كيف

مشكلتي · 2013-06-21, 20:50

السلام عليكم والله عندي شيء محيرني وهو ليس مشكلة تماما لكن مانيش عارفة واش ندير

المهم قصتي أني تعرفت على واحد ومعنديش بزاف ملي عرفتو وهو الله يبارك انسان معندي منقول فيه متخلق ومدين الله يبارك وصارحني بكل شيء في حياتو وانا ايضا وقبلت انا ظروفه وهو كذلك لكن الأن راهو يقولي حاب نخطب وتولي انت حلالي راهي عجبتني عقليتك وكامل
بصح المشكلة معرفتش كيفاش نفاتح دارنا يعني امي لانو انا من الوسط وهو من الجنوب بعيد بزاف وعندنا حتى احد نعرفوه لتم انا عرفته في النت بصح غير سمانة ولا بديت نحكي معاه في التلفون وجامي خسر معايا في الهدرة دائما يهدر غير كيفاش نعيشو واش هي العادات تعاهم وتاعنا يعني حب طاهر والله على ما اقول شهيد وهو راهو يقولي لازم تحكي حب يكمل قبل رمضان وانا اجلتها لبعد العيد قالي 20 يوم بعد العيد منزيدكتش لازم نفروها الله يخليكم دبروعليا وقولولي كيفاش ندير وكيفاش نفاتح يما ولي مرت بتجربة كيما هكا تقولي كيفاش دارت باش قنعت دارهم انا منيش حابة نخسرو وهو كذلك بصح كيفاش ندير مع أمي

الله يخليكم ادعولي ربي يوفقني معاه ويكتب بيناتنا في الحلال

mamia · 2013-06-22, 17:33

يعني هذا امر كان لازم تخممي فيه قبل مبداي معاه

وقبل كان لازم ديري ربي في بالك

بصح نقولك كما دارت وحدة نعرفها هي من الوسط وهو من الشمال
قالت لوالديها بلي راه صاحب راجل وحدة صحبتها وحاب يخطب قالوا عليها

دارت هكا وفراتها

achwak crazy girl · 2013-06-22, 18:58

ختي انا نقلك قصة صرااات
كاين وحدة كااانت تهدر مع واحد وكان دايمن كيوعدها بالزوااج والخطبة والاحلام ومنا وهكا او بعد 6 اشهر خطاها غير اخطيك ختي بلاك راه يتمسخر وهاد مجرد راي

nouna l maghbouna · 2013-06-22, 20:52

عادي
قولي ليماك واحد من عائلة صحبتي من من الجنوب
حاب يجي يخطب
ان شاء الله يقبلوا و يجمعكم ربي في الحلال
صلي قيام الليل و ادعي ربي كثري الاستغفار

ربي معااك

اشواش · 2013-06-22, 20:58

بلاكي تكدبي على داركم , على جال واحد نتي متعرفيهش,

ennie · 2013-06-23, 01:23

بسم الله الرحمن الرحيم
يا اختى انا نتمنى هذا الراجل يكون قاصد الحلال فعلا ما فيها والو ديري بنصيحة الاخت mamia *قالت لوالديها بلي راه صاحب راجل وحدة صحبتها وحاب يخطب* بصح خليه يجيك للدار و خليها فى يد الكباريسقسيو عليه الزمان يخوف و حنا النساء نخمو بقلوبنا ماشى بعقولنا و ربي يجيب الى فيه الخير

manels · 2013-06-23, 08:03

السلام عليكم

اسبوع فقط بدا يفاتح فيك في الزواج جيد لكن قبل اخبار اهلك ادرسي الامر من كل الجوانب هل انت مستعدة لعيش في الجنوب لان البيئة والمناخ مختلف يعني اقصد خمي مليح قبل ومن ثمة انصحك ان تخبري امك الحقيقة انك تعرفتي عليه في النت وامك الوحيدة القادرة على مفاتحة والدك بالطريقة التي تراها انسب

تحياتي

ツღعـصُـ♥ـوِݦۑツღ · 2013-06-23, 08:13

ربي يوفقكم و يجمعكم على الحلال آختآآه

سيرين شوب · 2013-06-23, 08:31

انا ننصحك اذا صح عاجبك قولي لداركم لكن متقللهمش تعرفتي عليه من النت
وخلي العالاقه في الحلال تكون امام الاهل وثاني كيما هاك تعرفي نيتو صح اتجاهك وممباعد اسالو عليه مليح
وشوفوه
وممكن يكون انسان صالح

hadjerbb · 2013-06-23, 12:31

شوفي يا اختي فاتحيها نورمال قوليلها كاين واحد من الجنوب حب يجي يخطبني تعرفت عليه عن طريق الهاتف بصح انا حسب رايي لازم تشوفيه على الاقل مرة قبل ما يخكطبك هدا زواج مش لعبة

كوثر 20 · 2013-06-23, 13:54

اختي خير البر عاجله ديري كيما قالت mamia

التوليب الجميلة · 2013-06-23, 14:06

اختي لهاد الدرجة ساهل الزواج عرفتيه سمانة حاب يجي يخطب ما يعرفك ما تعرفيه بالاك راهو يجيب بيك الوقت و بلاك راهو يتمسخر و غير ما كالاه تكدبي علا داركم و خليهم يسقسو عليه مليح انت وين علابالك بالسيد هدر معاك سمانة بانلك عاقل حاجة باينة بلي يمدلك غير الحاجة لمليحة فيه م نصيحتي ليك هدري مع يماك و صارحيها و هي تقلك كيفاش تهدرو مع باباك و لازم تسقسي غليه هادا زواج و تاني خممي انت مع روحك لا تقدري تعيشي في الصحراء ياك علابالك كاين déférence كبير بين الوسط و الصحراء و ربي يجيب الخير و تان ما تنسايش الاستخارة

jouri adel · 2013-06-23, 14:44

لاكنو ناوي الحلال علاه تاجلي انت توكلي على ربي و احكي لامك الحقيقة بلا كذوب لاكانهم تاع قبول امك راح تقنعهم و الا العكس ربي يخلف عليك و خبريها دوكا و كيما كان تكون

achwak crazy girl · 2013-06-23, 14:58

!!!!!!!!!!!!!!!!!!!!

الفلة البيضاء · 2013-06-23, 15:04

اختي خليه هو يدبر راسه اذا حاب يخطبك و حده يجي لباباك او اخوك و يهدر معاك ردي بالك تهدي مع يماك على الموضوع ...كاينة وحدة قرات معايا عرفت واحد و قالها راني حاب نجي نخطبك و هي من الشمال و هو من الشرق و كانت تشوفو مربي و ماكاش خوه و هو قاعد غير يحلل فيها باش تقول ليماها و كي خبرت يماها ولات حياتها جحييييييم و لات تموت حتى قريب حبسوها من القراية يماها قالتلها هذا وين عرفتيه و انا حسبتك راكي تروحي تقراي حتى حنا تدخلنا شوية و نصحنا هذي البنت و هو قاعد غير يتفرج و يقولها راني حاب نخطب بالصح راني خايف من داركم و في الاخير تخلى عنها في ظرف هي كانت محتاجته فيه بزاف و تم فاقت و قالتلنا ندمت على كلش و رجعت طلبت السماح من يماها ......تخيلي يصرالك هكذا مع امك ..........يا اختي احذري من الانترنت و مشاكله اقراي واش حدث لبعض الفتيات ....استناي نصيبك يجيك لداركم اصبري و ربي يفرج عليك و تديري حاجة الي ترضي ربي ووالديك