مشكلة ........... مشكلة

[مشكلتي]

السلام
انا طفل 13 من عمري و عندي اخي توئم و انا دائم الشجار معه
حيث اجي بابا يسبنا ليس كلمات مخل بالحياء

مثلا اكو كبروتو يا الصغار

+ لا يشترون لنا لا ملابس من العيد لعيد صدقوني انني مازلت البس ملابس السنة الاولى ابتدائي


هل من حل

[سماح الجيجلية]

يا ابني قلت لا يشترون لنا لا ملابس من العيد لعيد يعني يشرولكم ملابس حتى اذا كان من العيد للعيد ماعليش لو قدرو يشترولكم دايما هم يحبوكم صدقوني انني مازلت البس ملابس السنة الاولى ابتدائي يعني ماكبرتش؟

حاول ما تضاربش نع خوك لأنو صاحبك ومادامك كتبت في منتدى الجلفة راك كبرت ما شاء الله

ماماك وباباك يحبوكم بزاف

[نايفز55]

يا ولدي غير صبر وخلاص واش راح دير ربي يعنك وخلاص ممكن بابك ما عدوش بزاف دراهم على هذا ما يقدرش يشرلكم لبسة كل يوم

[صالح القسنطيني]

و عليك السلام

ما دام أنك ساتر لعورتك و لا تخرج عاريا فاحمد ربك فهناك من ليس له ما يستر به بدنه و تعلم تنظر إلى من هم دونك فوالله ستحس براحة و قناعة و غنى

و لا تنظر لمن هم فوقك فتعذب قلبك و تشغل فكرك و تفرق قلبك

[KARIMA.HOPE]

احمد ربي يا اخي كاين ناس ما عندهومش باش يشرو في العيد و انت يشرولك في اعيد قول حمد لله
و بلاك باباك ما عندوش دراهم بزاف لازم انت تاني تحس بيه
و الله اعلم

[عماني نور]

حنوووووووني ،، ماعليش بالاك ماعندهمش باش يشرولك ،، هوما لوكان عندهم زعما يعزو فيك ؟؟

و خوك راهو نسخة منك نوغمالمو ماتتضاربوش خلاااااااص ،، سيي ديرو صاحبك ،، و اكسبو

زعما انتَ عقلك كبير عليه

و ان شاء الله مايكون غير الخير

[بين الحقيقة و السراب]

ربّما يدفع بها الاشتراك في النّت ^^

ثمّ ، أسلوبك لا يدلّ على أنّك طفل فترفّع و لا تكن دائم الشّجار
[ الشّجار للصغار و الوقار للكبار]

هذا مقترحي كحلول ^^

[عازف الصمت]

بني لتكبر كما قال والدك الكريم اثابه الله الجنة
مشكلتك تكمن في والدك .........صديقي الصغير مشكلتك حلها عند الوالد ابحث عن السبب الذي جعله لا يشتري الملابس ....ربما لا يملك نقودا ....اسأل لما قال لك اكبر ربما لأنه يريدك ان تساعده


تعلم ان تقدم الأعذار بقدر الإمكان ولا تلم والدك وان كان مخطئ وحاول ان تصبر

[مواطنة]

السلام عليكم
اخي ماشاء الله عليك عمرك13 لكن بما انك تبحث عن حل معناه عقلك اكبر من 13
من جهة الشجار هذا يقع حتى بين الكبار يعني من جين لاخر عادي لكن لا يجب افتعال مشكل و لا الضرب لان واخوك من بطن واحدة و انما لازمك انت ديرو في عينيك حتى لو ضربك ما تردش عليه اذا حبيت الشجار يتوقف و الامور تتبدل لازمك انت تكون التغيير لي حاب تشوفو عامل اخوك بالحسنى مهما كان و ابتعد عن الشجار قدر المستطاع
اما عن الملابس يا اخي انا نقولك ماكاش لي يحبك قد امك و ابوك مهما يبانو بلي ضدك .المعيشة ولات غالية وانت ما تقدرش تتصور مصاريف البيت شحال يعني غلاء المعيشة و قلة المدخول يلعبان دور في تصرف الوالد
ويقدر باباك عندو دين انت ما تعرفش واش كاين والاهل ما يحبوش يتكلمو معاك في هذا الموضوع باش ما يقلقوكش و يخلوك مهني
انت لازمك تشكرهم اذا قدرو يفرحوك في العيد خير من والو و الحوايج تبان بيهم قدام الناس المهم نظاف و مرتبين انا نعرف اقربائي في الاعدادي و مايشكوش لاتيين بقرايتهم يلبسو تاع الابتدائي عادي والحوايج في المناسبات و فقط وكاين و الله مايشرولهم حتى في الاعياد. المهم حوايجك قدك و ساترينك
دير بالك قرايتك و علاقتك مع اهلك و مت تقارنش نفسك مع اللي وضعهم المادي افضل و ادعي الله يرزقك و لا تلتفت لكلام الاصدقاء الفاشلين خوك هو صديقك الحقيقي لانو عندو نفس وضعك
و اقرا مليح باش تخدم خدمة مليحة و انت تصرف على نفسك وكي يجوك اولاد انشاء الله توفرلهم اللي والديك الله غالب ما قدروش يوفروهولك

[safa beng]

ما شاء الله عليك
شجارك مع اْخيك شئ عادي يحدث غالبا بين اخوة ولكن عليك اْلا تفتعل الاسباب
اْبوك لا يشتري لك الباس ممكن للظروف مادية مثلا فعليك اْن تقدر ظرفه انتظر الجزاء من الله

[أمة الله 12]

الله يبارك, بما انك عرفت تطرح مشكلتك هنا, يعني راك وليت راجل

بخصوص الملابس, تأكد انو بسبب الظروف المادية باباك مايقدرش ديما يشريلك, و عادي جدا هذا ناس ياسر عايشين كيما هكا

أما بشأن قوله لك و اخوك بأنكما كبرتما, حقا أنتما بدأتما تكبران

دير في بالك اللي راهو يحبكم و يعزكم, و يقلكم هكا بيش تولو رجال و غليكم الكلام, وقت الصح يلقاكم

يجي يوم و باباكم يولي شيخ, لازم يوجدكم انتم بيش تولو رجال و تتهلو فيه

علابالي صعيبة شويا, حتى أنا بما أني الكبيرة, نتفكر كي بدو يقولولي راكي كبيرة تغيضني روحي و نتخبى و نبكي, بصح ضرك كي نتفكر نضحك على روحي ههههههههههههههههه

حتى انت نقص شويا من العراك مع خوك, بالعكس عود العب انت وياه و اضحكو مع بعضاكم


يخي تفاهنا

[كلنا لله]

هادي حاجة عادية انا طفلة في عمري 16 سنة و عندي خويا توام كي كنت قدك انا و خوي كل نهار تعرف واش كل نهار نتقابضو و كان دايمن يشبعني الخبط هههههه عندو ما ضرب فيا و كي نقول لبابا و لا ل ماما يضربونا في زوج و لا يتقابضو معانا بالهدرة بصح دروك كبرنا و ما وليناش نتقابضو بزاف بصح هو مازال يخدم فيا علابالك راني في 2 ثانوي و هو ما زال كلما يدخل لدار يشكطني و لا يضربني بالمخدة كيما قبيل برك ضربني 3 مرات بالمخدة هههههههه بصح ما عليش هذا الشيء كامل مبعد تنساوه و كي تكبرو و تفكرو تضحكو على رواحيكم ههههه و تبقاو توام و هدي نعمة عظيمة من عند ربي على خاطر كاين لي ما عنذوش خوتو خلاص

[**سارة**]

بالنسبة لشجاركم ا،ت وخوك هذا شيء طبيعي في أي بيت تلقى 2 خاوا يدابزو على اشياء تافهة ههههه و انت حاول قدر المستطاع تجنب ذلك باش والدك يشوف بلي أنت خلاص كبرت و هكا تفرحكو كتر اما الملابس فوالله كاين اللي معندهمش حتى باش يشرو للعيد وومكن والدك معندوش التمسلو أعذار وحاول تقولو وتصارحو واذا صح معندوش دراهم متهبلوش و متضغطش عليه وربي يفرج ان شاء الله

[thamourth]

اقرا مليح كون روحك و خوك ماكاش كيما هو برا اياك ثم اياك كزن روحك و دير الرياضة راك تلقاها وزيد بيفيه يجوزوا لعوام كون متربي و صلي و خطيك من المظاهر و اسمع مليح لباباك لانو في الشارع ماكاش لي ينصحك.....رانا مجربين و الله ادا تأخرت عليك بعض الاماني...ربي سبحانو رح يبعد عليك بزاف مصيب....ما تتقلقش خوك ماتكثرش معاه الكلام يعود يحبك.....هداك هو دراعك حافظو على بعضاكم

[3ahmed3]

تربية التوام صعبة اكيد ابوك تعبوا وارادو ان يستريحوا لان التوام عندهم مصاريف كثيرة من لحظة الولادة الى غاية الكبر لذا هو يريد ان ينسى ذلك ولهذا هو لا يتذكر ان يشتري لك اللباس من كثرة الشراء لكما في الصغر
اليوم اصبحت كبير مرة يشري لاخوك ومرة يشري لك لكي لا يحس ابوك بالملل دائما يشتري لاثنين
وان شاء الله تكبر وتخدم وتساعدو