زواج

مشكلتي · 2013-09-17, 10:38

انا فتاة عمري 29 سنة تقدم لي رجل مطلق وله اولاد ويبلغ من العمر 42 سنة وضروفه المادية جيدة واخلاقه جيدة جدا
حبيت نعرف رايكم نقبل او لا
انا مترددة قليلا
حبيت تعطوني رايكم

Angleeyes · 2013-09-17, 21:18

راكي قلتي متخلق زيدي شوفي دينه و توكلي على الله

ツღعـصُـ♥ـوِݦۑツღ · 2013-09-17, 21:26

سلام عليكم

عندي بنت خالتي في عمرها 32سنة مطلقة ، بعد سنين جا خطبها رجل عمرو 48سنة مطلق و عندو أولاد كبار يعني كبير فيهم متخرج من جامعة ، والحمد لله تزوجت بـيـه مع انو هي عندها العقم و تزوجت و راهي الحمد لله ، في كل واجبات ( تعزية ، عرس ،..) هي لولآ الله يباارك

نصيحة ليك اختي تزوجي بيه و الله يسرلك في أمرك.

فاطمة الزهراء. · 2013-09-17, 21:30

انا من رأيي ماتتزوجيهش
ياختي واحد متزوج و باولاده علاش محتومة تتزوجي؟؟؟؟
مزالك صغيرة
انا زوجة عمي تزوجها عمي عمرها 35 سنة وراهي جايبة معاه ولاد تزوجاتو عازب وبدون اولاد وعايشة حياتها
انا شخصيا ضد انه المراة تتزوج واحد باولاده
وانت استخيري وربي يجيبلك الخير

صالح القسنطيني · 2013-09-17, 21:31

( إذا أتاكم من ترضون دينه و خلقه فزوجوه إلا تفعلوا تكن فتنة في الأرض و فساد كبير) أو كما قال رسول الله صلى الله عليه و على آله و سلم

عليك به إذا كان ذا خلق و دين

و صلي صلاة الاستخارة

و علا ترفعي رأسك لمن نهاك عن الزواج لا لشيء إلا لأنه مطلق و له أبناء

الصح في الدين و الخلق

MAMIYA46 · 2013-09-17, 21:34

السلام عليكم، عليك بدعاء الاستخارة ، ثم توكلي على الله سبحانه
فالطيبات للطيبون والخيرة في ما اختاره الله
ربي يوفقك ويسخرك ان شاء الله

Some1 · 2013-09-17, 22:21

سقسي وعلاش طلق و شوفي السبب
واستخري
مع انو كون جات اختي نرفض لانك مزال مفاتكش الوقت
على كل حال هذا مصيرك تحديه بنفسك و واحد ما يدبر عليك هنا

أيادي الأمل · 2013-09-17, 22:54

اقتباس:

المشاركة الأصلية كتبت بواسطة فاطمة الزهراء.

انا من رأيي ماتتزوجيهش
ياختي واحد متزوج و باولاده علاش محتومة تتزوجي؟؟؟؟
مزالك صغيرة
انا زوجة عمي تزوجها عمي عمرها 35 سنة وراهي جايبة معاه ولاد تزوجاتو عازب وبدون اولاد وعايشة حياتها
انا شخصيا ضد انه المراة تتزوج واحد باولاده
وانت استخيري وربي يجيبلك الخير

لمآذأ أنت ضد ؟

نعرف واحدة جارتنا تزوجت برجل توفيت زوجته و تركت له أبناء ،
من بينهم "معــآق" و قبلت ،
وتحب ابناء زوجته الاولى الله يرحمها كأبنائها و تعاملهم بنفس الطريقة،

وراهي لاباس عليها،
وهي انسانة راائعة ماشاء الله والكل يحبها ربي يحفظها من كل شر

فاطمة الزهراء. · 2013-09-18, 10:17

اقتباس:

المشاركة الأصلية كتبت بواسطة amina alg

لمآذأ أنت ضد ؟

نعرف واحدة جارتنا تزوجت برجل توفيت زوجته و تركت له أبناء ،
من بينهم "معــآق" و قبلت ،
وتحب ابناء زوجته الاولى الله يرحمها كأبنائها و تعاملهم بنفس الطريقة،

وراهي لاباس عليها،
وهي انسانة راائعة ماشاء الله والكل يحبها ربي يحفظها من كل شر

يا اختي هي صح الهنا راه على حساب المكتوب كاين اللي تتزوج بواحد باولاده تعيش هانية وكاين العكس
لكن انا شخصيا ماتجينيش وحدة عازبة ومزالها صغيرة تروح تتزوج واحد باولاده
29 عام مزالها صغيرة مش محتومة
والراي رايها
وماكاش احسن من صلاة الاستخارة وربي يجيب اللي فيه الخير
انا اعطيت رايي الشخصي

عائشة عطر الجنة · 2013-09-18, 10:42

انا ننصحك بصلاة الاستخارة ولي فيه الخير يقدم ربي

نورالهدى بيولوجيست · 2013-09-18, 12:06

اقتباس:

المشاركة الأصلية كتبت بواسطة عائشة عطر الجنة

انا ننصحك بصلاة الاستخارة ولي فيه الخير يقدم ربي

هاذ الرأي صائب 100بال100 و ثاني انتي احكمي البنات انواع كل وحدة و كيفاش تشوف الموضوع و ثاني عقلية الراجل تلعب دور كبير ................الله هو المستعاااااااااااان

نور اليقين 66 · 2013-09-18, 12:54

المشكلة ؤاها تقول مطلق ما شي ارمل وكاين فرق كبير بيناتهم خاطر الاولاد عندهم امهم

خممي مليح وسقسي اكثر وربي يجيبلك اللي فيه الخير

sali-sali · 2013-09-18, 12:58

السلام عليكم
اسالي عنه و عن اخلاقه وكدلك يجب عليك معرفة سبب الطلاق
وان قبلت يجب عليك تحمل المسؤولية الكاملة

leila ben · 2013-09-18, 13:24

مازلت صغيرة ويحقلك تشرطي الزواج من الأعزب بصح ادا كان عاجبك الراجل وحابة تتزوجيه دقي مليح في سبب طلاقو إذا تأكدتي أن المشكلة كانت بسبب الزوجة الأولى أقبلي أما إذا كان هو لازم تتأكدي ممكن يكون الطلاق وقع برغبة الزوجة لأنها شافت فيه أمور ماتخلي حتى واحد يقبلها واستخيري تان ربي يهديك للقرار الصائب إذا فيه الخير ربي يقربهولك وإذا فيه الشر ربي يبعدو عليك .

فاطمة الزهراء. · 2013-09-18, 13:27

اقتباس:

المشاركة الأصلية كتبت بواسطة nourtazmel

المشكلة ؤاها تقول مطلق ما شي ارمل وكاين فرق كبير بيناتهم خاطر الاولاد عندهم امهم

خممي مليح وسقسي اكثر وربي يجيبلك اللي فيه الخير

بارك الله فيك هذا واش حبيت نقول
صعيب الوحدة تتزوج واحد باولاده
لوكان مطلق بدون اولاد بالاك تقبل لكن باولاده وامهم حية صعيبة شوي