اروع وألذ واسهل مادلان من مطبخي** اقتصادي طبعااا

[سمرجان]

اروع وألذ واسهل مادلان من مطبخي** اقتصادي طبعااا
تفضلوا المقادير
كيلي بالباط تاع ياغورت
2 علب ياغورت ***انا نفضل ذوق فراولة
2 زيت
2 سكر
2 خميرة تاع القاطو
2 فاني vanille
3 فرينة
3 بيض
للتزيين
معجون +ماء زهر
سكر قلاصي
شكولاطة
طريقة التحضير
خبطي البيض والسكر حتى يبياض البيض ثم ضيفي المواد السائلة ثم الفرينة الخميرة ولافاني
حطي ليكيسات في المول تاع المادلان وعمريهم تقريبا الى اخر المول **ما تخفيش ما يسيحوش
حطيهم في الفرن تقريبا 20 د وبعد ذلك شعلي الفوق حتى يحمر الوجه
وجدي المعجون وحليه بماء الزهر يعني يكون مايه انا اضفت ملون احمر ودريه داخل الحبة /// مبعد نقولك كيفاه
وذرذري عليه السكر قلاصي
وفوقو الشكولاطة
نخليكم مع الصور