|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
بقلاوة بشكل جديد لمناسباتكم السعيدة
|
أدوات الموضوع | انواع عرض الموضوع |
2013-06-25, 15:57 | رقم المشاركة : 1 | ||||
|
بقلاوة بشكل جديد لمناسباتكم السعيدة
سلام الله عليكم حبيباتي
ليوم جتلكم بقلاوة عندي عامين وانا نديرها شكلها جديد ويحمر الوجه وساااااااااااااااهلة 4كيلات فرينة ونص كيلة مايزينة 2 م كبار لحظة و2 م كبار خل وكيلة -نص سمن ونص صالحة- رشة ملح وإذا استعملت كيلو فرينة في كل كيلو ديري بيضة نبسس العجينة بليدام ونزيدو المكوينات الاخرى ونلمها بالماء الدافئ وماء الزهر نخليكم مع الصور انا كيلت بكاس تاع حليب خاطر درت غير شوية غير على جال باه نويريلكم الطريقة نتحصل على عجينة طرية نخلوها ترتاح بيلا مدرنا الحشو الحشو 3 كيلات لوز او جوز او كوكاو بكيلة سكر خشين + م كبيرة فاني + م كبيرة زبدة اختياري ونلمها بماء الزهر منشمخوهاش بزاف تكون شادة روحها اذا كان عندك كوكاو وحبيتي تتحصلي على ذوق اللوز نفور الكوكاو وفي ماء التفوار نديرو زيست تاع لوز حلو ومر ونفور الكوكاو من 12 الى 25 د ونرحيه مع السكر ونلم الحشو بماء الزهر ونديرو قطرة زيست تاع لوز حلو ومر نقسم العجينة على 8 كريات نفتح كل كرية غير شوية وندير بيناته مايزينة ونكمل ومبعد نحلهم كامل نفس طريقة البقلاوة منرققهاش بزاف نحتاجو زوج قاطعات وحدة كبيرة واخرى اقل منها واذا عندك بالارقام نحتاجو رقم 8 و رقم 6 ونحتاجو مول كيما هكا نقطع بالقاطعة الدائرية الكبيرة دائرة ونديرها داخل المول وندير فوقها الحشو وبالقاطعة لأقل منها نقطع دائرة وبالموس نقطع هذيك الدائرة على 4 ومبعد نشدو الحواف الخارجية ونشدهم مع بعض باه تشكلنا ورقة كيما راهي تبين الصورة نشكلو وريقات ونديرهوم فوق الحشو ساير داير ونديرو في الوسط وردة وحبة لوز او تحبي ديري العجينة في الة الرشتة وديريها فوق الحشو او بطابع تاع الوردة لكبيرة كيما تحبي انا هنا مدرتش الوردة لكيما في الصورة درت غير الاوراق وكل مول نسقيه بملعة كبيرة -نص سمن ونص صالحة ذايبين مع بعض- هنا كطابت راهي متديش وقت ياسر ديريها في درجة حرارة 200 درجة غير نخرجوها من فور نحو ليمول ونعسلوها في عسل بارد -ميكونش ثقيل بزاف - وهذا الشكل النهائي كيلت بكاس الحليب قطعتلي 15 حبة نتمنى تكون عجبتكم ادعيولي دعوة صغيرة في ظهر غيب
|
||||
2013-06-25, 16:04 | رقم المشاركة : 2 | |||
|
الله يبارك حبيبتي رائعة وشكل يحمر الوجه |
|||
2013-06-25, 16:20 | رقم المشاركة : 3 | |||
|
والله تحححححححفة سلمت الانامل وربي يعطيك واش تتمناي يارب |
|||
2013-06-25, 16:30 | رقم المشاركة : 4 | |||
|
ما شاء الله روعة متحوفة الله يبارك |
|||
2013-06-25, 16:30 | رقم المشاركة : 5 | |||
|
الله يبارك مشكورة |
|||
2013-06-25, 16:31 | رقم المشاركة : 6 | |||
|
مـــــــاشاء الله يعــــطيـــك الصــحـــة
|
|||
2013-06-25, 16:32 | رقم المشاركة : 7 | |||
|
رووووووووووووووعة |
|||
2013-06-25, 16:33 | رقم المشاركة : 8 | |||
|
|
|||
2013-06-25, 16:33 | رقم المشاركة : 9 | |||
|
هاااااااااااااايلة روووووووووووعة واش نقول عليها تحففففففة ونقولك انت مبدعة ما شاء الله عليك |
|||
2013-06-25, 16:36 | رقم المشاركة : 10 | |||
|
|
|||
2013-06-25, 16:55 | رقم المشاركة : 11 | |||
|
درتي المول غبه ورقة عجين ولا 2 وشكرا |
|||
2013-06-25, 17:05 | رقم المشاركة : 12 | |||
|
شكرا لكم حبيباتي لمروركم الطيب اممممممممح |
|||
2013-06-25, 17:18 | رقم المشاركة : 13 | |||
|
اهلا عميرتي والله مفهمت سؤالك عوديهلي تعيشي
|
|||
2013-06-25, 17:23 | رقم المشاركة : 14 | |||
|
بارك الله فيك ربي يحفضك روعة |
|||
2013-06-25, 17:28 | رقم المشاركة : 15 | |||
|
يعطيك الصحة حنونة تهبل ويسلم ذوك اليدين |
|||
الكلمات الدلالية (Tags) |
لمناسباتكم, السعيدة, بشكل, بقلاوة, جديد |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc