البقلاوة الرخامية .....حصريا من مطبخي ومن تصميمي

[أم محمد وألاء]

عيد سعيد وكل عام وأنتم بخير
أعرف بأنه لن تكون هناك ردود مشجعة كالمعتاد لأنه بصراحة وما تزعفوش من الحق الناس اللي مش مشهورين فالمنتدى مثلي أنا غالبا ما يتم تجاهلهم ...ههههه أقول غالبا يعني كاين الله يبارك عليهم يشجعوا المبتدئات أمثالي ويردو عليهم
المهم راني كثرث بزاف الكلام واليكم البقلاوة الرخامية ...وما عليش ما تردوش المهم إن شاء الله تعجبكم
الطريقة:
نعمل بقلاوة نورمال ولما نوصل للطبقة الأخيرة نديرو العجينة البيضاء وسط السوداء "عجينة البقلاوة مظاف إليهاكاكاو"ونحربلوها ونقطعوها نستفوها فوق العجينة ونزيدو نحلوها بالحلال حتى يعطينا هاذ الشكل .
اسمحولي ما صورتش الطريقة لأنه عندي بيبي عمره شهرين وهذاك النهار كان يبكي وما حبش يسكت وماكانش اللي يعاونني
لكن وعد راح نعاودها وانحطهالكم بالصور فالقريب العاجل إن شاء الله

[أم احمد3]

شكرا بارك الله فيك

[ام رزيقة]

رائعة بارك الله فيك ممكن الطريقة ؟

[ساندي 28]

يعطيك الصحه اختى رائعه اما على الردود بالعكس نردو كامل ان شاء الله وهدا واجبنا نشجعو بعضنا وتاني تقديرا للجهد نتاعك من اعداد الحلوى ونقل الصور والتحميل يعنى كلو هدا فيه مجهود كبير يعنى اقل شيء ممكن نقدموهلك هو تشجيعك على مواصله العطاء ربي يبارك فيك اختى ومنحبش نشوفك تحكي هكا انتى احتنا في الله ونعزوك اما على الردود متدخلش فيها شهرة وغيرها لاننا ببساطه اسره واحده يجمعنا هدا المنتدى الطيب الي عندو فضل كبير علينا وعرفنا بلي الدنيا مزالها بخير بناسها الطيبه وانتى واحده منهم
سلام اختى

[ممتي نايا]

والله يعطيك الصحة تسلم يديك

[امال ق]

عمل محترفة سلمت يداك

[بيزة الشاوية]

الله يبارك أعطينا كيفاه عملتيها

[oum anas 69]

المشاركة الأصلية كتبت بواسطة omnadjem.10

يعطيك الصحه اختى رائعه اما على الردود بالعكس نردو كامل ان شاء الله وهدا واجبنا نشجعو بعضنا وتاني تقديرا للجهد نتاعك من اعداد الحلوى ونقل الصور والتحميل يعنى كلو هدا فيه مجهود كبير يعنى اقل شيء ممكن نقدموهلك هو تشجيعك على مواصله العطاء ربي يبارك فيك اختى ومنحبش نشوفك تحكي هكا انتى احتنا في الله ونعزوك اما على الردود متدخلش فيها شهرة وغيرها لاننا ببساطه اسره واحده يجمعنا هدا المنتدى الطيب الي عندو فضل كبير علينا وعرفنا بلي الدنيا مزالها بخير بناسها الطيبه وانتى واحده منهم
سلام اختى

يسلم هذاك الفم ينطق ذهب ما شاء الله
نفس الشيء لي كنت حابة نقولو راهي قالتهولك عزيزتي أم نجمو
عزيزتي أم آلاء يسما حبيتي تقولي بلي حتى الردود ولات بالوجوه ههههههه .... لالالا حبوبة كلنا أخوات هنا و كل موضوع إن شاء الله يدي حقو مثله مثل كل المواضيع الأخرى تشجيعا لصاحبة الوصفة على العطاء أكثر
و البقلاوة عجبتني رائعة و شكلها يفتح النفس على أكلها هههه بصح قولينا كيفاش درتيها و وريلنا كي طابت يعطيك الصحة حبوبة

[soriaalg]

ما شاء الله اختي بالعكس اسمك ايضا مشهور وعندك وصفات ما شاء الله يعطيك الصحة على ما تقدمين معليش اختي حتى ولو لم تجدي من يشجعك انتي اكيد كاين لي استفادو بوصفاتك ونتي ماعلابالكش راكي ديتي الاجر ودعاوي الخير حتى لو لم تعلمي لانو كاين لي ما يردوش لكن ياخذو الافكار نتمنى ديما تتحفينا بوصفاتك يا فنانة

[fadila34]

يعطيك الصحة بقلاوة وعليه الكلام برك الله فيكى وريانة كيفه طابت شهتنا مع الصباح

[oum hamza]

raw3aaaaaaaaaaaaaaaaaaaaaaaa manifique barak allah fik

[لميس اميرة]

يعطيك الصحة اختي 4444444444444444444444444444444

و فيما يخص الردود اختي انا ديما نقول للاخوات لي يزعفو انو عدد المشاهدات لا يعني اطلاقا انو كل هذا العدد نساء الجلفة دخلوا شافوا و ما ردوش

اختي كاين عدد هائل من الزوار كل يوم يجو يشوفو الوصفة و ما يقدروش يردوا

و كاين المتتبعين بصمت من الرجال و الشباب و حتى زوجاتهم و امهاتم يخلوهم يدخلوا يشوفو لكن ما يردوش بعضويتهم

ان شاء الله تروح هاذ الفكرة من راسك

فقط للمشرفين لو عملوا قسم خاص بالطلبات وحدوا لانو القسم في رمضان اصبح خالوطة كبيرة و الله ضعنا وسط الوصفات و الطلبات و حلويات العيد للعضوات

[Oum Aness Bba]

هايلة أختي يعطيك الصحة و بارك الله فيك

[أريج الأمل]

سلام عليم
والله ياهتي عندك صح بقدمة لي قلتها ومرات تلقاي لي معندهمش شهرة حواجهم احسن ملي عندهم شهرة يروحو جريو ل عندهم شهرة
المهم بفلاوتك روعه

[أم محمد وألاء]

المشاركة الأصلية كتبت بواسطة zawali.dz

يعطيك الصحة اختي 4444444444444444444444444444444

و فيما يخص الردود اختي انا ديما نقول للاخوات لي يزعفو انو عدد المشاهدات لا يعني اطلاقا انو كل هذا العدد نساء الجلفة دخلوا شافوا و ما ردوش

اختي كاين عدد هائل من الزوار كل يوم يجو يشوفو الوصفة و ما يقدروش يردوا

و كاين المتتبعين بصمت من الرجال و الشباب و حتى زوجاتهم و امهاتم يخلوهم يدخلوا يشوفو لكن ما يردوش بعضويتهم

ان شاء الله تروح هاذ الفكرة من راسك

فقط للمشرفين لو عملوا قسم خاص بالطلبات وحدوا لانو القسم في رمضان اصبح خالوطة كبيرة و الله ضعنا وسط الوصفات و الطلبات و حلويات العيد للعضوات

سبحان الله راكي تقول دخلتي في راسي بكلامك الأخير .....لأن اللي راهو غايضني صح مش الرد انتاع الأعضاء لكن أنا قدمت من قبل طرح من قبل وهو ارشفة المواضيع من أجل تسهيل الرجوع إليها وقد عملت على الموضوع ....
روابط حلويات العيد 2013 من أيادي نواعم منتدى الجلفة
https://www.djelfa.info/vb/showthread.php?t=1388849

روابط حلويات عيد 2012
https://www.djelfa.info/vb/showthread.php?t=1078556
روابط وصفات البقلاوة والمقروظ
https://www.djelfa.info/vb/showthread.php?t=1090907
روابط التارت والكيكات الاسفنجية
https://www.djelfa.info/vb/showthread.php?t=1091264

فقد تحتاج الواحدة منا إلى وصفة ويتعذر الوصول إليها لكثرة المواضيع ....لكن حتى الأرشيف الذي عملته ضاع مع المواضيع ......والهدف الأول والأخير ليس شخصي وإنما لتعم الفائدة للجميع كما قالت أم شرفو الله يذكرها بالخير .والله على ما أقول شهيد.
وعلى العموم سامحوني إن أسأت بكلامي لكن عن غير قصد ...لأني مستحيل اسيئ لوجوه طيبة أمثالكن والله يلاقينا في جنة الفردوس يارب وما هو إلا عتاب المحب لحبيبه وشكرا لجميع الأخوات اللاتي ردين علي