وش ذنبواااااااااااااا مسكيييييييين

عذراء الجبل18 · 2013-09-30, 10:42

السلام عليكم ورحمة الله تعالى وبركاته

احترت من وبن نبدا نحكي والله عجز اللسان عن الكلام , كلش يفوت وكلش يتصلح بصح حابة نفهم وش ذنب انسان كبييييييييييييييييير رب اسرة واب ويتكفل بمصاريف العائلة وهو راضي وصابر بشهرية مليون ونص

وفي الأخير يجي ولد فلان بمعريفة يتعين مديييييييييير هذا الاخير يطرد رب الاسرة واللي خذم وتعب في الشركة 27 سنة , سبحان الله ياوييييييييييييين راهي الانسانية وين راهي الرحمة , يا اخي ارحموا لترحموااااااااااااااا , تبالي رانا في بلاد معضم شعبها مسلمين والله في بلاد الكفار متصراش واذا صرات منستغربش , وش ذنبوا هذا الانسان يلقى روحو مكالي الحيط والدمعة طايحة يخمم في بنتو المريضة اللي حاكمة البلاصة واللا في اليامات الجايين واللا في وااااااااااااااااااش , ياخاوتي مايش حاجة ساهلة انك تشوف اب يبكي بسبب خوفه من الجوع والايام القاسية مايش ساهلة تشوف الزوالي مسكين خايف
مايش ساهلة تشوف ام تخرج من دارها على ال5 تاع الصباح تروح تسايق وتنشف باه تجيب مليون تصرف بيه على اسرة تتكون من 10 افراد , وماوووووش بالامر الهيين شاب في 37من عمرو مستقبلو مظلم , واللي تقطعني انك نشوف بنت فلان لابسة لبسة ب 10 ملاين وتسوق في سيارة ب مليار ,
لا حول ولا قوة الا بالله العلي العظيم
مفهمتش وش هو الحل ؟ كيفاه راح نتعاملوا مع امور كيما هاذي؟ يخي احتياط بلادنا ربي بارك ماوش قليل خلاص ؟

اعذروني بصح والله ماقدرت نحمل تفرجت فيديو لهذا الاب اللي تطرد من العمل زعزع قلبي والله دمعتو قطعتلي قلبي انسان عاقل يبكي بحرقة والله حراااااااااااااااااام

السلام عليكم