الانقطاع عن الدراسة جزاكم الله الامر مستعجل

tahar_baron · 2013-10-20, 14:43

السلام عليكم ارجو من اي شخص له معرفة او حل ان يدلني وان شاء الله في ميزان حسناته
انا كنت عاملا و ابي متوفي و الطفل الوحيد في العائلة قمت بوضع ملف التكفل بالعائلة 3 سنوات كل عام يقومون بالتمديد
العام اللي فات عاودت الباك و جبتو و ماركيت في الجامعة مي جامي روحت ولا حوست
اليوم وصلني استدعاء الخدمة الوطنية روحت ليهم و فهمتهم بلي مانقراش و معندي اي شهادة مدرسية
قالي جيبلنا شهادة الانقطاع عن الدراسة
حبيت نفهم ويلا كاينا هاد الشهادة و كيفاش باش نجيبها

*الحواس* · 2013-10-20, 17:28

إذهب إلى هذا القسم في المنتدى ,و ضع إشكاليتك و إن شاء الله تلقى الجواب تاعك :

قسم مستخدمي النظام العسكري و الخدمة الوطنية

خاصة الأخ صالح القسنطيني , إن شاء الله تلقى حل للإشكالية تاعك عنده

بالتوفيق

التلميذ. · 2013-10-20, 17:46

فهمت من كلامك انك نجحت في الباك حر و ليس نظامي
اذا كان كذلك اذهب الى الثانوية اللي كنت تدرس فيها
اطلب منهم شهادة مدرسية مكتوب فيها تاريخ التوقف عن الدراسة
تجد مثلا مكتوب ان فلان ...... توقف عن الدراسة في سنة 2006 مثلا
لان شهادة التوقف هي نفسها الشهادة المدرسية للسنة التس توقفت فيها
========

لكن اذا كان عندك باك فتأكد جيدا ان المؤسسة العسكرية على علم بذلك و لن تستطيع اخفاؤه عنهم

حميد.ص · 2013-10-20, 18:42

العام اللي فات عاودت الباك و جبتو و ماركيت في الجامعة............

اذن عندك شهادة مدرسية تاع السنة الاولى جامعي

tahar_baron · 2013-10-20, 20:34

يا اخي مادام ماركيت في الجامعة الدوسيي سور عندهم و هو طلبلي تاع الجامعة و انا مانيش حاب نديلو تاع الجامعة لان راح يديرني من اصحاب اللي يقراو وانا ديجا داير تكفل عائلي

حميد.ص · 2013-10-20, 20:45

كيماراكش مسوي الوضعية تاعك اتجاه الخدمة الوطنية و علاه عقبت الباك

و علاه سجلت في الجامعة

سطايفية بكل فخر · 2013-10-21, 19:39

روح للجامعة كاش ميمولك وثيقة تثبت بلي راك مقصي من الدراسة
معلاباليش ادا يخدموها او لا مي جرب

marin17 · 2013-10-21, 20:44

يأخي روح للجامعة وجيب أي شهادة سواء شهادة التسجيل أو شهادة الانقطاع عن الدراسة أو الدبلوم في كلتا الحالات أنت لديك الحق كل الحق في استخراج وثيقة الاعفاء من الخدمة الوطنية لأنك متكفل بعائلة ويتيم ممكن السن كل هذه الظروف قانونية ..
نقولو خلات وذرات وداوك قوة** ماتصراش** أولا يدوك المحكمة العسكرية كي يطرح عليك القاضي سؤال علاه ماجيتش ثم اعطيلو الوثائق وحكيلو كل شيئ ومبروك عليك الورقة...