تحلية ♥♥♥ Banane caramélisé من مطبخي

[ladymillion]

صحيتوا لبنات واش راكم انشاء الله تكونوا بألف خير راح نقدملكم اليوم تحلية سهلة ولذييييييييييييييذة الموز كراميليزي يقدم مع المثلجات أو قوفريط أو بسكوي السكر أو كريم الشانتيي وتقدم أيضا مع الكريب ممممم راح نوريلكم طريقة سهلة وتقدري ديري التفاح أختي كانت ديرهونا يجي أيضا هايل
أسمحولي طوووووووولت وكثرت الهدرة

المقادير :
2 حبات موز مقشر
2 ملاعق كبيرة عصير ليمون
1 ملعقة كبيرة زبدة
2 ملاعق كبيرة سكر عادي


في مقلاة على نار متوسطة حطي السكر + الزبدة + عصير الليمون


كي يبداو يغليو حطي الموز قطعيه كيما تحبي أنا قطعت الحبة على 4



الان بلا ما تحركي بأي حاجة حركي غير من المقبض نتاع المقلاة يتحرك لان الموز راكي تعرفي طري خليه يغلي شوي كي يتغير لون السكر مع الزبد قلبيه للجهة الاخرى بالشوي وخليه لازم يتحمر مليح ويكون كراميليزي والسكر راح يعود كراميل طبعا



وقدميه بالصحة والراحة وانشاء الله يعجبكم (( اذا تحبي ديري التفاح رشي شوي قرفة ))




تقبلوا تحياتي