مدرسة الضباط صف العاملين - خنشلة

[houssem_57]

السلام عليكم
والله با جماعة انا مش من انصار الالتحاق بالجيش بصح حبيت نروح و نجرب شوي الميزيرية اللى يفوتها الشباب اللي ما عندهومش امل في الدراسة و العمل في دومان اخر

رحت فبل 3 ايام لخنشلة ديت لملف المطلوب و اتكلت على ربي (ما عنديش استدعاء) بصح نعرف واحد ماركاني في القائمة
وصلت للمدينة على 7 تع العشيىة ... في المدينة قالك ال7 تحبس الحركة الخوف داير حالة رحت نكتشف الاجواء امام المدرسة لقيت مقهى مملوء عن اخره بالشباب اللى حابين يدخلو 90 بالمئة ما عندهومش استدعاء و بجانب المقهى كاين 2 قاراجات (مستودعات) يباتو فيهم ب 400 دج لليلة يعطيك بساط و مخدة و غطاء و يرقدو كامل في القاراج بجنب بعض (وحد الميزيرية الله لا يوصلكم ليها)
رجعت للمدينة نحوس على فندق لقيت فندق اسمو الكاهنةـ كي شافني باين جيت للمدرسة قالي ماكانش غرفة. مقابلو كاين نزل Motel او مرقد ليلي المراد فيه غرف فيها 3 بلايص... 600 دج للبلاصة و 100 بالمائة اللي يروحو تم جايين للمدرسة... المهم تشوف شباب من كل شرائح.. اللي حبس في الثانوي اللي عندو الباك اللي عندو ليسانس.. القصير و الطويل...
المهم رقدنا كامل و على 4 تع الصباح ناضو كامل و هبطنا نفطرو في المقهى و كاين ليكلونديستا يعيكو ايا ليكول بلاصة ماشي... يديو 100 دج للعبد يجيب 4 كورسات ب 2000 دج يروح يرقد الجورني دخل بصح ولاد حرام التاكسي يديك 100دج حتى اذا كنتو في 4 تبقى 100 دج.. الحلاق ينحيلك لحيا بالطونداز ب 200 دج قريب هبلت بيتزا ب 50 دج فريت ب 180 دج
يعرفك من صوتك يا الزح...
المهم على 5 تع الصباح كنا قدام المدرسة... 1000 عبد كانت تما اللي باتو برا و اللي جاو من وهران الشلف موستغانم تمنراست...

كي وصلت 5 و نص خرجو العسكر ينضمو اللي عندهم كونفوكاسيو من و اللي ما عندهمش من.. المهم يديك
500 مترا بعيد عن المدرسة كي يدخل الكورونال مايشوفكش

و هاذاك الوقت المعريفة بدات تبان انا مع فلان و لاخر فلان المهم عندك معريفة تدخل ما عندكش راك قاعد
اليوطنو كورونال يسب و لاجودان يعيط و الكوموندو يفوت في صحابو ربي وكيلهم الطبيب يشوفهم برا بعد طويل مش طويل روح تروح

المهم ال8 تع الصباح كلش مفروز دخلو 500 و الباقي ارجع غدوة...

انا ماعمرتش راسي بيهم... اكنت تجربة,, جربنا الميزيرة... شفنا الدنيا كيفاش... كرجت بخلاصة... ما نعول على مزية حتى عربي... مازالي عام قراية نكملو... و راني قاعد حتى ينوب ربي

و السلام عليكم

[skilerdz]

kima kali wahed chkoun welat tsahlou 3asker dorka
zman kanou ijou lel dar lyccer w jami3At ihalou fe nass bach tedkhol

[youccef030]

والله يا اخي كل الي حكيتو صحيح وانا واحد منهم
عقبت على كل المراحل لي حكيت عليها ودخلت ولبست الكومبا ونحيت بولا0
بصح بعد مرور اسبوع وانا للداخل حسيت بلي درت غلطة كبيرة في حياتي
وحبيت انصححا رحت قلتلهم وانا وجماعة معايا تاني حسو كيما حسيت وما يحس غير لي
ضميرو حي اما الباقي فلا حياة لمن تنادي . المهم رحت قلتهم راني باغي نحاسب وتم تحل قلبي
ورجعت لي الرجولية نتاعي من جديد ونحيت هديك الكومبا الي غير تلبسها تحس روحك مربوط وليت ذليل
المهم راني روحت انا وجماعة وما زالو يزيدوا يروحوا الي عندوا ذرة نتاع شهامة وكرامة يروح دون اي تفكير.
ربي هنانا والحمد الله

وكيما قال هتلر احسن واعلى رتبة هي السيفيل.

[modritch]

انا تاني كنت تما وبت في الكاهنة وبكرت على 5 نتاع الصباح كنت قدام الكازيرنة وقف واحد العسكري

وقعد يشوف لي طويل عليه يدخله و الي قده ولا قصير عليه يسحته المهم قعدنا في ديك لحصيدة وهوما يطردوا

فينا ريحنا في الطريق حتى 12 وماكان والو رجعت و بت في شليا وفي الغد بكرت على 4:30 ورحت للكازيرنة

خلاونا برا في البرد قعدوا يلغوا لصحاب المعريفة دخلوا 30واحد وحنا قالونا حتى لل25رواحوا انا قطعت 1850كلم

باطل تمرميد وميزيرية كبيرة عاملونا تحسب حيوانات المهم ربي يخلصهم

قالونا 1.70م و 60كلغ انا فيا 1.83م و 76كلغ وقالولي قصير ماتصلحش

جا واحد طويل فيه 1.90م قالوله نتا طويل بزاف

واش يستحقوا الله اعلم وبي يخلصهم حسبي الله ونعم الوكيل فيهم