الخدمة الوطنية

[حمزة فليكسي]

السلام عليكم
الخاوة بالنسبة للعامين
انا عمري 20 سنة ماوصلني والو
كيفاه ندير التأجيل مازالي نقرا و حاب ندير التأجيل
نقدر ندي معايا شهادة مدرسية ونروح للقازارنا التابعة للولاية الي راني ساكن فيها
اسكو نقدر ندير تما التأجيل ولا لالا
وكيفاه الحل رعم ان اصحابي دارو السورسي في القازارنا تاع قسنطينة مي هوما بعتولها وانا لالا
وبارك الله فيكم اخواني
........
انا زايد في النهار هذا 23/01/1993
هل الكونفوكاسيو 3 يكون وصل ولا لالا
انا مازال نقرا طالب جامعي سنة 2
اسكو كي نروح عندهم قادرين يهزوني ويفوتوني على المحكمة العسكرؤية ولا كيفاه
الله يستركم
وشكرااا لكم

[imedmias]

الامور بسيطة جدا ادي معاك شهادة مدرسية 2013 و 02 صور شمسية وتوجه لمركز الخدمة الوطنية الذي تتبع اليه يخدمولك سورسي بمدة عام

[وليد ح]

اولا اذا ما جاتك حتى اوردبال ما ديرش تاجيل حتى تجيك
العسكر ما يهزكش للعدالة الجوندارم هما اللي متكلفين كي تكون روشارش كي يحكموك يفوتوك للمحكمة العسكرية

[فارس القسنطيني]

با خويا بما أنّهم ناسيين عليك و بما أنّه ما جاتك حتى اوردابال ، فمعنى ذلك انك لم تحتاج في يوم من الايام الى سورسي و الذي به تصبح مسجلا تلقائيا عندهم و الذي من خلاله تصبح تتلقى لي اوردابال.

و السورسي يا اخي تحتاج اليه غالبا لما تجي راح تدفع ملف تاع خدمة و يكون من بين الوثائق المطلوبة في ذاك الملف نحديد وضعيتك اتجاه الخدمة الوطنية.

و على هذا الاساس هذوك صحابك يكونو شاركو غالبا في مسابقات توظيف و الله اعلم ، او انهم سجلو نفسهم يوم الاعلان عن دفعتكم في الخدمة الوطنية.

و بالتالي يا اخي خلّيك منهم بما انهم ناسيين عليك و ما بعتولك والو ، اما اذا احتجت للسورسي من اجل انك تدفع ملف تاع خدمة فهذيك حاجة خرى .