بساطاتي + الطبق صنع يديا

[ريم الفلى]

البسملة1
لبنات واش راكم ؟
اليوم حبيت نوريلكم واش خدمت
اولا البساطات
خدمت هادا بـ:
كتان 2 متر من نوع كمخة يتباع عدنا ب35 الف من فوق
كتان من نوع مالاس من تحت سعر أقل والله مشفيت شحال
زوج زور تاع 45 الف
فايا كبيرة ب50الف
وبياسور خيط وابرة
هاهي النتيجة

ومن الجهة الاخرى

ملاحظة الرشمة كانت عبارة عن مقروطات كبار
المرة الجاية ان شاء الله نوريلكم كيفاش نخيطو البساط على طريقتنا
راني رايحة نخيط باساطات بزوج الوان
ثانيا: السلة او الطبق كيما يقولو البعض
في الحق عدنا ينباع واجد ومديكوري لكنهم معجبونيش قلت خلي نخدم وحدة لروحي
شريت سلة
و ورد على حساب الذوق انا حبيتو ابيض وفيه بريو ابيض وزت شريت ابيض وفيه بريو اصفر
وخلطت بين الكبار والصغار هادا الورد شريتو بوكي وفكيتو وقصيتو واحتفضت بالاوراق كيما راكم تلاحظو درتهم من الداخل
شريت ميترا لاوات
وحاشية تاع الستان ولا كيما نسموه حنا الدبول
ورقة كرطون كراريس قطعتها شكل دائري درتها من تحت في قاع السلة من داخل ومن برة
وستان روايال ابيض
ودونتال ابيض تاني
وبيستولي ولي تيج كول انا داتلي 10 او اكثر
هاهي النتيجة

وان شاء الله اذا زدت خدمت واحدة اخرى نوريلكم بالتفصيل كيفية تزيين الطبق لانو السلعة وحدها من الورد الى اخره جاتني بـ 2000 دج والسلة بـ 90 دج يعني غالية شويا
باي ان شاء الله يعجبوكم
:m h31: