كيكة التوفي هاااااايلة حصريا من مطبخي

[ام اماني77]

السلام عليكم اخواتي

جبتلكم اليوم كيكة التوفي رهييييبة ذوقها اكثر من راااائع هي عبارة عن كيكة فيها النواد كوكو وحليب غبرة محمص ونغطيها بكريمة التوفي اممممممم
وكريمة التوفي شكلها يشبه في نيسلي كرامليزي لكن ذوقها ذوق الكبريس وماتجيش حلوة بزاف كيما نيسلي
اذن نخليكم مع هذا الوصفة المميزة

https://

المقادير:

للقياس نستعمل كاس نتاع 250مل
5بيضات، نصف كاس سكر،نصف كاس حليب غبرة محمص،علبة ياؤورت طبيعي،ربع كاس زيت،كاس ونصف نواد كوكو وممكن نعوضه باي نوع من المكسرات،فاني،م ص خميرة الحلوى

لتحضير طبقة كريمة التوفي نحتاج الى

6م ك سكر،م ك ماء،200مل كريمة سائلة اي كريم فريش

اولا نحمص الحليب حتى ياخذ لون ذهبي

https://

نخلط معاه النواد كوكو والخميرة

بواسطة الخلاط الكهربائي نخلط البيض والسكر والفاني جيدا ثم نضيف الياؤورت الطبيعي تدريجيا مع الخلط ثم الحليب المحمص والخميرة والنواد كوكو واخير الزيت ونحرك راح نحصل على خليط سائل نوعا ما

ندهن مول مستطيل26على15سم بالزبدة
نفرغ فيها الخليط

https://

وندخله لفرن مسخن مسبقا على180درجة من 10حتى 15د وهذا شكل الكيكة بعد الطهي

https://

في هذا الوقت نحضر الكريمة
اسمحولي هنا ماحطيتش الصور لانها غير واضحة
نحضر الكراميل
نحط 6م ك سكر+م ك ماء على النار حتى يذوب السكر ويبدا يتغير لونه لازم يكون لون الكراميل فاتح نفرغ عليه200مل كريم فريش
انا استعملت هذا الكريمة السائلة

https://



نحطوه بالعقل ونحرك بسرعة وعلى نار ناقصة ونستمر في التحريك حتى نتحصل على كريمة
نفرغها على الكيكة بعد مانخرجها من الفرن وتكون بردت ونفرغ الكريمة عليها غير بالشوية

https://

نخليها تبرد من بعد ندخلها للثلاجة حتى تتماسك الكريمة نقطعها مربعات او معينات ونقدمها وهذا شكلها النهائي انا زينتها بشوية نواد كوكو

https://


https://

عن قرب اممممم

https://



نتمنى تعجبكم الكيكة وتجربوها لانها فعلا رااائعة
في امان الله

[*أم كوثر*]

الله يبارك ياام اماني من المكونات تبان تشهي
يعطيك الف صحة

[ام الهضاب]

و الله غير وصفاتك كلها مميزة ربي يبارك فيك

[anaris]

ام اماني الشاف اين الزيت ولا ربع كاس اسكر هو الزيت راني ضك رايحة نطبقها يعطيك ربي نشاء الله ما تتمناي

[ام اماني77]

المشاركة الأصلية كتبت بواسطة anaris

ام اماني الشاف اين الزيت ولا ربع كاس اسكر هو الزيت راني ضك رايحة نطبقها يعطيك ربي نشاء الله ما تتمناي

اسمحلي اختي
نعم ربع كاس زيت ونصف كاس سكر راني عملت تعديل
ان شاء الله تجربيها وتعجبك

[hannaria]

rahhhhhhhhhhhhhhhhhhiba
raw333333333333333333333333a..ya3tike sa7a..chahitini

okhti barake nssa9ssike ana 3andi creme freche..kima fi laphoto..ki 7atitha fi frijidare jamdate chwiya..mawalatache liqide..lachta ndire biha

merci a la vance

[aouniak]

تحفة ربي يحفظك

[حياتي نبع امل]

الله يبارك جزاك الله خيرا
ام كوثر كنتي حاطة كرسي وتستناي وتاكلي في ضفارتيك هههههه على حساب يااااو محجوز

[أم سراج الدين]

المشاركة الأصلية كتبت بواسطة ام اماني77

المقادير:

للقياس نستعمل كاس نتاع 250مل
5بيضات، نصف كاس سكطر،نصف كاس حليب غبرة محمص،علبة ونصف ياؤورت طبيعي،ربع [u]كاس سكر[/u]،كاس نواد كوكو وممكن نعوضه باي نوع من المكسرات،فاني،م ص خميرة الحلوى

نتمنى تعجبكم الكيكة وتجربوها لانها فعلا رااائعة
في امان الله
[/color]

' نظن تقصدي ربع كاس زيت كيما تبعت في الوصفة

ربي يحفظك على الوصفات الرائعة
دمتي متألقة عزيزتي

[ام اماني77]

المشاركة الأصلية كتبت بواسطة أم سراج الدين

' نظن تقصدي ربع كاس زيت كيما تبعت في الوصفة

ربي يحفظك على الوصفات الرائعة
دمتي متألقة عزيزتي

شكرا على التنيه راني درت تعديل وشكرا لمرورك غاليتي ام سراج

[ام اماني77]

ام كوثر الغالية يشرفني تكوني اول واحدة تردي وعجبتني محجوز ههههه
حياتي امل وام هضاب نورتو الموضوع بارك الله فيكن

[SAYAH240]

Saha ftourkoum. Oua alf choukr ala wasafat raia.la recette mafiha farine. Je voulais l.essaye.

[ام اماني77]

المشاركة الأصلية كتبت بواسطة sayah240

saha ftourkoum. Oua alf choukr ala wasafat raia.la recette mafiha farine. Je voulais l.essaye.

اهلا اختي
مافيهش الفرينة فيه النواد كوكو وحليب بودرة محمص في بلاصة الفرينة
فقط عاودي اقراي الوصفة راني غلطت قبل في المقادير وعدلت اسفة
جربيه ذوقه هايل ان شاء الله يعجبك

[faryal zahira]

رائعــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــة كروعــــــــــــــــــــــــــــــــــــــــــــــ ـــــــة من صنعتهـــــــــــــــــــــــــــــــــا

[fati21]

باينة تهبل يعطيك الصحة