اين انتي يا الاخت سطايفية وافتخر ..مساعدة لوجه الله

sehamralin · 2013-09-20, 16:07

سلام عزيزتي انا ادرس بجامعة سطيف 1 ولكن التخصص ماعجبنيش وحبين نعاود الباك نتاعي وانا مارانيش حابة نقرا هذا التخصص لذا قررت نسحب شهادة الكالوريا نتاعي بصح حبيت نعرف اذا ماياثرش على الشهادة اللي نديها العام الجاي انشاءالله في 2014 تعيشي اختي ساعديني مالقيتش اللي يوريلي الحل وقوليلي على السلبيات كي نسحب الشهادة نتاعي من الجامعة: sdf:

sehamralin · 2013-09-20, 16:22

اختي الله يخليك جاوبيني من فضلك راني نغلي

شـــهاب · 2013-09-20, 16:28

في حالة سحبك شهادة الباكالوريا لا تستطيعين التسجيل بها من جديد اذا وضعوا عليها الكاشي --سحب نهائي --
اذا من الافضل تعملي عطلة أكاديمية للسنة الدراسية و تبقى الباكالوريا محفوظة في الجامعة و يمكنك التسجيل بها بسهولة ان اردت

sehamralin · 2013-09-20, 16:44

اختي البلوكاج يدي وقت صح
الشهادة اذا سحبتها راح يكون ليها تاثير علة نتاع العام الجاي ولا لا اتعيشي ثقلت عليك

sehamralin · 2013-09-20, 16:45

يعني حبيت نعرف كي نعاود الباك نقدر نقرا في الجامعة ولا لا

hakim park · 2013-09-20, 17:10

و الله مشكل التخصص اصبح هاجس الطالب اليوم و هذا ما تطرقنا اليه في الاجتماع الاسبوع الماضي في جامعة الجزائر 2
بالنسبة لسحب شهادة البكلوريا من الجامعة يعني انك فصلت روحك من الجامعة نهائيا لان شهادة البكلوريا ما تخرجش من الجامعة الا لسبب التحويل الخارجي
ولكن اذا سحبت البكلوريا من الجامعة بدون سبب فهذا يعني ان البكلوريا نتاعك ليس لها فائذة و مايقبلوكش في حتي جامعة الا بالمعريفة
ربي يوفق انشاء الله و لا تتسرعي

سطايفية بكل فخر · 2013-09-20, 17:16

اقتباس:

المشاركة الأصلية كتبت بواسطة sehamralin

اختي الله يخليك جاوبيني من فضلك راني نغلي

شهدي واستغفري وبلعقل نحلو الامور
راني هنا ونتناقش معاك في اي سوال واي قرار تديه
وحدة وحدة راهو مستقبلك ولازم تخطيلو

اقتباس:

المشاركة الأصلية كتبت بواسطة شهاب الليل

في حالة سحبك شهادة الباكالوريا لا تستطيعين التسجيل بها من جديد اذا وضعوا عليها الكاشي --سحب نهائي --
اذا من الافضل تعملي عطلة أكاديمية للسنة الدراسية و تبقى الباكالوريا محفوظة في الجامعة و يمكنك التسجيل بها بسهولة ان اردت

مشاء الخير اخي شهاب كيف حالك اتمنى انتكون بخير
+
فعلا تبلوكي ولا تسحب

اقتباس:

المشاركة الأصلية كتبت بواسطة sehamralin

اختي البلوكاج يدي وقت صح
الشهادة اذا سحبتها راح يكون ليها تاثير علة نتاع العام الجاي ولا لا اتعيشي ثقلت عليك

ميدي لا وقت لا والو احسن مضيعهلك شهادة تاعلاالباك
وزيد شكون يضمنلك بلي راكي رايحة تجيبي هدا العام الباك الواحد ميعلمش الغيب متسرعيش وطيشي باكك هكاك
وحدة وحدة ونحلو الامر

اقتباس:

المشاركة الأصلية كتبت بواسطة hakim park

و الله مشكل التخصص اصبح هاجس الطالب اليوم و هذا ما تطرقنا اليه في الاجتماع الاسبوع الماضي في جامعة الجزائر 2
بالنسبة لسحب شهادة البكلوريا من الجامعة يعني انك فصلت روحك من الجامعة نهائيا لان شهادة البكلوريا ما تخرجش من الجامعة الا لسبب التحويل الخارجي
ولكن اذا سحبت البكلوريا من الجامعة بدون سبب فهذا يعني ان البكلوريا نتاعك ليس لها فائذة و مايقبلوكش في حتي جامعة الا بالمعريفة
ربي يوفق انشاء الله و لا تتسرعي

فعلا اخي مند 2010 لا يوجد طالب راضي بما يدرس وتلقاه اما يقرا فوق القلب او على جال وجه والديه او مدرق راسو
واما تلقاهم يعاودو العام بعامين ويديرو تحويلات عشوائية وحتى لي عادو الباك تلقاه يجيبو معدلات متاهلهمش لواش يحلمو
والله نظامنا صار كارثة والضحية شبابنا
+
اخي هل انت استاد ام اداري في الجامعة؟ وماهي نتائج لي خرجتو بيها من الاجتماع
+
المعريفة متفيدش لانو الكاشي فوق الباك اخي

سطايفية بكل فخر · 2013-09-20, 17:10

راني هنا اختي واش راكي تقراي واش دزوك

sehamralin · 2013-09-20, 17:21

شكرا ليكم تعبتكم معايا يعني كي ندي مالادي نتاع 6 اشهر يعطولي العطلو ولا لا

sehamralin · 2013-09-20, 17:23

مازال ما جاوبتونيش كي اندي الباك العام الجاي نقدر نقرا بيه في اي جامعة ولا تابع لنتاع السنة يعني اللي سحبتها

hakim park · 2013-09-20, 17:34

اقتباس:

المشاركة الأصلية كتبت بواسطة sehamralin

مازال ما جاوبتونيش كي اندي الباك العام الجاي نقدر نقرا بيه في اي جامعة ولا تابع لنتاع السنة يعني اللي سحبتها

راكي دوختيني يا اختي واش راكي حابة مافهمتش
اقراي هذا العام و ربي يفرج انشاء الله

سطايفية بكل فخر · 2013-09-20, 17:24

ياطفلة راكي تقدري تقراي بالباك تاع العام الجاي مي نسقسيك شكون راهو ضامنلك بلي تجيبيه وحتى لو جبتيه شكون ضامنلك بلي تديه بمعدل مليح
قوليلي واش راكي تقراي الان جاوبيني باش نقدر نعاونك
وفكرة سحب الباك نحيها من راسك لخاطر راهي غلطة عمرك

hakim park · 2013-09-20, 17:28

سلام اختي و الله راكي عارف نتائج الاجتماعات دائما سلبية ماكاش حلول لان اطور الثانوي ما راهوش متعاون معانا هوما يطبعوهم للجامعة بمستوي 0 كيفاش حبيتي نديرو
بالنسبة للسحب قلت انو لازم معريفة باش تسحب بدون اي مشاكل ممكن موضحتش في الرسالة لي قبل

sehamralin · 2013-09-20, 17:32

ندرس علوم الارض والكون في سطيف

سطايفية بكل فخر · 2013-09-20, 17:48

اقتباس:

المشاركة الأصلية كتبت بواسطة hakim park

سلام اختي و الله راكي عارف نتائج الاجتماعات دائما سلبية ماكاش حلول لان اطور الثانوي ما راهوش متعاون معانا هوما يطبعوهم للجامعة بمستوي 0 كيفاش حبيتي نديرو
بالنسبة للسحب قلت انو لازم معريفة باش تسحب بدون اي مشاكل ممكن موضحتش في الرسالة لي قبل
اما الوظيفة راني نائب مدير الدراسات في كلية الحقوق بن عكنون

شكرا اخي للرد
+
مناش مستوى صفر اخي للاسف النظام هو لي خلانا صفر ولو تعرف واش يصرا فينا قبل من نطلعو ليكم للجامعات تبطلو تقولونا هكا
العام الماضي فقط خضت نقاش حاد مع استاد لانو قالي مستواكم صفروطلعوكم للجامعات وقتلو
مش دنبي انو الوزير قرر يطلع 75 بالمئة من طلبة الباك باش يغطي على فشل نظام التعليم والاساتدة لي مكلفينهم بالتعليم
مش دنبي انو الاستاد ميكمليش البرنامج ويقولي ارواحي ليكور نكملك الدرس
مش دنبي انا اني قريت مقرر ثانوي متلامش مع البرنامج الجامعي
للاسف اخي راهو مكان تعاون مع حتى طور وراهي مشكلة الطالب الحقيقية هي الابتدائي من ثماا وو يعاني حتى يلحق للجامعة وين يزيد يتصدم
التعليم في بلادنا للاسف كارثة بكل المقاييس ورحنا حنا في رجلينا
انا شخصيا نحمد ربي لاني لحقت بالتعليم الاساسي في الابتدائي لاني ديت لاباس تاعي باش نكمل نكومباتي في النظام الجديد وكون مجاتش عندي لاباز مكنتش نقدر نقاوم ونكمل حتى للجامعة وملقري مقريتش واش كنت متمنيا بسبب التوجيهات مي الحمد لله قدرت نتغلب على المشكل وحتى الشي لي مقريتوش في الثانوي حوست عليه وفهمتو
والحمد لله كملت ثلاث سنين وانا فاهمة واش قريت

+
اه ماسفة فهمت العكس
+
فعلا المعريفة ولات حاجة اساسية في بلادنا
شكرا مجددا للرد اخي
وان شاء الله نتلاقاو في نقاش اخر ونكملو حديثنا حول التوجيهات وممكن رايحة نفتح موضوع بهدا الخصوص وان شاء الله نتناقشو فيه لانو هدا الموضوع رايحين نخرجو عليه

اقتباس:

المشاركة الأصلية كتبت بواسطة sehamralin

ندرس علوم الارض والكون في سطيف

ياريتك جيتيني من قبل كنت نطلب منك ديري تحويل للبيولوجي او التيكنو لانهم يعاونوك باش تعاودي الباك لانو فيهم المواد الاساسية للعلو م التجريبية
مي مش مشكل لانو علوم الكون والارض ثاني فيها هدو المواد في السنة الاولى ورايحة تعاونك تقراي
واش قلتي تقراي واومام طون تعاودي الباك
راهم الاف دارو هكا وراني وحدة من هادو الالاف والحمد لله كملت في تخصصي وعاودت الباك وجبتو
واش قلتي ختي