حلوى بطبقتين المعجون والشوكولا

[amina_ottho]

البسملة1
هذه الوصفة زاكية وبنينة وهشيشة ديما تديرها اختي نديرلكم الطريقة


المكونات:

5 بيضات
كاس سكر
كاس زيت
1 خميرة ونص
وقشور القارص
وفرينة
معجون تاع مشمش رطل
وقلاصاج تاع الشوكولا



تخلطي كل المكونات مع بعض وتديري الفرينة المغربلة



حتى تولي عجينة متماسكة




تقسمي العجينة على زوج




النصف الاول تحليه في البلا تاع الكوشة الكبير والحواشي طلعيهم حتى اخر البلا باش ما يخرجش المعجون وتغرزيها بالفرشيطة لانه تتنفخ




وتحطيها في الكوشة سخونةمن قبل مدة 10 د تطيب نص طياب وتخرجيها




وتحطي فوقها المعجون تطليها كلها





وتجيبي النص التانيتاع العجينة تحليه وديريه فوق المعجون ما تخلي حتى فراغ



ودخليها تطيب حتى تحمار شوي من فوق وخرجيها




تذوبي القلاصاج تاع الشوكولا




وتطليها بالقلاصاج





ومن الفوق كيما تحبي تزينيها ساعات ندير الفارميسال الملونة وساعات تاع الشوكولا اليوم درت النوادكوكو




وتحطيها في الثلاجة تبرد وبعدها قطعيها مربعات صغيرة



وهذا الشكل النهائي





ان شاء الله تنال اعجابكم
ودعوة خير من عندكم