في حيرة ارجوكم

[مشكلتي]

لسلام عيكم وبركاته
انا في حيرة والله كنت مخطوبة لواحد وكنت نحب ولكن للاسف كانت مشاكل ماشي كبيرة وتخلى عني بكل سهولة وقالي الي بنتنا خلاص انا حاولت نصلح الامور ولكن دون جدوة عيطلو حوست عليه لكم هو سبحان الله وكان قلبه حجرة قالي رني نقلك خلاص خلاص اصبرت عليه قلت كش ميتبدل ويدور في رأيه ولكن ولو
خلاص قررت ننساه وفعلاه بديت نعيش حياتي بلا بيه ومع الوقت تقدم لي شاب اخر جه لمكان العمل هدرة معاه لثواني عجبني وعجبتو مبدئيا قالي امال نجيب يما ونجيك لداركم قتلو خلاص معلش الهدرة تكمل مع بابا قالي ايه
والان ظهر خطيبي الاول من جديد اصبح يتصل بيا في الهاتف ويرسل لي رسائل قالي حبيت نولي ليك قالي رني منلقاش كيفك انا اتسرعت واتخذت قرار بصح عمري مراح نلقى وحدة تحبني كيما انتي
ويطلب السماح ويزيد
انا صح نحبو ولكن خفت نولي ليه ويعاود يخليني على سبة مكاش
لو كان خير مولاش لانه حيا الجرح من جديد

انا حرت وش ندير نعاود نولي ليه لاني مزلت نحبو او نعفس على قلبي ونقبل الاخر

كي نتفكر خلاني وكي نتفكر كيفاش كنت نجري موراه بش نصلح الامور تغضني عمري حسيت بليك رخسة روحي وقمتي ضيعتها

وش ندير ؟؟

[/زهرة عصفور الجنة/]

اختي لي باعك بالفول بيعيه بقشوروا
نصيحة الزواج ليس لعبة مرة يريدك ومرة يتركك
واهم شيء ان تستخيري الله

[مراد12345]

يعني ترفضين الحلال

وتريدين الحرام

[Assouma 93]

و الله يا اختي اللي بدلك بالفول بدله بقشوره انا نقولك اذا رجعتيله ما تظلمي غير نفسك تخلي اللي جاك بالحلال و تروحي للحرام تساعفيني اخطيك و اقبلي بالثاني و ربي معاك

[nani hb]

السلام عليكم ورحمة الله وبركاته


أنصحك بالاستخارة والتذرع لله

الله هو الوحيد الذي يعلم ما في القلوب

ونصيحة أخرى : أريدك أن تفكري بعقلك ، و تفكري في جميع الاحتمالات

وكذلك مع من ستجدين سعادتك

ولماذا تركك الخطيب الأول وبسهولة؟؟

ولماذا عاد بعدما خطبك شخص اخر؟؟؟؟؟؟

تساؤلات كثيرة تطرح في هذه القضية التي لا يستطيع حلها الا شخص واحد بعد الله

وهو:


أنت

نعم ، فكري ربما الخطيب الأول يريد تدمير حياتك ، ولماذا عاد بالذات في الوقت الذي ستخطبين فيه؟؟؟؟


الحل بين أيديك ، ادعي الله أن يساعدك و ينير دربك

فربما تجدين الحل

ونصيحة أيضا ، احتفظي بكرامتك وشرفك ولا تكوني ضعيفة أمام الرجال وخاصة خطيبك الأول

كوني قوية

استشيري والديك ، فهما أدرى بمصلحتك

وسوف تجدين الحل باذن الله


فرج الله همك و انار دربك

[بسمة تحدي]

سجل يا تاريخ واكتب يا زمان

حكايتك ملموسة غريبة عليا !!!!! سبحان الله والله الدنيا هذي

اول حاجة هو لازم تتاكدي من انه فعلا ندم ورجعلك لازم تتاكدي انه فعلا مزالو ناويك وشاد فيك كوني شاطرة انتي سيدة الموقف
ولازم تعرفي وش من سبة لراح وخلاك هل لسبب فعلاه عندو حجة قوية؟؟؟

يمكن يكون عندو ضروفه اقوى من ذالك يمكن يكون ضغط من اسرته او اي حاجة

حاولي تعرفي وش من سبة

وتاني هل انتي مستعدت بش تسامحيه وتولي معاه من جديد ؟ هل مزالت ليك رغبة في الزورج بيه؟؟

هل مزالت عندك ثقة بيه ؟؟

لازم كل الاسئلة تلقايلها ايجابة مقنعة

خمي بعقلك ماشي بالعاطفة

ولا الاختيار الاخر بما انك قولتي بديتي تسايه وهو حيا الجرح يعني قادرة تكملي تنسايه من الجديد

عليكي بتغير رقمك واي حاجة توصلك بيه وخلاص تنسايه مع الوقت

عندكي تظلمي روحك وتظلمي اي حد خمي مليح بعقلك وحنا رنا في رمضان الدعاء مستجاب

في كل الاحوال فوضي امرك لربي سبحانو

وادعي بهذا الدعاء

** اللهم اشرح صدري بنور الاستبصار واخرجني من الحيرة والتدبير والاختيار اللهم خيرلي واخترلي ولاتكلني الى نفسي طرفة عين ولا اقل من ذلك يا حي يا قيوم برحمتك استعين**[


رني حابة نسمع النهاية طمنيني عليك

[abdel02]

...وكأن البنات صرن لعبة
نلهو بها وقتما نشاء...ونرميها
وقتما نشاء...

[salsila]

اختي الكريمة كرامتك قبل كل شيئ انا بالنسبة ليا اخطيك منو وغيري رقم الهاتف نتاعك وعيشي حياتك واستخيري الله في الخطيب الجديد وبربي انشاء الله يكون فيه الخير ليك فكري بعقلك ربي يوفقك انشاء الله

[basma09]

يا اختي اذا تاخذي رايي انا
نقلك اخطيك مالاول لانو لما كنت تترجاي فيه و تحلي فيه باه يوليلك ما غضتيهش و ضرك كي لقيتي روحك و خططتي حياتك مع انسان جديد بانتلو هو بلي خلاص يحبك و غضتيه و ما يلقاش كيفك
شوفي مادام ما غضتيهش المرة الاولي ما راحش تغيضيه مرة اخري ولوكان تلحق للصح و مبعد يقلك نحبسو
علابالي بلي انت راكي تسقسي فينا بصح جزء كبير منك راهو يقلك و لي ليه بصح خمي لبعيد يا اختي نضريتي مرة ما تزيديش تضري روحك الف مرة لانو بالاك راح تكملي معاه و تتزوجو بصح هاذا انسان قاسح و يضرك ممبعد
هاذا رايي وانت زيدي صلي صلاة الاستخارة و مبعد تبانلك

[♥منسّه♥]

اعفسي على قلبك و خليك منو هادا راهو حاب يفسدلك حياتك كي سمع بيك راح يخطبوك
نصيحة من عندي اختي طبقي هاد الصفحة لقديمة و عيش حياة جديدة و الكاتبة تلحق مع الوقت درك تحبي حتى هادا الجديد
حظ موفق و ان شاء الله نسمعو خبار ملاح عليك

[kmilya]

لي تخلى عليك مرة يتخلى عليك الف مرة

[wawaa]

انساي لول و كان جيتي عزيزة عليه و كان ما فرط فيك و قالك خلاص و يقعد يلعب ببنات الرجالة مرة وا و مرة لالا
ننصحك التهاي بخطبيك هذا و انساي لول
واش دارلك لول غير الهم .....انساي الهم ينساك

[z.abdo]

المشاركة الأصلية كتبت بواسطة مراد12345

يعني ترفضين الحلال

وتريدين الحرام

لمذا قلت انها ترفض الحلال وتريد الحرام .............الذي تتكلم عنه هو خطيب سابق والذي طرق بابها اليوم خاطب جديد

اين الحرام بالله عليكم ؟؟؟؟؟


لاتتسرعي في إتخاذ القرار وبما انه رجع اظن عليك ان تسامحيه

[عبد الله 22]

السلام عليكم عليك ان تحكمي عقلك ميزان الاخلاق والدين هو الاساس لعلك جرحته من قبل أو كان تحت ظغط أو مشكلة، حتي الشخص الثاني لعل قبولك به كان ملاء لفراغ الذي تركه الاول، حاولي أن تعطي لنفسك مساحة لتفكير بعقلا نية خاصة أنك تعريف الشخصين و، حاولي أن نعريفي كل غموض أو سواء فهم كان من المحتمل هو سبب الخلاف، بالتوفيق

[مريم الصابرة]

السلام عليكم اختي
انان نقولك اللي خلاك مرة يخليك آلاف المرات وممكن هذا ما يخافش ربي ويديرلك كيما وحدة حطت مشكلتها خلاها فسخت الخطبة مع الرجال اللي خطيها وعواد خلاها يعني دمرلها حياتها بلعاني
انا من رأي اعفسي على قلبك ويقولك المثل إدي اللي هو يحبك ماشي اللي إنت تحبيه وهذا جاك بالحلال وراه ناويك إمالا تكلي على ربي ولاخر إقطعي الإتصالات به من رأي لما كنت تجري موراه طيح من قيمتك وسمح فيك يعني خلاص جات منو إنساي وربي يوفقك مع الشخص الثاني