السلام عليكم يا أعضاء و عضوات منتدى الجلفة
نزولا عند رغبة أختنا تهاليل قررت نحط وصفة المقروظ المقلي و صدقوني خرجلي روعة يذوب في الفم و في نفس الوقت متماسك أي ما يتفتتش داخل المقلاة.و هذا الطريقة شفته في إحدى الحصص التلفزيونية .
أولا مقاديره :
مقاديره هذا المقروظ لا تختلف كثيرا عن المقروظ الي سبقلكم و جربتوه و إنما في الطريقة فقط
3 كيلات سميد (صاحبة الوصفة أستعملت سميد رقيق أنا أستعملت سميد غليظ)
كيلة و نصف فرينة
كيلة سمن نصفها زيت
ماء و ماءزهر
تمر معجون
قرفة و كبابة مطحونة
عسل و زيت للقلي
ننتقلوا لطريقة التحضير :
في طاجين أو ما شابهه نضع الزيت و السمن فوق النار ثم نضيفلهم السميد و نبدأ في تحريك المزيج حتى يتشرب السميد جيدا و نخلط حتى نشوف أن لون السميد بدأ يبيض
ننزعه من فوق النار ونضيفله الفرينة و نخلطه جيدا و نترك الخليط يرتاح ربما لمدة 5 ساعات حتى ليلة كاملة .
بعدما يرتاح الخليط نحضر قصعة أو طاةلة عمل نضع فوقها كمية من السميد ونبأ نبل بالماء مخلوط بماء الزهر و نحرك المزيج دائريا و كانك تحضري الكسكس لما تبدأ حبيبات السميد في التجمع ضيفيلها شوية ماء الزهر و خلطي بذات الطريقة حتى تحسي أن السميد أصبح كتلة يصعب تحريكها حينذاك لمي الخليط و شكلي حربوش أفتحيه و ضعي في معجون التمر ممزوج بالقرفة و الكبابة ثم أغلقي الفتحة جيدا و حاولي تحركي الحربوش دائريا حتى تغلق الفتحة خذي طابع المقروظ أو بواسطة سكين قطعي على شكل مقروظات سويها جيدا إن كان هناك زوائد أكملي عملك حتى تكملي الخليط و تتحصلي على المقروظ .
ثم أبدأي في قليه و لما ينضج مباشرة إلى العسل المخفف بماء الزهر و يكون بارد.
ملاحظة :
1ــ لما تبدأي في صنع حبات المقروظ من الأفضل تغطيها بغطاء بلاستيكي حتى لا تجف الحبة
2ــ تقدري تستعملي سميد رقيق لكن في هذه الحالة لا تضيفي الفرينة و تقدري حتى أنك تعجنيه و متخافيش لأنه في النهاية يخرج هذا حسب صاحبة الوصفة أما أنا قررت أني نستعمل سميد غليظ مثل الي يخدموا بيه قلب اللوز و ضفت له فرينة
( تقرير عن مشاركة سيئة )، و الموجودة أسفل كل مشاركة .
2013-08-12, 18:12
مقروظ مقلي بطريقة جديدة
العرض العادي
