مشكلة مع زوجتي

yainoabs · 2013-07-06, 00:37

السلام عليكم
انا شاب في 32 سنة من العمر اعمل عقود ماقبل التشغيل متزوج منذ 3 سنوات ولي بنت اسكن في بيت والدي
احكي لكم قصتي اليوم الجمعة زعمة عيد الاستقلال عند ذهابي الى احضار زوجتي من دار ابيها
لم توافق الذهاب معي
وصدمتني عندما قالت لي بالحرف الواحد قالت لي اكريلي من روحش معاك لازم تكري هي تعرف وضعي لا أستطيع الكراء لها اجرتي لا تتعدي المليون 10.000 دينار جزائري قاتلي منروحش معاك لازم تكريلي
انا لا استطيع مالعمل
للعلم انها تزوجت بي وتعرف وضعيتي
لا توجد مشاكل في بيتنا لا أدري ما السبب
والله صدمتني بقرارها
ما هي الاجراءات القانونية
والله والله العلي العظيم ندمت على الزواج والمشكل الدي يبكيني ابنتي راها غايضتني بزاف

yainoabs · 2013-07-06, 00:41

من خلال كلامها هي تريد الانفصال والله جرحت كرامتي وأذلتني
من عقود الاذلال في العمل الى عقد الذل في البت من الإذلال منيش خراج يا ربي الطف
انيروني بنصائحكم راني منيش نرقد
جزاكم الله خيرا

soso sirin · 2013-07-06, 00:58

ربي يفرج عليك ان شاء الله مي انت علاه ماهدرتش معاها بلاك عندها مشكل و على هكا قاتلك كريلي و ماترجعش لداركم اهدر معاها و شوف واش تقلك اذا مكانش سبة باينة و في وجه بنتك اهدر نيشان مع باباها و قولو نهار جيت خطبت تعرفو حالتي و عارفيني مانقدرش نكري و شوف باباها واش يقلك في مواقف كيما هاذي و تخشان راس المرا احسن حل يدخل الاب تاعها و اذا كان باباها راجل مليح و يخمم للبعيد غير ماتخافش هو راح يوصلها حتى لباب دارك لانو مكانش اب يبغي بنتو تطلق.ربي يحلها من عندو ان شاء الله و يهدي مرتك و ترجع لدارك و تتحسن لحوال

الماسة النادرة · 2013-07-06, 01:19

اخي الكريم انا نعطيك راي اذا سمحت اولا لازم تخمم كيفاش راحت لدارهم زعفانة ولاعادية ولاحسيتها راها تخمم فيكاش حاجة زيد الحوايج ادات بزاف فوق العادة ولاعادي زيد دارهم يعمرولها راسها ولا لا وزيد تلاقات مع كاش واحد من عائلتها الي يمكن يكون حرضها ولا اثر عليها زيد مكانش دخان بالا نار زيد انا مرانيش نحرش فيك لكن يااخي متركعش لانوا اليوم طالباتك بالسكن غدوة تقولك خدمتك بدلها وزيد انت الراجل ومكذبتش عليها و واش نقولك زيد هدر مع باباها ولاخوها باش تولي قبل رمضان راه الحال صعيب واخيرا الله يجمع شملكم ويحنن قلوبكم على بعضاكم

ASKme · 2013-07-06, 01:24

عمروها في دارهم

naamane3 · 2013-07-06, 17:20

اقتباس:

المشاركة الأصلية كتبت بواسطة askme

عمروها في دارهم

كلام صواب
توجد عائلات من هذا النوع
عوض ان يكونو مقدم خير يزيدون في الضر
ربي يجيب الخير

○•ميسون•○ · 2013-07-07, 19:31

اقتباس:

المشاركة الأصلية كتبت بواسطة askme

عمروها في دارهم

آه

هاذي باينة

صرنا في مجتمع الأهل هم لي عديان

بعدما كانوا هم لي ينصحوا أصبحوا هم لي يحرضوا

yainoabs · 2013-07-06, 09:04

لحد الآن والله ماني عارف السبب المهم الصراحة جرحتني في كرامتي حسيت روحي منسواش

soha1987 · 2013-07-06, 17:29

اقتباس:

المشاركة الأصلية كتبت بواسطة yainoabs

لحد الآن والله ماني عارف السبب المهم الصراحة جرحتني في كرامتي حسيت روحي منسواش

لالا يااخي ماتقولش هكاك
احكمها من وذنيها يعني زير عليها والله راح تخاف حنا النسا رانا نخافو :d
عيطلها واهدر معاها بلاك دارهم هوما لي عمرولها راسها
ربي يصلح احوالك اخي وان شاء الله ترجعو لبعضاكم

○•ميسون•○ · 2013-07-07, 19:26

اقتباس:

المشاركة الأصلية كتبت بواسطة yainoabs

لحد الآن والله ماني عارف السبب المهم الصراحة جرحتني في كرامتي حسيت روحي منسواش

اللي يدير العيب هو لي ما يسواش

يونس معبدي · 2013-07-06, 09:12

اعذروني اخوتي لكن هناك بعض العائلات في البداية
تسعى الى تزويج بناتهم
ومن بعد تبدأ في اختلاق المشاكل بالشروط التعجيزية

يعني عقود ما قبل التشغيل واش راح تكفي
مصاريف وكراء
و..
ثم الى هذا الحد وصلت العقلية نتاع البنات
متزوجة تقول لزوجها ما نرجع معاك

لا حول ولا قوة الا بالله

مثل هاته القضايا يلزمها رجال كبار لحلها
يعني شوف الوالد يحكي مع الوالد نتاعها
وربي يقدر الخير

ميمي سمية · 2013-07-06, 10:03

اقتباس:

المشاركة الأصلية كتبت بواسطة younesi

اعذروني اخوتي لكن هناك بعض العائلات في البداية
تسعى الى تزويج بناتهم
ومن بعد تبدأ في اختلاق المشاكل بالشروط التعجيزية

يعني عقود ما قبل التشغيل واش راح تكفي
مصاريف وكراء
و..
ثم الى هذا الحد وصلت العقلية نتاع البنات
متزوجة تقول لزوجها ما نرجع معاك

لا حول ولا قوة الا بالله

مثل هاته القضايا يلزمها رجال كبار لحلها
يعني شوف الوالد يحكي مع الوالد نتاعها
وربي يقدر الخير

نعم الاخ معه حق شوفو رجال كبار باه يحلو المشكل

واحكيم عاها شوفها تراه وش خصها كشي ماتقابضت مع واحد من عايلتكم ولا حاجة كيما هكذا

هدى الجيجلية · 2013-07-08, 21:16

اقتباس:

المشاركة الأصلية كتبت بواسطة younesi

اعذروني اخوتي لكن هناك بعض العائلات في البداية
تسعى الى تزويج بناتهم
ومن بعد تبدأ في اختلاق المشاكل بالشروط التعجيزية

يعني عقود ما قبل التشغيل واش راح تكفي
مصاريف وكراء
و..
ثم الى هذا الحد وصلت العقلية نتاع البنات
متزوجة تقول لزوجها ما نرجع معاك

لا حول ولا قوة الا بالله

مثل هاته القضايا يلزمها رجال كبار لحلها
يعني شوف الوالد يحكي مع الوالد نتاعها
وربي يقدر الخير

بارك الله فيك
أخي
ونعم الرد

حكاية منسية · 2013-07-06, 09:17

روح لباباها و اهدر معاه و اشرحلو الوضع ديالك
ان شاء الله مايكون غير الخيير

maiar · 2013-07-06, 09:24

اخي ماتقولش مكانش مشاكل بلاك كاين و محكاتلكش برك على هذيك تحب تسكن وحدها هذه من جهة حبيت نقولك برك مش اذا ما شكاتش المراة معناها مكاين والو مكانش دخان بلا نار
ثانيا مش بالاجراءات القانونية اخي راك راجل و و رب اسرة و الحكمة و العقل يكونو منك ما تخليش بنتك تروح مع الرجلين ما تحوس لا على اجراءات قانونية لا والو راك رايحة تخسر اكثر و اكثر بالعكس بالساسة انت ادرى بزوجتك تكلم معها و فهما مرة و زوج حتى تعقل او على الاقل تفهم السبب لي خلاها تقول هكذا و طول بالك معها اذا ما فيش فايدة اهدر مع باباها و ان شاء ما يكون غير الخير

ربي يفك احوالك و يرزقك بخدمة