قِمّـة الإزعاج.... (قلبي خرج)

imi02i · 2013-06-13, 12:01

السلام عليكم ورحمة الله وبركاته

لستُ بحاجة لوضع فتوى يعرفها الجميع عن حكم الغناء والمعازف، وكل واحد يبقى مسئولا عن نفسه أمام الله على ما يسمع ومايلفظ وما يكتب

(لا تتهموني بشيء)

الأمر الذي أثار إزعاجي حقا وبما أننا على أبواب فصل الأعراس والحفلات هوعنصر من جملة المخالفات الشرعية التي تقام في أعراسنا

ألا وهو الحجم المدوي للأغاني والموسيقى الصاخبة التي تسمع على مسافة كيلومتر أو أكثر، وهذا مايسبب الإزعاج للجيران وأهل الحي

بل وإن الامر لا يقتصر على هذا فقط، فدوام الحال إلى مابعد منتصف الليل هو المعضلة الكبرى

لماذا لا يحاول أهل الفرح أن يكتفوا بحجم مايسمعهم طربهم في بيتهم فقط؟ دون إزعاج الآخرين فهناك من لا يحب هذا الفنّ أصلًا

أم أنّ الإعلان بهذه الطريقة من شيم التقدم والتطور

لم لا يضعون بحسبانهم مقدار أذيتهم للناس هكذا؟

أم أن ودهم وحبهم بلغ القمم فأبوا إلا أن يشركوننا قذارة الكلام معهم

أحد الجيران يقيم فرحا منذ منذ أمس ودوي الغناء حاضرٌ في بيتنا إلى حد الآن حتى إني على مشارف حفظ أغنية أو اثنتين والله المستعان

كوثر 20 · 2013-06-13, 12:17

وحنا تاني راه حدانا عرس من الصباح رانا نسمعو فالغنا وكلمات الاغاني جد جد قبيحة والله مانيش نبغي نجمع معا الاب نتاعي غير من الكلمات نحشم باه هو نسمعهم وانا حداه

imi02i · 2013-06-13, 12:18

اقتباس:

المشاركة الأصلية كتبت بواسطة كوثر 20

وحنا تاني راه حدانا عرس من الصباح رانا نسمعو فالغنا وكلمات الاغاني جد جد قبيحة والله مانيش نبغي نجمع معا الاب نتاعي غير من الكلمات نحشم باه هو نسمعهم وانا حداه

الله يلطف بالحال يا أختي
شكرا لك

كوثر 20 · 2013-06-13, 12:21

اقتباس:

المشاركة الأصلية كتبت بواسطة imi02i

الله يلطف بالحال يا أختي
شكرا لك

امين يارب وشكرا على الموضوع

مصطفى قاسمي · 2013-06-13, 12:30

السلام عليكم

انا مشفتش عرس يدوم 4 ايام متتالية حتى عادوا الجران يفكروا في الرحيل

عدات انتشرت في هذه السنوات الأخيرة الله يستر برك

و نطلبولهم الهداية ان شاء الله

imi02i · 2013-06-13, 12:36

اقتباس:

المشاركة الأصلية كتبت بواسطة مصطفى قاسمي

السلام عليكم

انا مشفتش عرس يدوم 4 ايام متتالية حتى عادوا الجران يفكروا في الرحيل

عدات انتشرت في هذه السنوات الأخيرة الله يستر برك

و نطلبولهم الهداية ان شاء الله

الله يهدي ماخلق
كل واحد حر في عرسه
لكن هذا لا يمنع مراعاة الجيران

مريم الصابرة · 2013-06-13, 12:37

السلام عليكم اختي
المشكل لما تحكي معاهم ياكلوك تخيلي انا مرة كان قدامنا عرس عادي فالدار انا ويمى ربي يسهل عليهم حبو يخلوه عام شاعل
تخيلي جا عمي وهو إمام حشمنا متنا يعني واح دالغنا كان يدور وما نقدروش ما نسمعوش مقابلين الباب نشوف في عمي وجهو حمر ويستغفر والله خرج راح ما قدرش يقعد قتلهم علاه فالدار ما ديروش اناشيد كي تحبو الصوت العالي وكي تروحو لاصال الله يسهل عليهم قاتلي وعلها رانا نلعبو الراي والأناشيد كلاوني قاتلي إحنا نتاع الراي خليك إنت نتاع اناشيد غسلتها وحكيتها ما نشرتهاش تنشر روحها مناك ما ندخلش روحي ربي يهديهم

imi02i · 2013-06-13, 12:45

اقتباس:

المشاركة الأصلية كتبت بواسطة مريم الصابرة

السلام عليكم اختي
المشكل لما تحكي معاهم ياكلوك تخيلي انا مرة كان قدامنا عرس عادي فالدار انا ويمى ربي يسهل عليهم حبو يخلوه عام شاعل
تخيلي جا عمي وهو إمام حشمنا متنا يعني واح دالغنا كان يدور وما نقدروش ما نسمعوش مقابلين الباب نشوف في عمي وجهو حمر ويستغفر والله خرج راح ما قدرش يقعد قتلهم علاه فالدار ما ديروش اناشيد كي تحبو الصوت العالي وكي تروحو لاصال الله يسهل عليهم قاتلي وعلها رانا نلعبو الراي والأناشيد كلاوني قاتلي إحنا نتاع الراي خليك إنت نتاع اناشيد غسلتها وحكيتها ما نشرتهاش تنشر روحها مناك ما ندخلش روحي ربي يهديهم

وعليكم السلام
وين تروحي تنصحي؟ والله غير يبهدلوك
ويالوكان يكون الميت عندكم
ديجا راني نكتبلك في الرد( الآذان منا وغناهم منا)
الله يهدينا للصواب
بارك الله فيك

مريم الصابرة · 2013-06-13, 12:50

اقتباس:

المشاركة الأصلية كتبت بواسطة imi02i

وعليكم السلام
وين تروحي تنصحي؟ والله غير يبهدلوك
ويالوكان يكون الميت عندكم
ديجا راني نكتبلك في الرد( الآذان منا وغناهم منا)
الله يهدينا للصواب
بارك الله فيك

السلام عليكم
ربي يهديهم مرات والله نقول إحنا ما رانا مسلمين شوفي مرة صدقيني كاين قدامي جيراني يسكنو هنا وعندهم دار في فرنسا يجو كل صيف جابو معاهم ضيف فرنسي الأصل تتخيلي يكون داير الغناء ولما يكون الآذان صدقيني شافوه كامل جيراننا يحترم الآذان وينحي الغنا حتى يخلاص المؤذن شوفي هذا فرنسي ديانتو غير ديانتنا وإحنا الآذان من هيه والزهوانية منا ربي يهدينا والله يا اختي ربي راه راحمنا إحنا ما حشمناش على رواحنا ربي يهديهم

imi02i · 2013-06-13, 13:28

اقتباس:

المشاركة الأصلية كتبت بواسطة مريم الصابرة

السلام عليكم
ربي يهديهم مرات والله نقول إحنا ما رانا مسلمين شوفي مرة صدقيني كاين قدامي جيراني يسكنو هنا وعندهم دار في فرنسا يجو كل صيف جابو معاهم ضيف فرنسي الأصل تتخيلي يكون داير الغناء ولما يكون الآذان صدقيني شافوه كامل جيراننا يحترم الآذان وينحي الغنا حتى يخلاص المؤذن شوفي هذا فرنسي ديانتو غير ديانتنا وإحنا الآذان من هيه والزهوانية منا ربي يهدينا والله يا اختي ربي راه راحمنا إحنا ما حشمناش على رواحنا ربي يهديهم

سبحان الله العظيم
إذا كانت هذه ردة فعله تجاه شعيرة من شعائر الإسلام فما هو واجبنا كمسلمين نحن؟

أبو الناي · 2013-06-13, 12:58

نقول لهم " إذا لم تستح فاصنع ما شئت " هذا حال البلاد و العباد ، الله يهديهم

imi02i · 2013-06-13, 13:30

اقتباس:

المشاركة الأصلية كتبت بواسطة أبو الناي

نقول لهم " إذا لم تستح فاصنع ما شئت " هذا حال البلاد و العباد ، الله يهديهم

الله المستعان على هاته الحال التي لا تبشر بخير
ربي يرزقنا الهداية والثبات

محمد جديدي التبسي · 2013-06-13, 13:10

كثير من الناس راضية ولو يتحدث إنسان يردوه هو الغالط يقولك يوم في العام ولازم نزهى ونزهي الحي ويبقى عرسي ذكرى
في الحقيقة هي مباهاة لا معنى لها وسفه وطيش ربي يهدينا ..

imi02i · 2013-06-13, 13:33

اقتباس:

المشاركة الأصلية كتبت بواسطة محمد جديدي التبسي

كثير من الناس راضية ولو يتحدث إنسان يردوه هو الغالط يقولك يوم في العام ولازم نزهى ونزهي الحي ويبقى عرسي ذكرى
في الحقيقة هي مباهاة لا معنى لها وسفه وطيش ربي يهدينا ..

تهدر تحصل
هاتك تتفرى في عرسك انت وحدك هذا إذا مافتاوش عليك وقالولك الغنا حلال وغلبوك
بارك الله فيك

سفيان القاسمي · 2013-06-13, 15:01

الله المستعان

المَثــــــــــــــَلْ يقول

==في الصيفْ الدَرْبُوكه وفي الشتاء لاَفُوكَه==

ألا يدري هؤلاء بأنها قد تكون ربما دعوة مظلوم حتى أن الله قد سلّط عليه مثل هذا البلاء

ربي يهدي ما خلق