ملف الكفالة كامل و لم يقبل لاني لم اجتز الفحص الطبي ؟؟ انصحوني...

jalil41 · 2013-08-01, 17:12

اخواني اولا انا متخرج ليسانس سنة 2012 لدي اب متقاعد و ام بطالة و مريضة مرض مزمن )القلب( و اخ وحيد لثلاثة بنات قصر متمدرسين
كونت ملف الكفالة كامل غير منصوص وفقا للمعطيات المذكورة مدعوم بشاهدة الطبية للوالدة و لكن لم يقبل مني لاني لم اجتز الفحص الطبي و قالو لي انه صدر لي استدعاء سبتمبر الماضي و لم تستلمه و قالو لي انتظر الاستدعاء الثاني و ادفع ملفك على مستوى الثكنة المرسل اليها
بما تنصحوني هل اذهب كما قالو لي في سبتمبر و اخذ معي ملف الكفالة او انتظر لاصبح عاصي و اذهب للمحكمة العسكرية و ما مدى نجاح العملية ؟؟
و متى اصبح عاصي بعد الاستدعاء الثاني او يوجد ثالث ؟؟

smith.mehdi · 2013-08-01, 17:43

السلام عليكم
صح رمضانك أخي جليل . ابعثلي رقم هاتفك في رسالة خاصة . و سأدلك إن شاء الله و أساعدك ..

ahmedsig · 2013-08-01, 20:36

اقتباس:

المشاركة الأصلية كتبت بواسطة smith.mehdi

السلام عليكم
صح رمضانك أخي جليل . ابعثلي رقم هاتفك في رسالة خاصة . و سأدلك إن شاء الله و أساعدك ..

أنا عندي نفس المشكل مقبلوش مني الملف لأني معملتش الفحص الطبي كما أن لدي ملفان ملف كفالة و ملف طبي ما الحل و شكرا

jalil41 · 2013-08-02, 05:34

شكرا و لو فيه نصائح و شرح اكثر للموضوع من فضلكم

amine eco · 2013-08-02, 10:26

انتظر تولي عاصي وادي الملف للمحكمة العسكرية

عبد المجيد تيارت · 2013-08-02, 13:40

الحل الوحيد انتظر حتى تصبع عاصي وادي ملفك للمحكمة وتما يا تدي الإعفاء يا تلبس

jalil41 · 2013-08-02, 15:16

لكن اريد النصيحة ما الحالة التي انا اقرب لها بما اني وضعت لكم معطيات وضعيتي
فهل ممكن ندي الاعفاء ان شاء الله؟؟

amine eco · 2013-08-03, 03:10

انتظر تولي عاصي و ادي الملف للمحكمة العسكرية
لانه كي تديها للثكنة ممكن تفوت 12 شهر باش يعطوهالك اي تكون كملت ستاج
حالة نتاعك تبدو لا باس بيها يا اخي ان شاء الله فيها ...لكن لا يو جد شيئ مضمون يا اخي لان ممك يكون قاض مزير
بعد الاستدعاء الثاني ...روح ليهم قولهم انا عاصي يعطور رسالة توجيه

jalil41 · 2013-08-03, 11:00

اقتباس:

المشاركة الأصلية كتبت بواسطة amine eco

انتظر تولي عاصي و ادي الملف للمحكمة العسكرية
لانه كي تديها للثكنة ممكن تفوت 12 شهر باش يعطوهالك اي تكون كملت ستاج
حالة نتاعك تبدو لا باس بيها يا اخي ان شاء الله فيها ...لكن لا يو جد شيئ مضمون يا اخي لان ممك يكون قاض مزير
بعد الاستدعاء الثاني ...روح ليهم قولهم انا عاصي يعطور رسالة توجيه

شكرا لك اخي على نصائحك و ربي يجيب الخير ان شاء الله

nad 17 · 2013-08-04, 06:16

السلام عليكم عندو الحق الاخ كي تروح للثكنة كاين لي يضرب حتى لعام باه يخرج يزيدو يديرو لونكاث يطولو و تاني تاع المحكمة العسكرية كل واحد و كيفاه انت عندك ظروفك اسبب وهي تجيك فب لوردابال 3 كي تخرج روشارشي و ربي يسهل ان شاء الله ربي يكون في العون

hakimdima · 2013-08-04, 10:21

ربس يجيب الخير ان شاء الله

4G4G · 2013-08-05, 05:58

خويا العزيز المشكلة راهي في عدم اجتيازك للفحص الطبي ... لانه لو على الاستدعاء انا خرجولي 2 استدعاءات في 2009 لاني مكنتش عامل سوريسي لاني نهار فوت الفحص كنت متوقف عن الدراسة وماكانش عندي اي وثيقة تخولني الحصول على سورسي ... ومن بعد تخرجت في 2012 وجاني الاستدعاء تاع مارس 2013 وما رحتش تاني وفي جوان الي فات دفعت ملف كفالة وقبلوه نورمال وجاتني لونكات عند الجوندارم وديت شهود وجوزتها .... عليها نظن المشكلة راهي في عدم اجتيازك للفحص الطبي بصح خويا ما تتقلقش كل مشكلة وعندها حل وانشا الله ربي يفرج عليك والله غير راني حاس بيك واش راك تحس

ضاقت فلما استحكمت حلقاتها فرجت وكنت اظنها لا تفرج

nonomalik · 2013-08-05, 11:15

ضاقت فلما استحكمت حلقاتها فرجت ، هذا هو الكلام الصبر الصبر ، انا ايضا ذهبت للمحكمةالعسكرية في رمضان لادفع ملف كفالة لكنه رفض لانني لم اجتز الفحص الطبي و عمري 29 سنة و المشكلة الكبيرة انني احتاج لسورسي كي اتبت في منصبي و سافقده لانني لم استطع الحصول علي ، يفرجها ربي

jalil41 · 2013-08-05, 19:01

اقتباس:

المشاركة الأصلية كتبت بواسطة nonomalik

ضاقت فلما استحكمت حلقاتها فرجت ، هذا هو الكلام الصبر الصبر ، انا ايضا ذهبت للمحكمةالعسكرية في رمضان لادفع ملف كفالة لكنه رفض لانني لم اجتز الفحص الطبي و عمري 29 سنة و المشكلة الكبيرة انني احتاج لسورسي كي اتبت في منصبي و سافقده لانني لم استطع الحصول علي ، يفرجها ربي

خويا راك خلعتني من فضلك لما رحت للمحكمة العسكرية هل اعطوك رسالة توجيه او ماذا و ماذا طلبو منك ؟؟

التبسي21 · 2013-08-15, 20:51

حاب ما نعقبهاش العامين