الجزر المرقد بالطــــــــون ذوق مميز

[ladymillion]

طريقة الجزر مرقد بالطون مممممممم حاجة هايلة وبدون مبالغة نتمنى تجربوها وتعجبكم تقدم مع السلطات او وحدها أو مع الحميس كيما تحبي أنا وجدتها لرمضان الكريم نخليكم مع الطريقة مصورتش من الاول اسمحولي

نحتاج :

~_~ كيلو جزر مقشر ومغسول ومقطع شرائح ونفوروه مه شوي ملح (( متخليهش يطيب بزااااااف حتى يتفتت ))
~_~ 5 فصوص ثوم تكون كبيرة مهروسة او مبشورة
~_~ 3 علب طون نتاع الزيت لازم باش منديرش زيت آخر زيت الطون يكفي ويعطينا ذوق مميز
~_~ معدنوس مقطع ديري كمية لي تحبي
~_~ ملح ، فلفل أسود ، موطارد ( تقدري تستغني عليه )
~_~ 3/4 كأس خل

بعد ما تفوري الجزر خليه يبرد وهو في الكسكاس
في وعاء حطي باقي المكونات والطون أمعسيه شوي بالشوكة باش مايبقاش متكتل وخلطي هاذ المكونات كامل مليح



حطي الجزر وخلطي باش كلشيء يدخل في بعضاه مليح لكن خلطي بملعقة خشبية يكون أحسن



الان أحفظيه في علبة زجاج لحفظ الطعام وحطيه في الثلاجة لمدة يومين يكون الجزر أخذ نكهة الطون والزيت نتاعو




بالصحة ليكم
واذا عجبكم ادعولي