استشارة

مشكلتي · 2013-07-14, 14:47

السلام عليكم ورحمة الله وبركاته
انا في حيرة من امري، انا بصدد البحث عن شريكة الحياة قصد الزواج لكن انا بين امرين هل أخذها تعمل ام ماكثة في البيت
انا كلاهما لا مانع لي لكن اريد راي الاعضاء، اريد ان اعيش حياة محترمة لا مشاكل فيها

شكرا

loulou02 · 2013-07-14, 17:09

السلام عليكم
الأفضل تختار ماكثة بالبيت (طبعا لازم تكون قارية باه تهتم بدراسة أبنائها) ،الوقت لي تحتاجها تلقاها جنبك بالبيت ، كي تخرج من الخدمة على سا12 و تروح للبيت تلقاها تنتضر فيك و محضرتلك الأطباق لي تحبها و تاكلها سخونة ، و كذلك في المساء على سا17 نفس الشيء تستقبلك عند الباب ====== و هي في كامل أناقتها و تلقاها محضرتلك حلويات على ذوقك مع القهوة ، واش نزيدلك ؟ ==========! ربي يهنيك أخي و يرزقك زوجة صالحة لي تسعدك و تصون شرفك .

* عبد الجليل * · 2013-07-14, 17:34

والله الاخت لولو ماخلاتنا مانقولوا رايي من رايها

faty05 · 2013-07-14, 17:45

ربي يرزقك بالزوجة الصالحة

بسمة تحدي · 2013-07-14, 18:08

والله يا خويا متعرف الخير من تلقاه

قادر تدي وحدة قاعدة فالدرة متدير ولو ووقادر تدي وحدة تخدم متخرجش عليك

قادر تدي لقاعدة فالدار وتلقاها شاطرة وقادر تدي وحدة تخدم تلقاها شاطرة تاني

الخير فيما اختره الله لك متعرف الخير وين تلقاه

حتى لتديها وتقعد فالدار قادر تكون فنيانة ومتخدمكش قع

ومن المسلسلات التركية ومتخرجش وولدها متشردين في برة

وممكن تدي وحدة تخدم وتقوم بيك الله الله وتعونك في مصروف الدار

نعرف بزاف نساء متزوجات وقعدات فالدار زوجهم فاشل وتاني لخدامة زوجها فاشل

المهم انت خير وحدة مدينة وتخااف ربي هذا هو المقياس

كي تدي لتخاف ربي راح تتقى الله فيك

راح يكون التعامل لوجه الله

اضفر بذات الدين والخلق تربت يداك

وادعي ربي يجيبلك زوجة صالحة

محمد منير علي · 2013-07-14, 23:52

ربي يرزقك بنت الحلال واما المشكلة نتاع الاختيار انا ضد المرأة اللي تخدم بصح تبقى على حسب اقتناعاتك

touah · 2013-07-14, 23:57

السلام عليكم ورحمة الله وبركاته
خير من تستشير الواحد القادر وذلك بصلاة ركعتين و استخارة الله فيما أنت مقدم علبه

ابراهيم داود · 2013-07-14, 23:57

و فقك الله أخي الكريم

ليلى زيزو · 2013-07-15, 00:13

هو ماكاش كيما مرا تكون قاعدة فالدار و تهتم بيك و باحتياجاتك بصح ماشي قاع النسا كيفكيف. كاين لي قاعدة فالدار بصح مكرهتلوا حياتوا يندم على النهار لي يدخل فيه للدار و هاذي منتاشرة بزاف ، و كاين لي لعكس يستنى غيروقتاش يدخل للدار خاطر علابالو واش راه يستنى فيه.
و من جيهة وحدوخرة تلقاها خدامة بصح قايمة بيه و بالدار و حتى هو يعاونها و كاين العكس تلقاها خدامة ما تهتمش بدارها و بزوجها.
و أنا من رايي كيما نقولو عينك هي ميزانك كي تروح تخطب شوف كيفاش هاد الطفلة تخمم و واش هي أولوياتها و كيفاش تشوف الحياة و هنا تحكم يلا تديها تخدم و لا لالا
المهم إتكل على ربي و لي كاتبها ربي هاذيك هي .

عبد الله 22 · 2013-07-15, 00:21

السلام عليكم بالتوفيق يأخي شوف وحد تسكن لها وتسكن لك العامل أخطر في الاستقرار خاصة على المستوى البعيد عند تتوسع الاسرةـ إتبع الفترة التي فترى الله الناس عليها والمهم ان تتقي الله في الزوجة بالتوفيق

tateb · 2013-07-15, 01:27

المهم في الزوجه ان تكون ذات دين
يبقى المكتوب هو الذى يقرر العامله او الماكثه

chocol@te · 2013-07-15, 02:19

السلام عليكم ورحمة الله وبركاته
يا اخي ربي يوفقك في البحث عن بنت الحلال ........... هدا ليس بالامر الجوهري في البحث عن بنت الحلال .... ابحث عنها دات خلق ودين تعينك أما ماكثة في البيت او عاملة فهدا ليس بمقياس .. وكلشي بالمكتوب اخي ...............
ربي يعينك

صالح القسنطيني · 2013-07-15, 11:21

السلام عليكم

تنكح المرأة لدينها و نسبها و جمالها و مالها فهذه الأربع مجتمعة أو متفرقة هي محركات قلوبنا جهة النساء و أنصحك بالجميلة التي تصر ناظرك و كما يقال ( تعمرلك عينك ) و ذات الدين و الخلق الحسن و إذا كنت ميسورا قادرا على الحياة فعليك بالماكثة بالبيت فهذا أفضل و قد علمتنا الحياة أن على قدر خروج المرأة من بيتها يكون تفريطها فيه

الجزائرية 1995 · 2013-07-15, 11:54

اخترها ماكثة بالبيت بشرط أن تكون واااااااااااعية باش متعملش مشاكل وبنت ناس وتعرف تربيلك اولادك التربية الحسنة وحاااول تتكلم معها قبل الزواج للتفاهم على كل شيئ
ابتعد عن الجاهلة خاصة في الدين راااااح اتعبك لاقدر الله
رب يوفقك لما يحب ويرضى

baalache · 2013-07-15, 15:28

رايي ماكثة بالبيت احسن