شكرا لكن على التشجيعات
بالنسبة للاخت لي طلبت وصفة القنيدلات
للعجينة 6 كيلات فرينة + كيلة نصفها مرغرين لابال و نصفها مرغرين التوريق دايبين
قرصة ملح و مغرف لا فاني
و نبسس جيدا و نقص خوالي ثلث الكمية و نخليه و الثلثين نبلهم بماء الورد او الزهر على حسب الذوق و لازم العجينة تكون يابسة
الثلث لي خليناه نقسمو على 2 و نحط كل قسم في صحن و نحلل كمية من الملون الاخضر في ماء الورد او الزهر و نبل بيه العجينة باه نديرو الاوراق
و الجزء الاخر ديري اي لون تحبيه للازهار بنفس الطريقة
حطي العجينة ترتاح 3 ساعات باه تتحصلي على عجينة حريرية
مبعد حليها و قطعي دوائر حطيهم في لي مول انا اخترت المربع وو يكونو مدهونين اثقبيهم بالفرشيطة و حطي الحشو و ادهنيهم ب بياض البيض باه يلصقو الاوراق و الازهار
الازهار ثبتيهم باعواد الاسنان و حطيهم يطيبو في فرن متوسط 140-150 درجة كي تخرجيهم عسليهم في عسل ساخن مخفف بماء الزهر او الورد كي يبردو زينيهم بحلوى فضية و لماع غذائي
الحشو 2 كيلات لوز مقشر مرحي ناعم
كيلة سكر ناعم فنيلا + مبشور الليمون و نلم بالبيض حتى نتحصلو على حشو متاسك و نخليه يرتاح مليح كيما العجينة
نتمنى تكوني استفدتي و اي استفسار قوليلي
( تقرير عن مشاركة سيئة )، و الموجودة أسفل كل مشاركة .
2013-10-17, 19:33
العرض العادي
