مشكلتي ام زوجي المتسلطة 2

[مشكلتي]

السلام عليكم
بارك الله في كل من ساهم في نصحي و الترويح عني من كان متزوجا منكم يقدر معانتي و لم يتزوج بعد يرى الزواج مثالي و كل شيئ مثالي كما ردت بعض العضوات مما استفزني ردها، كما احس انني لم الم بالموضوع لأنني كنت مرتبكة جدا و الان استطيع توضيح بعض النقاط
-اولا انا ملتزمة و زوجي كذلك و اعرف كيف إربي بناتي الا انني بالغة و راشدة بما يكفي لاربيهم انا لم البس السروال ليلبسوه بناتي الحمد لله ارتدي الجلباب الاسود و لا اخرج الا للضرورة علما انني متحصلة على شهادة جامعية و كنت بمنصبي وتنازلت عليه لاهتم باسرتي و هذا لم قال اتركيها تربيهم احسن منك، و أحيطك علما ان ام زوجي لا تصلي حتى صلاتها و لا تعرف حتى الوضوء فكيف لفاقد الشيئ ان يعطيه و أضيفك أنها مشغوفة بالدجالين و السحارين و الله على ما اقول شهيد.
-ثانيا: من قال لي لازمك انتي لي تخدمي متبقايش مريحة إخوتي تمنيت ان تبقى في مكانها وانا اقوم بكل شيئ دون ان ترشدني فانا اقوم بالأعمال المنزلية أجدها تمشي معي و تفسد كل ما نظفت او رتبت فهي سلبية عندها 75 سنة و تقولي اغسلي الصوف و تضعها في الارض و الاطفال يلعبون بها و الصوف و الله نظيفة علما انني اعاني من الحساسية.ثالثا: لي قال لي هي حرة في دراهم ولدها اعرف ذلك *و عمري في حياتي ماقتله علاش تعطيها ولكن انا ما يغضبني انها تفكر بنفسها فقط زوجي الوحيد الذي يسكن معهم و الباقي كلهم عندهم سكنات و هي دائماً تقول هذا السكن لي رانا تسكنون فيه يبقى لبناتي لبناتها انا ميهمنيش الماديات و لكن نشوف الناس تفكر غي في نفسها و نسات ولدها لي راه مضحي بأسرته علجالها مقلتش تعطينا دارها معندي ماندير بيها بيت وحدة ناكل و نرقد فيها ويكون معاها إلهنا رحمة ربي،لكنها عمرها ما قاتله بني أشتري سكن كيما خوتك تحوس غير على روحها ميهمهاش الناس لخرةرابعا: عندي سبع سنين و انا نرد لقلبي و الله عمري ماقلتلها كلمة العيب و لو كان جيت من الناس لي يدو حقهم بيدهم و الله منحط مشكلتي هنا لو كان راني حليتها وحدي.
خامسا: انا مرانيش ملزمة باه نطيعها ولدها لازمه اما انا فانا متطوعة او بالأحرى مضحية بسعادتي بزوجي بنفسي بكل ما املك.*
هذ المرأة انا نقولكم وانتم قولوا كيفاش تسموها حرمتني من الخرجة اي ميعجبهاش الحال كي نخرج مع زوجي فاتحاشى الخروج معه عندي شهر ماشفتش الشارع منعتني باه نعرض والديا و نفرحهم كيما باقي إخواني عمرها في حياتها ما قاتلي صنعي الحلوى لداركم حتى في زواج اخواتاتي مقاتليش حتى شريت من برا علما انني في ولاية و عائلتي في ولاية بعيدة مرات يكون الفواكه من الجنان بالصناديق وشيخي يقولي إدي لابوك و الله غير تسكت علما انني دائماً تجيلها هدايا عمري مدخلت فارغةسادسا: كي قلت حابة تلم اهلها هلى حسابي قالوا لي تحب تجيبه تجيبه و انا خممتوا في نهار كامل و انا نجاهد في الكوزينة وكي يجي المغرب تجي مرت حماي تتعشى و تقصر لابسة و مكوافية ومكيجة وانا كيما البؤساء كي نوصل بيتي نلقاها مرونة ما علي غي نرقد و نرقد بناتي وين راه حق بناتي؟ وين راه حقي على نفسي و ين را حق زوووووووووووجيالمسكين الي ما صاب كيفاش يدير المهم طولت عليكم و الله هاذي غي أمثلة بسيطة من حياتي اليومية المهم انا قررت. نروح لدارنا غدوة و راني ناوية نبقى حتى تولي مدخلش روحها في و الله المفرج*

[Napia]

RABBI M3ak okhti

[ام سارة 285]

سلام اختي العزيزة و الله تاثرت بكل كلمة قلتها و الحق يقال كاين عجايز ربي يهديهم ...... شوفي الحل اللي رايحة تديريه ماشي حل لازم الحل يجي من عندك شوفي باش تفهمي ممكن تروحي لداركم و هي تقول خلاص ما نزيدش اتدخل في حياتكم بالصح كي ترجعي للدار يرجع كلشيء كيما كان الحل انك لازم تكوني قوية و تقوي ارادتك معاها خليها تدير رايها و انتي ثاني ديري رايك كي تحبي تخرجي مع زوجك من حقك اخرجي حتى و ما يعجبهاش الحال كي تحبي تخدمي الشغل اخدمي واش يساعدك كي تحب تدير عرضات لبناتها و نسا و لادها خليها في الدار و اخرجي روحي لداركم او الى صديقاتك او قريباتك خلي بناتها يديرولها العشا
كي تخدمي الشغل ديري القران في الهاتف النقال و ديري في وذنيك باش تتجنبي الكلمات الجارحة تاوعها
و الحل الامثل انك تديري دارك و هي كل مرة تجي لعند واحد من اولادها او تتداولو عليها انتم كل مرة تروح وحدة منكم تخدم عليها

[الجزائرية 1995]

ربّ معااااااااااك
لا يؤمن أحدكم حتى يحب لأخيه ما يحب لنفسه

[نسمة تفاؤل]

الله يكون في عونك

[pharma-93]

ya 7biba rabi yekon m3ak wlah ghir 3andek l7a9 ana wa7da mana9darch nsbor wnt7amal ga3 wach t7amalti rabi yahdiha wnti balaki taghalti wtro7i za3fana ldarkom nti ro7ki zeyara 3adi menha tethanay mnha wmnha teray7i rassek wmakalah tro7i za3fana psk ghir nti li ta5assri wterb7i l3ayb hya kbira wga3 ra7 ya3toha le7a9 whadak weldha mskin rabi ykon fi 3awno rah bin narin nti wmamah rabi yhanik wyarz9k ya khti

[sisi souad]

و الله عندك الحق لازم تعرف حدودها معاك راجلك لازم يواجها هدا حقك رب يكون معاك لوكان كن في باستك كنت هبلت الله يجيب الخير بالتوفيق

[Assouma 93]

لازمك سكن مستقل اختي هكذا تتهناي انت و هي و ربي معاك

[nouna l maghbouna]

tkt pas

ربي معاك

[loufa]

ربي يفرج عليك وربي يهديها وماتنسايش تطمئنينا

[حميد.ص]

حماتك في عمرها 75 سنة واش نقولك لوكان ديري النية و تساعفيها يرزقك ربي الجنة....تعملي بالنصيحة و لا لا

[ام عبد السلام]

و الله قلبي وجعني
كاين شي عجايز سكر
و شي عجايز جهنم
الحل في يد راجلك
لازم باخذ موقف
و يبدا يخمم في سكن
مستقل
علاجال يجي نهار تحاوزو
علاجال بناتها
انا صرالي نفس مشكل
بالتقريب معاك
بحيث كان عندي سكني مستقل لكن
فوق دار شيخي
صدمتللي لداري و لات
تتحكم في كل شي
مي دارنا قالو راجلي
دير حل في 24 ساعة
و الا نجو نهزو بنتنا
و ما كان غير يوم
و فرات مشاكل
كل شي من الراجل
ربي يعينك حنونة
و نقول كلمة الرأفة
يا العجايز موش علاجال
الكنة علاجال راحة بال ولدك

[bichaz810]

السلام عليكم اختي ربي يجازيك على صبرك ويفرج عليك فالمؤمن مصاب
انا فهمت مما قلت انها عاشت حياة سخية ولم تتعود على العمل اذ كان لديها3 خادمات وام زوجها تربيلها الاولاد يعني والفت على اعطاء الاوامر
اذا كان شيخك ناس ملاح تقربي منو ممكن الحل يجي من عندو ومادامو حي وربي يطول في عمور حوسي واكري بحداهم حت2بيوت هكا راجلك ما يحسش بالذنب اتجاهها ويكون قريب منها يعني العصا من الوسط
انا اعلم انو في اوقات الغضب ترين كل شيئ اسود حاولي تتفكريلها على الاقل حاجة مليحة دارتهالك او لاولادك ممكن انهاتشفعلها عندك ممكن وقت ولادتك او وحمك او مرض الصغار ربي يبعد عليهم كل مرض
انتي يا اختي باين فيك تسكتي انا ما نقولش عاركيها ولكن حاوريها بالتي هي احسن
الحل عند ربي سبحانه في عرشه وعند زوجك ان شاء الله اسباب الحل ليسببها
اختي عندي صديقة تعيش وش راكي تحكي وزيد هي مارزقهاش ربي اولاد والدار تاع العجوزة وعاملة فيها الي ما يتعملش بصح صاحبتي تقول مادام راجلي معايا هذا هو المهم وتقول ديما نتقي ربي فيها وكي يجيوها بناتها من الغربة تقعد معاهم نهار تقوم بواجبهم ومن بعد تروح لامها تقولهم نخليكم في راحتكم
بصح العجوزة عاملة رايها فيها بصح اختي كي يتلاقاوها الناس ويقولولها وش راها كنتك معاك تقوللهم والله فحلة وبنت ناس
ربي يفرج عليك اختي

[مريم الصابرة]

السلام عليكم اختي
انا لم أقرأ مشكلتك الأولى نقولك برك على واش كتبت الآن
اختي شوفي راكي تقولي انا دايرة جلباب معناها تعرفي ربي مليح
هي غلطت صح راهي غالطة معاك بزاف لكن واش ديري مرا كبيرة وبزاف
لازمك تساعفيها صح عندنا قدرة على التحمل لكن لو إنت تكبري وديري هكذا واش تتوقعي وليدك يروح ويخليك وما تقوليليش ما نديرش واش راهي دير ما تضمنيش عقلك منا لهذاك السن واش راح يقولك ديري
السن غلاب العجايز لما يكبرو يخرفو إنت معليش تحملي وحاولي تعالجي الأامر بالعكس يعني لما دير معاك المنكر ديري معاها المعروف ولو ما يقرش فيها لكن مع ربي إنت خليها
أما كان عرفت قدرتك على التحمل ما قدرتيش هنا طلبي دارك وحدك مع اني ضدها لكنك اعلم بحالك وباللي تمري بيها ربي معاك

[سهى سارة]

السلام عليكم

جزاك الله خيرا .أخلصي النية لتثابي اختي (راكي شادتها لوجه ربي) وبصراحة هاته حال كل العجائز الغيرة بمعنى الكلمة فصبر جميل أختي عليك بالدعاء الدعاء الدعاء وكما تدين تدان .وسبب التعامل السيئ هذا هو البعد عن الله (قيل لرسول الله صلى الله عليه و سلم : إن فلانة تصلي الليل و تصوم النهار و في لسانها شيء يؤذي جيرانها سليطة قال : لا خير فيها هي في النار ) ذكريها بالله لعلى وعسى
وفقك الله أختي