*** كـــروكي هش وخفيف بطريقتي *** بالخطوات

[ladymillion]

اليوم جبتلكم وصفة الكروكي نتاعي بالخطوات المصورة والشرح ان شاء الله تجربوه يعجبكم يارب ويعجبكم خفيف صراحة






-- 6بيضات كاملة
-- 3كؤوس زيت (( كاس نتاع 250 ملل ))
-- نصف كأس حليب بودرة (( GLORIA))
-- كأس ونصف سكر عادي
-- قشور حبة ليمون
-- نصف م ص ملح
-- 3باكي خميرة الحلوى
-- فرينة حسب العجينة





1/ اخفقي البيض مع الملح ملييييح بدرجة قوية تقدري ديري بالباتور


2/ اضيفي السكر على 3 دفعات مع الخفق+ قشور الليمون



3/ اضيفي الزيت على 3 دفعات مع الخفق أي في كل دفعة كأس


4/ عند الدفعة الثالثة تاع الزيت اضيفي معاها الحليب بوردة واخفقي حتى الخليط راح يفتح لونو شوي


5/ الان ركبي المضرب k وأضيفي الفرينة بالشوي مع الخميرة واذا درتي بالباتور خلطي بيدك كي ديري الفرينة






6/ شيحيه بالفرينة أبقاي تزيدي في الفرينة حتي يحكم روهو ويرجع العجين ثقيييل كيما في الصورة وتقدري تتحكمي فيه ما ماتشيحيهش بزاف لان من بعد راح يجيك شوي ثقيل بعد الطياب



7/ ادهني الصينية بالزيت


8/ ادهني يدك بشوي زيت باش تقدري تحمكي العجين ويقدر يمشيلك في المشينة هاذي


9/ احكمي كمية من العجين ويكونوا يديك بالزيت حطيها في المشينة ودوري لخروج كمية من العجين


10/ حاولي دوريها بيديك بالراحة وحطيها في الصينية واعدلي الحواف باصبعك باش تكون الحبة باااهية ومليحة




11/ خليه يتحط شوي وشعلي الفرن ما بين ماسخن الفرن يكون ارتاح الفرن يكون 180° والرف في الوسط


12/ حطيه يطيب كي يحمر من تحت شعليلو من فوق يحمر وخرجيه يبرد هاهو بعد الطياب انا نحب يكون احمر ونتي وذوقك



بالصحة والهناء ان شاء الله يعجبكم احبتي











اللهم صل وسلم ويارك على سيدنا محمد

[biba04]

مممممممممممممم رائع وباين خفيف يعطيك الف صحة وصحا عيدكم

[oum ibrahim]

يعطيك الصحة ايمان روووووعة يهبل

[راجية غفران ربها]

مممممممممممممممممم و الله الصورة تتحدث راهي الريحة واصلة لعندي روووووووووووووعة و ياك يجي من عندك غير لمليح

[*رفيقة الدرب*]

هذا تسموه لكروكي أحنا نقولولو حلوة الرحا أو الخرارة هههههه
شكلو يهبل و لا تقديمو يآآآي
جداتك رهي كيما بابا يحبو يموت عليه

[amina bourennane]

هاذا تسموه كروكي احنا نسموه قاطوالمحقن ورااه فور انا نموووووت عليه

[zahra30]

ما شاء الله يبان هايل ويشبه لقاطو النتاع المحقن انتاع ام رامي .... صح فطوركم وصح عيدكم ....

امممممممممم هايل اختي حنا نقولولو قاطو المحقن مي راهو توووووب

[منى 22]

امممممممم خرجلك روعة

انا عندي مشكل في كاوكاو كي نرجيه خرج الزيت بزاف جي معجن اعطيني الريقة الصحيحة كيفاش دوب الشكولا تاع الميزان اي طراف

وشكرا

[ladymillion]

المشاركة الأصلية كتبت بواسطة منى 22

امممممممم خرجلك روعة

انا عندي مشكل في كاوكاو كي نرجيه خرج الزيت بزاف جي معجن اعطيني الريقة الصحيحة كيفاش دوب الشكولا تاع الميزان اي طراف

وشكرا

أختي الكاوكاو ما ترحيهش في اليدوي جربي الروبو الكهربائي
الشكولاطة اذا للقلاصاج ديري 800غ في حمام مائي كي تذوب طفي النار و زيديلها صفار بيضة و الكاكاو الاسود حسب الرغبة يعني هو يبننها
و ماء ساخن ملعقتين كبيرتين و كل ماتلوحي حاجة اضربي مليح بالباتور قادرة تتعجن لوهلة و من بعد تولي مليحة زيدي الماء للحصول على صلاصاج ثقيل و ما تخليهش يخفاف
منكهات مثل النيسكافي و القرفة
الكمية تجيك كبيرة صغري المقادير الصفار تقدري تستعملي ملعقة في 200غ شوكولا و غلفي حلوتك و رديلي بالخبر

[همسة مشاعر]

المشاركة الأصلية كتبت بواسطة منى 22

امممممممم خرجلك روعة

انا عندي مشكل في كاوكاو كي نرجيه خرج الزيت بزاف جي معجن اعطيني الريقة الصحيحة كيفاش دوب الشكولا تاع الميزان اي طراف

وشكرا

حتى انا اختي ساعات في مناسبة نشري الكوكاو نرحيه نلقاه مزيت وحتى العيد هذا لقيتو مزيت معرفتش واش نعملو
الشكولاطة تاع الميزان ذوبيها في حمام ماري ومعاها شوي حليب لحظة

[~ نسمات الخير~]

شكراااااااااااااااا لكي

[nina**]

اختي راهو يشهي قوليلي الزيت ماشي بزاف 3كيسان مايجيش يابس

[المستغفرة]

يعطيك الصحة هايل
و شكلو اروع

[ladymillion]

شكرااااا لكن كلن على المرور والردود الطيبة اسعدتوني
Nina لالا مايجيش يابس بالعكس الزيت هي لي تخليه هش وخفيف ومن الطبيعي راح تحفيظه في علب حفظ الطعام