فطورنا10 من تحت يدي و رايكم يهمني اتنضلوا

sirina_angel · 2013-07-19, 21:46

السلام عليكم
صح فطوركم
واش كيفاه راكم مع رمضان و سخانة؟؟؟؟؟

اليوم كانت دالتي
و كنت عيانة و نعسااااااااااااااانة
نودتني ماما 3 و نص و دخلت الكوزينة و درت حاجة خفيفة

شوربة بالرشتة ,,,,نكره فارميسال

و فريك تاع البارح ,,,,البارح كانت دالت مرت خويا يعني ما تقيمونيش عليه

سلاطة

سردين مقلي و بوراك

قوارب البطاطا بالبيشاميل
كنت شايفة الفكرة من قبل و زدت شفتها عند الاخت نينا
بطاطا محشية بالفيونداشي و الخضر جلبانة زيتون طماطم زرودية ,,,,,,,,,,و صوص بيشاميل

و هنا السينية واجدة

و للسهرة موس الشكولاطة شفتو في مطويات بو حامد و شفتو في موضوع الاخت ام كوثر

مي درتو ب milka بالبندق

واش رايكم ؟؟؟؟

و الله بديت نغلب و بديت نكره
مي هاد الفطور ما حكمليش بزاف وقت من 3,30 لحوالي 6,00 و الوقت الباقي في تسرباي و الموس

ايا واش رايكم بصراااااااااااااحة

صح صحوركم