طلب مساعدة عاجلة

عروبة وطن · 2013-07-30, 22:55

السلام عليكم
اريد مساعدتكم
وهو اني اريد صنع الحلوى من اليوم
ولكن اخاف ان تيبس
فكيف احفظها حتى العيد مع العلم ليس لي مكان في الفريغو
فاين اصعها خاصة التي تصنع بالشكولاطة
مع هذا الحر
وشكرا لكن

madoucha · 2013-07-30, 23:09

اختي اني منحبش نخبيها في الفريقو
لي قاتو ساك خبيهم في مكان بعيد عن الرطوبة و الحرارة وما يبسش بالعكس يزيد يطرى
المقروط خبيه بصح ما تعسليهش لكن من الاحسن يتخبى في الفريقو حسب معلوماتي
ان شاء الله يزيدو يفيدوك لفحلات انا راني غير نتعلم وموضوعك يهمني انا ايضا

الجزائرية 2010 · 2013-07-30, 23:10

القاطو عمرك ماتخبيه في الفريجيدار

راح يزيد يبس ليك

خبيه في بلاصة جافة ومافيهاش رطوبة
واللي مخدومين بالشوكولا مادييهمش في فريجيدار حطيهم حبات وماتحطيهمش فوق بعضاهم وحطيهم شوي متباعدين

ولو تذكرت اي نصيحة نزيد نفيد بيها

أم ماجد · 2013-07-30, 23:34

ذا كان بامكانك ماتخدميهشضرك
الحرارة شديدة والذوق انتاعو يروح بلعقل حبيبتي

غزة في عيوني · 2013-07-30, 23:37

السلام عليكم مشكوووورة على الموضوع والله غير يهمنا خصوصا في هذا الوقت
انا راني كيما انت حبا نصنع غدوة انشاء الله
نقولك كيفاش ندير نصنع كامل القاطو كي يبقاو يومين للعيد مثلا القريوشة نعسلها وتاني القلاصاج نديرو والتسكار نتاع التشاراك
بالنسبة للطابع نورمال كي نصنعو بكري يزيد يطرى ونحطو في ساشي في بورت مونجي
اما المقروط مانصنعوش حتى اليامات التالية ونعسلو ديراكت والقاطو نتاع الشكولا مانطليهش حتي ليلة الشك - وانشاء الله الاخوات يزيدو يفيدوك

همة عالية · 2013-07-30, 23:44

بالنسبة لي اضعهم في بورت مونحي ويزيدو يطراو اما التزيين والتعسال ارى تركه للايام الاخيرة هههههههه ولو اننا في الايام الاخيرة

لميس اميرة · 2013-07-31, 00:55

مازال الحال اختي على القاطو

ديري الميناج و اخدمي خدمة اخرى و لما يبقاو 6 ايام ديري يومين للقاطو و يومين للديكور و القلاساج
و يوم لديكور العيد و خبز الدار يبقالك ليلة الشك للرتوش و التحمام و صينية العيد فقط

و مع السخانة من الافضل الواحد مايكثر ما يحصل ما يفسد القاطو و يترمى