مشكلة ط.ض.ص.ا

StartimesDZ · 2013-09-02, 01:03

السلام عليكم اخوتي
تم ارسال الاستدعاء الي مركز المشاة لعين ارنات ،، المهم رغم ان قمت سابقا بدفع ديبلوم ماستر ،،، الا ان الاستدعاء ب 3 جامعي و رتبة ط.ض.ص.ا ،،، هل ادهب لتصحيحها في مركز الخدمة او اقوم باخد الديبلوم معي الى الثكنة ،،، ارجو الافادة لاصحاب الخبرة
ثانيا ان امكن رايكم في المدرسة
و شكرا مسبقا

djalloul-88 · 2013-09-02, 01:09

في الثكنة ما عندهم ما يدرو لك
ممكن يا خويا ما تروحش وتخلي بعد شهر ولا خلاص حتى تتاكد باش ماشي تم يهزوك وتروح لمكتب التجنيد وتبلغهم المشكل نتاعك نورمالمون يصلحو لك الوضعية
وادعي ربي ما تنساش
والله اعلم
سلام

StartimesDZ · 2013-09-02, 01:13

اخي ،،، جات معاها امر بالالتحاق ،،، ما نقدرش نراطي المرة هادي ،،،

صالح القسنطيني · 2013-09-02, 06:26

و عليكم السلام

لا تذهب بهذه الرتبة ، توجه إلى مركز التجنيد اليوم أو غدا أي قبل 15 سبتمبر و سيصحون الخطأ و إذا توجهت بعد 15 سيكون لك استدعاء في مارس القادم إن شاء الله لأنه يحق لك التخلف إذا ارسلوك برتبة أقل من مستواك

و لكن أنصحك الذهاب إلي مركز التجنيد هذه الأيام لأنهم لا يؤتمنون
و قد أفادنا أحدهم بأنهم صصحوا له الخطأ في يوم واحد و ذهب في نفس الدفعة

badi09 · 2013-09-02, 08:09

السلام عليكم
انا شخصيا صراتلي هاذي هاذ المرة لاني انا راح نركب في سبتمبر 2013 ان شاء الله وجاتني في اوت هذا وغلطولي ودارولي ط ص ظ ا
الوغ طلعت ليهم معندهاش ايبوع ادي نسخة من ديبلوم + ديبلوم الاصلي + امر الاستدعاء + بطاقة التعريف الوطنية يقومو بتغييرها ليك في اقل من 2 سوايع وانا راهم سقموهالي وبعتوني المدرسة الاطارات للمشاة وراه مزال الحال يقدرو يسقموهالك مهم سي متفوتش 05 سبتمبر
---------------------
باش تزيد تفمم اضرب طلة في مواضيع لما استفسرت الاعضاء رغم اني نورمامون ان شاء الله نكون وفقت

abdo19878 · 2013-09-02, 10:07

السلام هليكم يا اخي روح لمكتب الخدمة الوطية و دي معاك امر الاستدعاء و الديبلوم و رح يصلحون لك الخطا في نفس اليوم

samir* · 2013-09-02, 17:28

صرالي نفس المشكل لكن دهبت اليوم الى الناحية التابع" البليدة" لها رغم طول انتضاري سي نورمال لاشان مي فريتها و نتمنالك التوفيق نت تاني

badi09 · 2013-09-02, 17:59

samir wine ba3touk khoya

samir* · 2013-09-02, 18:05

bous3ada Eaac

StartimesDZ · 2013-09-02, 19:47

الشكر الجزيل لكم اخواني على التوضيح و بارك الله فيكم و يرحم والديكم ان شاء الله راح نروح غدا باش نفريها

LOUNIS HOUAS · 2013-09-03, 10:25

يا أخي هذه الثكنة من احسن الثكنات في الجزائر فهي تبعد حوالي 10 كلم عن قلب مدينة سطيف و 35 كلم عن مدينة العلمة و 1 كلم عن جامعة الباز و قريبة من المطار والله لو يرسلوني إليها جندي بسيط لأذهب هرولة دون إنتظار فاتح من العلمة

LOUNIS HOUAS · 2013-09-03, 10:28

لا إرهاب لا شغب الدنيا هانية لا جبال تقع وسط بساط أخضر جميل جدا و هي على الطريق الرئيسي كما ان عين ارنات مدينة كبيرة وجميلة يقطعها الطريق الوطني رقم 5 صدقني ثكنة رائعة والأكثر من ذالك سوف تتمتع بجمال سطيف و الحركة التجارية للعلمة و الأثار الرومانية لمدينة جميلة التي تبعد عنها حوالي 55 كلم و هناك حمامات معدنية رائعة

khaledgtu · 2013-09-03, 18:05

نفس المشكل تاعي سألت الاخوة البارحة قالولي اطلع صلحها بالدبلوم ...طلعت اليوم وجبت الاستدعاء جديد ط.ض.إ ورانيييي عيان بزاف مالركبة ههههههههههه

EL MAGHNAOUI · 2013-09-04, 22:23

اقتباس:

المشاركة الأصلية كتبت بواسطة startimesdz

السلام عليكم اخوتي
تم ارسال الاستدعاء الي مركز المشاة لعين ارنات ،، المهم رغم ان قمت سابقا بدفع ديبلوم ماستر ،،، الا ان الاستدعاء ب 3 جامعي و رتبة ط.ض.ص.ا ،،، هل ادهب لتصحيحها في مركز الخدمة او اقوم باخد الديبلوم معي الى الثكنة ،،، ارجو الافادة لاصحاب الخبرة
ثانيا ان امكن رايكم في المدرسة
و شكرا مسبقا

عين أرنات أنا درت فيها سطاج و مفيهاش سطاج تاع الملازم ولا المرشح فيها غير ط ض ص إ و من الأفضل تروح بعد شهر مركز الخدمة الوطنية تاعكم تدفع الدبلوم

EL MAGHNAOUI · 2013-09-04, 22:27

اقتباس:

المشاركة الأصلية كتبت بواسطة lounis houas

لا إرهاب لا شغب الدنيا هانية لا جبال تقع وسط بساط أخضر جميل جدا و هي على الطريق الرئيسي كما ان عين ارنات مدينة كبيرة وجميلة يقطعها الطريق الوطني رقم 5 صدقني ثكنة رائعة والأكثر من ذالك سوف تتمتع بجمال سطيف و الحركة التجارية للعلمة و الأثار الرومانية لمدينة جميلة التي تبعد عنها حوالي 55 كلم و هناك حمامات معدنية رائعة

rouh dkhal l caserna w tchouf jamal setif ya khouya ana 100 jours tema machftche berra ki dayra rir ki nrouho l champs de tir