المدرسة العسكرية للاستعلام و الامن ببني مسوس

[khalfaoui]

المشاركة الأصلية كتبت بواسطة عادل إن شاء الله

علاش الشباب الجزائري مخلوع لهذه الدرجة

اولا : لا يوجد شيء اسمه المخابرات الجزائرية

ثانيا : يوجد الامن العسكري و هو بمثابة الشرطة للعسكر كيما كاين شرطة للشعب

المهام تاعو هو مراقبة تصرفات المجندين و ملاحقة العسكريين المتمردين و احضارهم

للمحاكة العسكرية

الشعب تاعنا مهلوف و مخلوع على مكان والو


و باه نزيد نفهمكم و الله ما تدخل الامن العسكري حتى يظمن فيك واحد يكون من الفامي تاعك يخدم ثم

نقطة انتهى الكلام

نصيحة الدرك الوطني افضل

حسنا ............أنت ما عطيتنيش معلومات عليها كيما طلبت أنا !!!!! ولكن قتلي أخطيك منها ............أنا نحوس نعرف معلومات على المدرسة العسكرية للاستعلام و الامن ببني مسوس بالعاصمة و أنا الان عندي باك علوم تجريبية نحوس نزيد نقرى عام ولا زوج بصح ماعلاباليش بالضبط وش يستحقو ..................يا خويا ان شاء الله تذكرلي كلش تفهمني ..............واسمحلي و شكرا

[khalfaoui]

وأنت راك تقول الدرك خير أعطينا حجج تقنعني بيهم

[khalfaoui]

المشاركة الأصلية كتبت بواسطة عادل إن شاء الله

اولا احترم نفسك راك تحكي مع مشرف منتدى التوظيف

المعلومات لي عندي اكثر و ادق من عند اي واحد هنا

و نعرف مليح واش كاين

واحد ما يهفك ...لوكان ما تعرفش واحد فامي يخدم ثم و الله ما تدخل

و زيد وقت دفع الملفات انتهى

و باه نفهمك الفروع الاخرى تاع الأمن العسكري صعيبة و احسن فرع فيها هو سبور

و نعاود ننصح خويا الدرك الوطني افضل بكثير

واذا راك حاب خوك ما يضيعش و تدير خدمة لوجه الله تحطلي الفايس بوك نتاعك ولا هاوليك ديالي

[boy-16]

surement les gendarmes khiir yakho fi koulech DRS mechi ma3naha costume ou piyya wlh madalla ghir lkorfi akhtiiif les gendarmes wella batalna ..... bla meydjawbek houwa chouf les autres sujet 3liihom keyene des reponses hadrou 3lihom bezef salam

[salamou25]

عادل إن شاء الله صحح معلوماتك الأخ و متحلفش بارك الله فيك أولا المخابرات هي تسمية لأي جهاز إستعلامات يوجد في الجزائر مخابرات مثلها مثل اي دولة في العالم ثانيا في ما يخص الشرطة العسكريه هي فرع من فروع دائرة الأمن و الإستعلام تسمي بمديريه أمن الجيش و فروع أخري لا أستطيع ذكرها جميعا ثالثا هناك من دخل لجهاز الأمن بدون ضامن لكفائتهم خاصة ذوي الشهادات التقنية مثل الإلكترونيك ربي يسهل لجميع واحد توكل علي الله
تذكير بقول الله [ يا ايها الذين آمنوا إن جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين ]

[" سرحات "]

اخي : salamou25
الكريم يعني في الامن العسكري منقدرش ندخـل أنـا للأمن ؟ كي نجيب الباك ميكانيك

[" سرحات "]

وماهي مدة العطلة ام لا توجد وهل لديك سكن وظيفي .
وهل يتركوك تتزوج

[salamou25]

المشاركة الأصلية كتبت بواسطة دي ماريا

اخي : salamou25
الكريم يعني في الامن العسكري منقدرش ندخـل أنـا للأمن ؟ كي نجيب الباك ميكانيك

كي تدي الباك إن شاء الله أتوكل علي ربي و روح لبني مسوس لكن لسهلك ربي راح تدخل برتبة عريف نصيحة لمزالك صغير كمل قرايتك و أترشح ضابط خير اكتبهالك ربي متحتاج معريفت حتي واجد ربي يسهل

[khalfaoui]

أخي سلامو ........معليش تفهمني ....أنا عندي باك 2013 حاب نزيد نقرا عام أي باك +1 وندخل سارجان صح كاينا منها ........ وشكرا أعطيني وش تعرف ربي يحفظك ............... بالنسبة لاخ لي قال مذلة صح كاينة منها ؟

[khalfaoui]

واذا راك حاب تدير خدمة لوجه الله تحطلي الفايس بوك نتاعك ولا هاوليك ديالي





باش توضح لي أكثر وشكرا

[" سرحات "]

اخي راك تشوف فيـ صغير اه في عمري 20 سنة والعام المقبل 21 يعني يفوتني لاج ديال الظباط
ففففففففف

[samou dadou]

الذل وكرفي فيها فيها كيما أي قطاع عسكري مي هي عندها شوية مميزات على باقي قطاعات الجيش

[salamou25]

المشاركة الأصلية كتبت بواسطة khalfaoui

أخي سلامو ........معليش تفهمني ....أنا عندي باك 2013 حاب نزيد نقرا عام أي باك +1 وندخل سارجان صح كاينا منها ........ وشكرا أعطيني وش تعرف ربي يحفظك ............... بالنسبة لاخ لي قال مذلة صح كاينة منها ؟

الذليل هو من يذله الله مذامك نخذم في خدمتك واحذ ما يذلك وجهاز الامن مثله مثل أي جهاز عسكري يتطلب الإنضباط الصرامة و التضحية الفرق الوحيد في طبيعة العمل الذي يتطلب السرية الناس راهي هازة صورة drs في العشرية الأخيرة ربي يسهل للجميع أدعوانا معاكم بارك الله فيكم

[" سرحات "]

وش من المميزااااات اخي تقدر تقول لي
كيفاش احكلي ربي يعيشك

[samou dadou]

سارجان في الأمن في قيمتك خير من ضابط في الدرك