تارت من اعدادي :) واش رايكم ؟

[رانيا3]

حبيت نقدملكم لاتارت لي درتها اليوم و نقولكم كيفاه درتها من الاول للاخر

اولا ابدا بامقادير :
10
بيضات + 400 غ سكر عادي + 2 اكياس خميرة كيميائيىة (levure )
+40 غ فاني + 400 غ فرينة

طريقة التحضير :

نفصل البياض على الصفار
السكر نقسمو على 2
النصف الاول نضيفو لبياض البيض و ضربو بالباتور حتى يولي كي الثلج
النصف الثاني نضيفو للصفار و نضرب مليح بالباتور .
مبعد نخلطو الخليط الاول مع الثاني و نخلط غير بالعقل
ثم نضيف الفاني و الليفير و الفرينة و نخلط
ثم افرغ ما تحصلت عليه في صينية كيما لي درت انا في الصورة


و ندخلها لفرن سخون من قبل لمدة 20 د تقريبا المهم كي دخلي الموس فيها تخر ج شايحة ما تلصقش فيها العجينة
تما انتي نحيها يعني راهي طابت خلاص و هكدا تولي كي اطيب

و مبعد كي الفحلة اقسميها على 2 باستعمال الخيط باش تجيك قدقد

و تكوني جهزتي الكريمات انا استعملت كريمة الزبدة للاخت fella food art
وهدا رابط الوصفة تاعها : https://www.djelfa.info/vb/showthread.php?t=1123042
و ايضا استعملت كرام شانتي
النصف الابيض كرام شانتي و لي زدتلها الكاكاو هي كريمة الزبدة

و مبعد دهنت نصف لاتارت بكريمة الزبدة
و لحواشي تاني بكريمة الزبدة و رشيتهم بالكاوكاو مرحي
و من فوق زينتها كيما فالصورة

و هدا طرونش بعد ما قصيتها
تاكلو بالصحة والهناء


هاه لبنات واش رايكم ؟؟
ان شاء الله تكون عجبتكم و لي عجبتها وحبت تجربها ان شاء اله تصلحلها