الرجاء ساعدوني في تحضير قاطو عرس اختي

تاج البها · 2013-08-16, 12:45

من فضلكم يا شافات عرس اختي راهو قرب ما لقيناش مودلات ملاح كاش ماعندكم وصفات مع الصور مليحة ومجربينها تاع قاطو يحمر الوجه اعطوهالي ربي يخليكم واريد ايضا البقلاوة لان اخر مرة ما صلحتناش من فضلكم راني حابة نجرب قبل العرس راني نستنى وما تنساوش الصور

وراكم معروضين كامل هههه

s@r@h11 · 2013-08-16, 12:57

ربي يعاونكم شوفي لا بياس مونتي و حلوة بطابع الصامصة لام اماني هايلين و يحمرو الوجه و البقلاوة هبلتني تاع ام انس 69 تهبلhttps://https://www.djelfa.info/vb/showthread.php?t=1390399
https://www.djelfa.info/vb/showthread.php?t=1390089
https://www.djelfa.info/vb/showthread.php?t=1387485

تاج البها · 2013-08-16, 13:07

اقتباس:

المشاركة الأصلية كتبت بواسطة s@r@h11

ربي يعاونكم شوفي لا بياس مونتي و حلوة بطابع الصامصة لام اماني هايلين و يحمرو الوجه و البقلاوة هبلتني تاع ام انس 69 تهبلhttps://https://www.djelfa.info/vb/showthread.php?t=1390399
https://www.djelfa.info/vb/showthread.php?t=1390089
https://www.djelfa.info/vb/showthread.php?t=1387485

تعيشي اختي راهم عجبوني بصح الفيشي تاع البقلاوة محبش يتحل تعيشي شوفي كيفاه تعاودي ترفعيهم وجزاك الله كل خير

ريان 7 · 2013-08-16, 14:40

تاج البها · 2013-08-16, 16:55

اقتباس:

المشاركة الأصلية كتبت بواسطة ريان 7

بارك الله فيك اختي العزيزة والله عجبوني ربي يفرحك ان شاء الله ويجعل لك مخرجا ويرزقك من حيث لا تحتسبين ويجمعك في جنته مع الصالحين اميبن
شكرا جزيلا وانا في انتظار جديدك
https://www.12allchat.com/chatters/do.php?img=229360

little smile · 2013-08-16, 16:56

ربي يكون معاكم

تاج البها · 2013-08-16, 17:22

اقتباس:

المشاركة الأصلية كتبت بواسطة little smile

ربي يكون معاكم

اميين تعيشي اختي العزيزة

حب الله لا يعادله حب · 2013-08-16, 17:56

كل شيء مبروك ربي يهنيها اتفضلي هذي بقلاوتي اللي درتها في العيد ااذا عجباتك قوليلي نحطلك الوصفة مع اني مشي مصورة المراحل.

نظن انها تصلح للاعراس وانتي وذوقك

تاج البها · 2013-08-16, 18:16

اقتباس:

المشاركة الأصلية كتبت بواسطة حب الله لا يعادله حب

كل شيء مبروك ربي يهنيها اتفضلي هذي بقلاوتي اللي درتها في العيد ااذا عجباتك قوليلي نحطلك الوصفة مع اني مشي مصورة المراحل.

نظن انها تصلح للاعراس وانتي وذوقك

تعيشي أختي العزيزة راهي عجبتني وبالبزاف ثاني يكون أفضل أنك تعطيني الوصفة مشكورة

حب الله لا يعادله حب · 2013-08-16, 18:53

اقتباس:

المشاركة الأصلية كتبت بواسطة تاج البها

تعيشي أختي العزيزة راهي عجبتني وبالبزاف ثاني يكون أفضل أنك تعطيني الوصفة مشكورة

تحت امرك حبيبتي الكيلة هي 500غ وانتي وواش تحبي
المقادير
كيلة مارغرين انا استعملت صول
4كيلات فرينة استعملت النخلة انتي وواش موالفة

ماء الزهر
الحشو
كيلو كوكاو مقلي
5مغارف سكر عادي
2 مغارف مارغرين ذايبة
ماء الزهر
الطريقة
ذوبي المارغرين وخليها حتى تبرد ملييييح مليييح باه ماتتكورلكش.كي تبرد ديريها في ماعون وضيفي 4كيلات فرينة بالتدريج ولمي كي تلميها غايا فوتيها في السيار باه العجينة تجيك طرية وروعة.بعدها لميها بماء الزهر وديريها دي بول وحطيها في اشي وخليها ترتاح قد ماتنجمي .
ذوبي السمن وحطيه بجنبك وادهني البلا بالبانسو مليح بالسمن
بعدها جيبي العجينة اللي ارتاحت وجيبي المشينة الخاصة بالبقلاوة وابدي تجبدي بالكرية وتخدمي ودايما حافظي على العجينة مغطية في الساشي باه ماتيبسش.
حليها بالحلال وبعدها فوتيها في 1 و2ثم5ثم9 من الافضل يساعدوك ماتنجميش تخدمي وحدك وطلعي العجينة مع حواشي البلا مليح ديري الطبقة الاولى وادهنيها بالسمن مادابيك تكري وماتخافيش مادام تكري السمن تجيك روعة.
بالنسبة لي درت 6طبقات من تحت بين كل واحدة واختها درت السمن الذايب وبعدها ديري الحشو لازم يكون مفركت يعني مشي معجن وبعدها درت 6 من فوق والسابعة بتاع الشوربة وقطعيها والى الفرن.
الطبقة الفوقانية ديريلها السمن بعدما تقطعيها وديري اللوز

اهم مرحلة هي الطياب ديريها في الفور في الوسط ونقصي للنار لازم تكوون هااادئة اشعلي من تحت حت لساعتين او اكثر وكي تشوفيها بدات تحمار من فوق طفي واشعلي من الفوق تاني على نار هادئة ساعة بالتمام وكي تخرجيها عسليها بالعسل بارد كيما تشريه لخاطرش هي تكون حامية ذري من الفوق الملمع الغذائي من الاحن يكون فضي باه يبان وغطي البلا بالبلاستيك وخليها حتى لغدوة وقطعيها وبالصحة والهنا وتاع العرس اخدميها باللوز احسن.اي استفسار انا في الخدمة
اسمحيلي المراحل ماصورتهمش ان شاء الله تكوني فهمتيني وكل شيء مبروك حبيبتي

ريان 7 · 2013-08-16, 21:54