيهآ غيير يعيش الواحد و يرمي مو رآه ماكش غيير نتي لي عندك همووم و مشآكل كآين بنآت يتمنو يخرجو من الدار كاين بنآت يتمنو تكوون عندهم عايله كاين بنآت يتمنو يوصلو و نتي واصله و راكي صيدلية ..المهم أنا وش نقولك حاولي ترضي ب واش عطاك ربيي ماكاش واحد كامل في هاد الدنيا ....و ربي يهدينا أجمعين عليكي بالاستغفار فقط هو الحل الوحيد لكي ..و عذرا على الإطاله أختي لأني حسيت بيك صح صح حاولت نريحك ب كلامي الحياة ليست فقط رجل ..هنآك إلتزامات إتجاه الله سبحانه و تعالى

قمر السلام · 2013-10-24, 21:52

اول شيئ الله يخليك ويجازيك انك اهتميتي بالموضوع وكلامك فادني وريحني وكل كلمة قالوهالي هنا في المنتدى ساعدتني

يمكن الشيطان يوسوسلي يمكن غلط ولا صح مش عارفة ولكن تجيني لحظات نغير فيها

منيش ناكرة رحمة ربي عني ونعمو عليا الحمدلله على نعمة الوجود والصحة

اما صحتي النفسية انشاء الله شدة وتزول ويهنيني ربي من الامي النفسية واحزاني

يمكن انا محكيتش القصة كاملة لان محبيتش نطول عليكم ولكن قصتي مع هذا الشخص الي كان خاطبني احزنتني لان عندي سبب اقوى من انو فقط رجل جا خطبني

هذا الشخص كان جارنا بكري وكان يلعب معايا رغم اني نصغرو ب 13 سنة وتربيت في دارهم

وفرقتنا الايام كي رحلنا وبعد 8 سنوات رحت مع اختي هاذي الي حكيتلكم عليها للعاصمة على اساس تتبدل للمدرسة العليا ولان معدلها مسمحلهاش تدخل تم خالي قالنا نوريلكم واحد يبدلها هو عندو معارف في المدرسة العليا للاساتذة في القبة

والصدفة جات انو هو رحت انا معاها وشفتو وشافني وقالي انك كبرتي وروحت انا وابي واختي وانا بكل صرااحة

فات هو في قلبي وفكرت فيه لمدة عاميين وانا في مسيلة نقرا وهو في دزاير ولا اخبار والمشاعر كانت في قلبي لا يعلمها الا ربي

وشاءت الاقداار تصير حاجة الي سميتها معجزة انو بعد عامين من تلاقينا في دزاير ل 20 دقيقة يمكن

في هديك العامين هو كان تاني منسانيش وكان يستنى فيا نكمل قرايتي وجا وخطبني

ما حبيت في حياتي شخص ولا مشيت غير هادا البني ادم وهو الي خطبني كانت امنية تحولت لحقيقة وعشت اجمل ايام حياتي وقلت انو يمكن انا عجبني في قلبي وهمست بيها لرب العالمين وقلت في لحظة لوكان غير يخطبني

ومنساهاش ربي وحققها وفضل ربي عني كبير وانا المقصرة

وقالي انو كان عندو شحال من فرصة يتزوج من محاميات معاه الا انو قال اني نستنى هديك بنت قريتي الصغيرة الي نعرف اصلها من وهي صغيرة وتربات في دارنا

عطاني اهتمام ما عمري حسيت بيه ولا مرة اهتم بيا شخص سواء اهلي لا ابي ولا امي ولا اي احد

يمكن ربي اختار هاداا الشي لحكمة هو يعرفها وانا مش معترضة حاشا لله

ولكن انا عمري تمنيت نتزوج برجل عندوا مال ولا جاه ولا اسم ولا جمال خارجي
لما جا خطبني هادا رضيت على طول رغم انو فقير وجديد في مهنة المحاماة

ومعندوش دار ولا شيئ وبعتلي مع اختو قبل الخطبة قالي اذا ترضاي تعيشي معايا على قد ما نقدر حتى يفرج ربي

ونبنو حياتنا درجة بدرجة وقال يمكن انو تجي ايام ناكلو فيها الخبر والماء الا انها تصبر معايا

وانا قلتلها تقولو انو انا رضية بأي شيئ ومش طالبة شيئ غير ان الهنا ويكون معايا

وكان يحبني والله كان يحبني ولكن لما عقدنا سحروه هاذا الشيئ الي متأكدة منو حسدتني بنت خالي وقالت نورمالو هاداك يخطبني انا
وربي يجيرنا من الشك والشرك مش عارفة وش عملت امها الشي الي سمعتو مؤخرا انها راحت لدارو و ربي يعلم وش قالتلو

سمحيلي طولت عليك

ولكن قصة فشل خطبتي مكانتش غير هاك برك

ياريتها كانت مع اي شخص ولا مع
هاداك الي تمنيتو

وربي يجيب لي فيه الخير حسبي الله ومنعم الوكيل في الي ظلمني

soha1987 · 2013-10-25, 13:28

ربي يخفف عليك قمر السلام ممكم يكون صح سحر عباد هاد الوقت مايحشموش ادعي ربي في جوف الليل يخفف عليك وادعي لاكان فيه الخير يولي ليك
يارب فرج ان شاء الله

marwa kan · 2013-10-25, 14:07

امممممممممممم هذا ويين فهمت ولله صح عندك الحق و هاد الشي صعيب بزاف و لكن مادام ربي ماكتبكش ل هذا الإنسان كوني متأكده باللي راكي كاتبه لواحد اخر ب إذن الله ..وشنو ملازمش تحسي بالفراغ في حياتك باه ماتوسوسييش روحك حاولي تشغليي نفسك ب خدمة أو أي حاجه أخرى تعآآودي تقرا فرع اخر أو أي حاجه المهم متخليش الفراغ يسيطر عليك و عليكي بالاستغفار و الصلاه و بإذن الله شده و تزول .

عطر الجوري · 2013-10-25, 22:55

ربي يفرج عليك يارب ويجمعك بيه في القريب العاجل وان شاء الله تكوني ليه ويكون ليك

قمر السلام · 2013-10-26, 20:10

اقتباس:

المشاركة الأصلية كتبت بواسطة soha1987

ربي يخفف عليك قمر السلام ممكم يكون صح سحر عباد هاد الوقت مايحشموش ادعي ربي في جوف الليل يخفف عليك وادعي لاكان فيه الخير يولي ليك
يارب فرج ان شاء الله

امين واياكي ربي يحفظك حسبي الله ونعم الوكيل

قمر السلام · 2013-10-26, 20:11

اقتباس:

المشاركة الأصلية كتبت بواسطة عطر الجوري

ربي يفرج عليك يارب ويجمعك بيه في القريب العاجل وان شاء الله تكوني ليه ويكون ليك

امييين ويفرج عنك وش كاين في قلبك انشاء الله

قمر السلام · 2013-10-26, 20:14

اقتباس:

المشاركة الأصلية كتبت بواسطة marwa kan

امممممممممممم هذا ويين فهمت ولله صح عندك الحق و هاد الشي صعيب بزاف و لكن مادام ربي ماكتبكش ل هذا الإنسان كوني متأكده باللي راكي كاتبه لواحد اخر ب إذن الله ..وشنو ملازمش تحسي بالفراغ في حياتك باه ماتوسوسييش روحك حاولي تشغليي نفسك ب خدمة أو أي حاجه أخرى تعآآودي تقرا فرع اخر أو أي حاجه المهم متخليش الفراغ يسيطر عليك و عليكي بالاستغفار و الصلاه و بإذن الله شده و تزول .

الخدمة في الفارماسي وكرهتها لان اول يوم بديت فيه الخدمة هو نفس اليوم الي رحت فيه للمحكمة باه نفسخ العقد

منيش نروح مليت من حياتي ومن الخدمة وكل يوم غير نبكي ووليت عايشة في عالم مظلم حسبي الله ونعم الوكيل

أيادي الأمل · 2013-10-26, 20:43

ربي يفرج عليك أختي

كثري من الاستغفار

ربي يخفف علييك

marwa kan · 2013-10-27, 10:05

والله يا أختي غيير حاسه بييك ...ربي يفرج عليك و يجبر خاطرك الإستغفار هو الحل استغفري دايما و حاولي لكان باباك عندو الدراهم شويا و لا كان عندك شويا دهب بيعهم و روحي بييهم عمره ولله يآ أختي ترجعي إنسانه اخرا و بربي إن شاء الله ألف وآحد يتمنى يتزوجك ..و هاذي هيا الدنيا لازم كل وآحد يذوق فيها المر ربى ينسيك معا الأيام إن شاء الله .

قمر السلام · 2013-10-27, 13:11

انشاء الله حتى انا فكرت في العمرة وانشاء الله تصلح

~~r39~~ · 2013-10-29, 23:57

ربي يكون في عونك اختي شدة وتزول انا مريت بقصة لو نحكيها الحجر ينطق بصح عادي فترة وعدات صدقيني الزمن ينسي فقط التزمي القران والصلاة والدعاء ماتنسيش انو قسمك يجيك حتى بعد الف سنة وانو ماراح تدي غير الي كتبو ربي ولا خير الا في ما اختاره الله لنا