زوجي

[مشكلتي]

السلام عليكم
لم hجد لمن اشكي همي غير لربي سبحانو وليكم عساي اجد من ينصحني ويدلني ماذا افعل
مشكلتي تكمن في زوجي... الان مر على زواجنا 7 اشهر لكننا نعيش كالغرباء في منزل واحد يعني زواجنا على الورق فقط
منذ اول ليلة وانا انام وحدي وهو ينام في غرفة اخرى او بالاحرى غرفة زوجته الاولى وهنا تكمن المشكله
انا من ايام الخطبة كنت عارفة انه كان متزوج وزوجتو متوفاة من 4سنوات وان لديه طفلان انا قبلت بكل هدا لاني من اول مرة شفتو ارتحتلو والكل يشهدله بحسن خلقه رغم انه كان يتجاهلني دائما الا اني احببته وكي قلت ليماه قاتلي انو هو حشام وانو هو اللي حبك وحب يتزوجك وطبعا انا كلامها ريحني لكني صدمت بواقع اخر بعد الزواج
حاولت نتقرب منه لكن دون جدوى كلما نقرب منه خطوة يبعد عشرة صبرت وصبرت وكل يوم نقول رايح يتغير ولكنو استمر في جفائه وتجاهله لي مع اني نقوم بكل واجباتي و اولادو الصغار حبيتهم كثيرا وحتى هم تعلقو بي
مليت من هاد الوضع رحت لدار بابا وحكيت كلش ليما قاتلي يا بنتي لاازم تصبري هو اكيد رح يتغير لعنت الشيطان ورجعت ولكنو بقا على حالو والله راسي حبس من التفكير وكل المؤشرات تقول بانو مازالو متعلق بمرتو الاولى حتى اغراضها مازالو محتفظ بيهم نهار العيد الناس كامل فرحانة غير هو غلق باب غرفتو وقعد وحدو رحت نشوفو لقيتو يبكي انا تشوكيت ما عرفتش واش ندير قتلو مالك قالي ماكان ما خصك صار يصرخ علي وطردني من الغرفة
انا هداك النهار عرفت انو راني نضيع وقتي معاه كل تصرفاتو توحي بانه راه يقولي ولي من وين جيتي حاولت نتحاور معاه نعرف واش كاين ولكنه ك مرة يصدني ويخرج من الدار بلا ما يجاوب
انا حسيت انو كاين حاجة من بعد اجهتو وقتلو ادا مازالك تفكر في زوجتك الاولي غير انساها هي خلاص راحت والله لونو تبدل ورفع يده علي قريب يضربنيوقال جملة جننتني قال ما بني على باطل فهو باطل؟؟؟؟؟

فقررت نتطلق منو ولكن صرات حادثة امو توفاة الله يرحمها فاجلت قراري
والله ما عرفتش واش ندير معاه مليت منو ومن طباعو بالله عليكم اشيرو علي وهل قراري في محلو؟