راح نموت من القهر

مشكلتي · 2013-08-11, 20:14

السلام عليكم ا خاوتي راح نموت
عندي اختي غنية الله يبارك طببة و خدمت على روحها و راجلها لاحسلها كامل دراهمها
عندها زوج كرارس و في زوج كاتبهم باسمو
كانت عدها فيلا و كتبتها بسمو و ربي يزيدها و يزيدو
عطاتلو 300 مليون و فتح اكبر حانوت في البلاد و في وقتها ماما قالت لوختي خدمي وليد خالك في رزق راجلك منها ثقة و منها تربحي فيه اجر
هدا بن خالي كان عندو في وقتا 30 عام
و هنا بدات الازمة
بن خالي راح جاب كامل خاوتو يخدمو ر بي يزيدهم فرحنا و زهينا
اموبعد قالو بن خالي لازم تشرينا كروسة شرالهم herbine للخدمة ’ داروها ملعبة الي يجي يسوق هما صحابهم خاوتهم الصغار 19 سنة ماشي فايتينها و سكتنا قولنا ما دخلنا
بن خالي و لا يحكي على الشيباني بهدرة قاسية بزاف
راه كان داير راه كاين عمال و الشيباني متوفي حتان راجل ختي و لا ما يجيناش و كي يشوفنا يبدل الطريق و يقول لختي راهم قالولي و قالولي ولاد خالك
حنا دابزنا معاهم و ماما قالت لختي يا انا يا هما
قاتلهها مانبيعش راجلي و هادو شادين راجلي من ايد الي توجعوا الي هي الخدمة
بن خالي الكبير كسر الهربين قال راجل ختي اشريلي هاربين خرى
شرالو هربين خرى زعما الخدمة حبست بلا كاروسة سلعة
اومبعد الهربين ولات لعبة عد خاوتي و صحاب خاوتو
جا لراجل ختي قالو اعطيني كروستك و راجل ختي عندو زوج (بدراهم ختي)
عطالو الكروسة
و ظركا رجل ختي راح يحوس في تونس مع العايلة خلا بن خالي و امنو على الدار و على الكروسة
اليوم جينا عاقبين لقينا بن خالة بن خالي في كروسة ختي و خارج من دار ختي مع صحابو كامال ماشي فايتين 20
رفدت تلفون و جيت نحكيها لختي قاتلي الوالدة ماتوصليش المشاكل
و هدا بن خالي عندو عام زعك ماما و ختي من دارهم
راني راح نهبل
يلعبو بدراهم ختي و حنا مالازمش نهدرو
خطرة قلت راجل ختي سلفني الهربين كانت عندي زربية حاب نرفدها قالي لالا راها تاع خدمة
غاضتني بزاف ولاد خالي و لاد عوايلهم يلعبو بدارهم ختي حسبي الله و نعم الوكيل
قولولي راني غالط و لا راني صحيح ؟

koupkoup · 2013-08-11, 22:45

يا اخي مدام رزق ديال ختك وهي راهي راضية علاش تحرق دمك في الباطـــــل خليهم يتهـــــــاردو

أبوعبد الرحمن39 · 2013-08-11, 23:25

النصيحة مطلوبة لاختك

النجمة القطبية · 2013-08-11, 23:55

ختك تحب راجلها وراهم مهنيين انا مفهمتش واش زعفك دراهم ختى دراهم ختى ياك اختك عندها الاولاد مالا دراهمها ودراهم ولادها وراجلها يسال فيها لانو يورثها وتورثو
يا اخى قلها تخدمك معاها وخلاص و الرزق على ربي
وندعيلك ربي يرزقك انت تانى

ام نسمة · 2013-08-12, 03:06

وانت مالك يتخذوبيهم بدراهمهم بينتنا زعمى انت بيك مصلحة اختك ولا راه غايضك الحال كي ماطارلك والو من دراهم اختك ؟ ههههههههه كي تجاوب على هذا السؤال بصدق
راح تحل مشكلتك بنفسك
الدراهم الدراهم هوما شابين وملاح ويعيشو لابال في بصح كي يكونو بعرق جبينك ماشي كي تلقاهم واجدين

assia81 · 2013-08-12, 10:08

السلام عليكم ورحمة الله وبركاته
اخي هي صح تغيضك كي تمد للبعاد عليها خوها لي من لحمها ودمها مايدي والو بصح واش راح دير هذا مالها وهي حرة فيه انصحك فقط ان لاتجعل المال سبب في قطع رحمك لاتهتم لذلك وسيرزقك الله من فضله والعمل لي بين الاقارب يدير غير المشاكل قد يؤدي الى التقاطع فالافضل ان تبتعد قدر ماتستطيع خاصة ان الناس اصبحوا بلا اخلاق قدرين وقعوا بيناتكم وتتفاسدوا

بلسم غرام2018 · 2013-08-12, 10:18

اخي اانصحها محبتش خليها كيشعلوا
اما الاخوة البقية كفاكم تهكما بالناس
الي تقولوا عمارة الحاج لخضر الي عندوا نصيحه يمدها مكانش يصمت لانو قلوب الناس فيها ما يكفيها
وتقبلوا مروري

نسمة تفاؤل · 2013-08-12, 10:19

وانت هني راسك من المشاكل خييييييييييييير الله يسهل عليهم حاول تنصح اختك بالهداوة وان شاء الله تتسقم الحالة

razika zouzou · 2013-08-12, 14:47

هههههههههه غاضوك

راه راجلها اي اختي و هي حرة

العهد الرائع · 2013-08-12, 16:47

السلام عليكم
السيد واضح قاكم قولوللي راني غالط ولا
ماشي تبداو تفلسفو عليه حرام عليكم
خصوصا الانسان الوفي و زوبير و النجمة القطبية وزهور الفل
حرام عليكم حاولو تكون لبقين شوية في لسانككم راكم تتهمكو بزاف