موضوع مفيييييد بزااااااااااااااااااف

ان شاء الله يلقى تفاعل من قبل المعنيين

موضوع جميل والكثير بحاجة اليه اقتراح مني انو الخياطات يقولونا اسماء ماكينات الخياطة والمختصين يعملوا جدوى مشروع

والله تقول طليتو على قلبي اريد معلومات حول الحصول على ماكنة خياطة من اونساج

وكالة اونساج تمنح القرض اذا كنتي متحصلة على دبلوم خياطة عادية بقيمة ٦٠ مليون سنتيم والطرز قيمة اكبر

شوف علئ حساب معلوماتي الماشينات تاع الخياطة اشحال شريت ملاح خاطر ايجي نهار وتحتاج ليهم بصح زوج يكفو في البداية والسعر ديالهم 3ملاين انا شريت واحدة غير كيما اما الماكينات تاع السرفلة واحدة تكفي مهما كانت الورشة كبيرة وتخسر شهرية تاع خدامة واحدة تخدم مليح خير من زوج نهار كامل وهما قاعدات يسناو الخدمة خاطر السرفلة ساهلة ماشي كي الخياطة اما السعر ديالها4.5مليون حتي5ملاين انا شريت واحدة4ملاين و900 اما المكوات تاع البخار فهي تساعد بزاف والسعر ديالها مليون ونصف تاع 1.5لتر و2ملاين ونص تاع3لترات ومن 3ملاين حتي4ملاين تاع5لترات تاع الماء ومكوات واحدة تكفي
اما كيفاه راك رايح تخلص الخدامات خوذو رايي خلصوهم بالقطعة ماشي بالنهار وعلاه........خاطر كي تحسبلهم بالقطعة واحدهم يزربو بلاما تراقبهم ويحاذرو على الماشينات ومايخسروهمشس باه مايحبسوش الخدمه لتصليح الماشينة وهكذا يضيعو الوقت ومايربحوش جورني مليح اما اذا خلصتهم بالنهار هما نهارهم طالع طالع خدموا ولا ماخدموش ويحوسو غير على فرصة باه يضيعو الوقت

الحاجة الاهم و المهمة
2. زوليخة : مانكان - زوليخة رقيقة مقاس 38 و زوليخة سمينة مقاس 48 و طلع
1. خاتي زبيدة - خالتي زبيدة لازم تكون خياطة بخبرة كافية
1. خالتي زرفة - تعازن خالتي زوليخة اذا كثرت الخدمة - ان شاء الله

1. الة خياطة مستقيمة - Droite
1. الة سرفلة: 4 خيوط - اكرر 4 اربع خيوط راح تفهم الفايدة تاعها مع التجربة
1. الة خياطة زيزاق machine a coudre zig zag -
1. طاولة قص ما تقلش على 1.70 م عرضا و 4 م طولا اقل شيء
هذا الالات هوما الاهم
و اذا كان ممكن تزيد
1. الة خياطة كولتوز - machine a coudre Colleteuse- راهي تزيد البنة للماكلة

و باقي الادوات لي ذكرتهم

ربي يكمل

موضوع رائع جدا و غاية في الأهمية ... ان شاء الله يفيدونا الأخوة و الأخوات للي فاتحين ورشات انا نخيط غير لروحي برك و الحمد لله رب العلمين .

مبروك الاخ عمر تبانلي. رايح تفتح مشغل. ربي يوفق انشاء الله نقدر نقولك انا عندي اتوليي صغير في الدار نقولك واش كلفني اوكي..!
مشينة اندوستريال سانجار تطرز و تخيط ستقامتلي 3ملاين و 900 و سورجيتوز ب 800الف بصح لاتوليي لازم نتاع 3 ملاين و لحديد ب 19 مية و زوليخة ب 160والف. نتا لازملك هي و لا فامي نتاعها. هههه و باقي التفاتف نتاع الخيط و لمقص مايكلفوش بزاف و ماتنساش لخزانة لي يحطو فيها القش و طابلة كبيرة للتفصيل هذا واش نعرف باقي الجهة القانونية و الكوميرسيال نشالله يفيدونا الاخوات بالتوفيق لكل واحد ناوي يخدم و اول واخر حاجة يتكل على ربي سبحانو و يعزم

مساء الخير للجميع

الحمد لله راني نشوف الموضوع فيه تفاعل كبير وان شاء الله كامل تستفادو

الاخت سطايفية فيما يخص الماشينة 3 ملايين و900 الف .....هل تخيط كل انواع الاقمشة وما هو نوع الطرز اللي فيها ؟

سورجيتوز.......انا على حسب ما نعرف كاين نتاع 2 و 3 و 5...ولكن ما فهمتش وش يقصدو ب 2 و 3 و5 هل قصدهم عدد كبات الخيط ؟؟؟....وما الفرق بين كل وحدة

اما زوليخة ......ما فهمتش قداش السعر نتاعها هل تقصدي 160 الف ؟؟؟؟

شوف خوياعمر الماشينةتاع 3ملاينو900تخيط كل انواع الاقمشة وتدير zigzag
بصح انت اذا راك حاب حاجة مليحة للخياطة ماننصحكشس بيها خاطر ماراهيش رايحة تساعدك بزاف خصوصا وين كاين الخياطة الغامقة كي السنسلة وليبوش والكول راهي متعبة بزاف خاطر البيي دبيش اتاعها عريض بزاف ماشي كي الماشينة الخاصة بالخياطة برك ليبيي دبيش اتاعها تتبدل كيما بغيت وراهي تخيط حتى السنسلة انفيزبل يعني الماشينة هاذي تصلح غير للخياطة المستقيمة و zigzag
اما الماشينة تاع السورجي كاين تاع 3ملاين ونص تاع 3ليبوبين تاع الخيط تدير غير السورجي و كاين تاع 4ملايين ونص وطلع تاع 5بوبينات تدير السورجي وتخيط في نفس الوقت وانت قادر تمشيها غير ب3 بوبينات وتديرلك السورجي برك

صح عندك الحق اختي هدي هي المشينة لي شريتها اول مرة لقيتالبيي دبيش تاعها عريض ويقلق في الخياطة لانو كي تكوني موالفة بالعادية تحيري في هديك العريضة

سلام عليكم الاخوات نعم الورشة اصعب شيئ و اسهل مشروع في نفس الوقت يجب تكوني متمكنة في كل شيئ اول شيئ الي غاب على الجميع اني يلزم تكوني عندك نضرة تاقبة وحس نظري و تطبيقي و الاهم الاهم هو الكلام المعسول باش لي يجي عندك ما يبدلكش مهما يكون مشي كي ملي يدخل ونتي ...........الخ.ههههههههههه
وننصح الي تحب تفتح ورشة تبدا وحدة وحدا حتى تكبر الخدمة او المشروع تبتعد كليا على اللاونساج و كيما قالي اخي عمر كتر خيرو و الان نخدم وحدي بدون ان اكون مسؤلة على احد هذا يبقى رايي مع العلم الورشة لي رايحة انحلها تاع الافرشة ربي يفق كل واحد يحوس على رزق الحلال

السلام عليكم الموضوع في غاية الاهمية انا بالنسبة اليا بديد وحدة وحدة لماشن شريت باوحدة بديت نتعامل مع الزبائن حتى تعودو عليا كل مرة نزيد نشري الشي اللي نحتاجو درت قراج طابلة كبيرة للفصالة وزد لماشن حى السرفلاج شريتها بصح منعرفش نركب ليها الخيط راهي في الكارتتونة انتاعها وكثرت عليا الخدمة حت مقدرتش عليها
اللي يخصني الان يد العاملة اللي نلقاها تحتاج لتعليم اكثر لانهم يخرجو من التكوين فارغين تلقى نفسك تعلم مكش تخدمكي يتعلمو يخدمو في ديارهم اما بالنسبة للخياطات المحترفات كل وحدة تقلك نخدم وحدي خير وشرط اساسي اللي يفتح مشروع لازم يكون خبير فيه مليح ويعرف كل شئ فيه باش مايتكلحش اما لخلاض الله اعلم يمكن باقي الاعضاء يفيدونا لانو فعلا موضوع يهم الجميع يريت اللي يفيدنا يكون عاش فعلا الوافع وشكرا