دراستي اين المسار

[مشكلتي]

السلام عليكم عندي امر حبيت نسقسيكم فيه عل و عسى تعاونوني بآرائكم ربي يجازيكم
المهم انا طالبة نهائي جوزت امتحان البكالوريا علوم تجريبية في تندوف مكان اقامتي مع عائلتي المهم انا ان شاء الله معولة على معدل مليح لاخاطر خدمت غاية المهم. كانت امنيتي نقرا طب و الآن تراجعت عليها لاخطر راكو عارفين شقا تاعه والمشاكل هدوك قاع.
المهم بطلت منه بارادتي لكن الى الآن مانيش عارفة واش من تخصص ندير
المهم حلت الجامعة هنا في تندوف و بالطبع والدي الحوا علي اني نقرا فيها لكن فيها غي ثلاث تخصصات: اثنين للأدبيين و الجيولوجيا للعلميين. ماما تخاف علي بزاف وانا ترجيتهم باش نقرا يا لوكان غي في بشار حدا أهلي عند جدودي لكن المشكلة خوالي معقدين مايبغوش البنت للي تتحرك تدخل وتخرج وماما ماهيش حاباني نسمع كاش كلمة من عندهم وهادا علاش ماهيش مخليتني نقرا لهيه.
الحقيقة هاد العام كان عندي استاذ مخير وشجعني بزاف باش ندير تخصص مخير لكن كي قلتلو غاديا نقرا هنا رفض رفضا تاما و قالي حكي معا والديك واذا ماقنعوش عيطيلي نقنعهم لكن انا مانيش حابة نحطهم في موقف محرج.
راني حيرانة بزاف نشوف صحاباتي كل واحدة واش باغية دير وانا نلقا روحي غي هنا رغم ان مستوايا علي بزاف بدون مجاملة وخايفة كاش ماندير تاني نصر على والدي نروح نقرا برا تندوف يتقلقو و خاصة ماما.
عاونوني بآرائكم ربي يجازيكم
شكرا

[أبواب الرزق]

ديري جيولوجية وأكملي دراسات عليا عندك 3 سنين يكونو حلو ماستر و من بعد ديري دكتوراة وإلى ذلك الوقت ربي يفتح عليك وربما يتغير رأيك في كتير من الأمور .وأهلك محقون أقرب مدينة لكم هي بشار 800 كلم

[JACKLINNE]

اختي كيما انتي كيما صحاباتك .........حتى انا فوت العام هذا وراح ندير طب ان شالله وراني نخمم نقراا في دزاير يعني اكثر من 600 كم
وثاني ماراحش نسكني في الاقامة راكي راح تسكني عند جدك ..نورمال خليهم يحيكو واش بغاو انتي اقراي وروحي من الجامعة للدار
ماتضيعيش مستقبلك على جيولوجيا ......تبعي الحلم ديالك .......

[نسمة تفاؤل]

لالالالالالالالالالالالالالالالالالالا اختي ماتغلطيش غلطة عمرك وتخسري مستقبلك نوصييييييييييييييك ديري تخصص مليح وماذابيك مادام عندك معدل مليح ديري مدرسة عليا للاساتذة تقراي 5 سنين تدخلي تقري مباشرة ماتغلطيش كيما انا كملت وراني نحلل على كاش كونترا وحاولي تقنعي والديك خلي واحد يحترموه من عائلتك يكلمهم اما قولك يتقلقو هذي غير في الاول ومن بعد خلاص انا مثلا قريت بعيد على دارنا وسكنت في الاقامة والحمد لله بما اني كنت مانخالطش رفقة السوء وحاطة بالي غير في قرايتي هاني تخرجت وراني لاباس عليا نصيحة ليك راني نتكلم عن تجربة مادابيك ماتخسريش مستقبلك وربي يوفقك واكثري من الدعاء باه والديك يخلوك تديري تخصص مليح

[أمة الله 12]

انتي بنت الصحراء, عندكم شركات النفطية لحفر الابار, يستحقةا تخصص جيولوجيا

لكن لازم تكملي و تتقني الانجليزية

فكري ماذا يمكنك أن تفعلي بالتخصص و ليس المكااااااااااااااان

ربي يسهلك

[Assouma 93]

شوفي اختي لازم تقراي التخصص اللي تحبيه ملازمش يجبروك على حاجة محابتهاش انت و اخوالك مكان مادخلهم عندك باباك يحكم فيك هو ماشي هوما مي انت تاني اذا بعثوك تقراي برا تندوف لازم تكوني قد ثقتهم و متخونيهاش و الله ينجحك ان شاء الله

[rimiana]

اختي ننصحك التخصص اسالي و ابحثي عليه مليح و لكن اهممممممم شيئ انك تكوني تحبه و متمكنة فيه و حتى ولو عارضوك بعض الناس انت اللي لازم تخططي للمستقبل تاعك و تحددي هدفك في الحياة. و مشي اي تخصص يولو عليه مليح معناتو يوالمك شوفي انت روحك واش حابة والمكان عمرو ماكان معيار مجهودك و ارادتك هوما الي يحددو مستواك و الجامعة في اي مكان الدراسة فيها صعبة وتتغير على الثانوي.اما اهلك شاوريهم مليييح و هوما دايما الي يحبوا صلاحك و ما تشوفيش لصحاباتك شوفي انت اللي يوالمك.نعطيك مثال انا الحمد لله العام الماضي نجحت في البكالوريا بمعدل يفوق 16 وكنت مع الاوائل اخترت المدرسة العليا للاساتدة و بعدت على دارنا . لككككككككن مقدرتش نوالف الاقامة و البعد عن اهلي الي كانو معارضين الفكرة و ندمت ندم شدييييييييد لاني تبعت الناس قالولي اختيار مليح لكن انا عمري ولا حلمت نكون استادة ثانوي وحسيت بلي دفنت روحي.خممت ملييييح و استخارة و قررت نحول لجامعة امام اهلي و ندير تخصص نحبو و نكمل للدكتوراه و نكسب رضا اهلي. كل الناس قالولي هبلتي و تندمي لكن الان انا مرتاااااااحة و سعيدة باختياري و متفوقة في الجامعة و تاكلة على ربي . الخلاصة شوفي الي يوالمك و ديري استخارة

[مريم الصابرة]

السلام عليكم اختي
كامل قالك قرايتك ومستقبلك قريت الردود عادي جامعيات ويقراو يخموواش راكي تخمي
إنت خممت ف وادليك وخوفهم عليك خممت فالوضع اللي رانا نشوفو فيه فالجامعات وفالإقامات الجامعية اختي من رأي طيعي والديك وأفضل حل روحي عند جدك وعادي أقراي من الجامعة للدار وخوالك يقتنعو لما يشوفوك محجبة وعاقلة وخطايك راحين يشجعوك على القرايا اما إذا بديتيها دخلات وخرجات عندهم الحق ما يقبلوش قدريم وقفهم كلام الناس ما يرحمش
واش نقولك رضي والديك واخطيك من جامعة بعيدة على داركم ومباتى برا من الدار راه فيها امور كبيرة وعالم آخر موفقة

[doba]

كي تدي الباك ربي يديرلها طريق

[yacine-08]

اهلك لديهم حق في تقرير حياتك

حاولي الاستماع اليهم ومناقشته ومحاولة توضيح لهم ان اختصاص في الجامعة

هو عبارة عن تقرير مصير بالنسبة للطالب فهي الحياة المهنية التي سياخدها

لكن عليك ان تظهري وتبرهني لهم انك مسؤولة و يستطيعون وضع فيك التقة لـ تدهبي الى ولاية اخرى

[dina.labelle]

يا بنتي ادي البك ومبعد خمي واش اديري متستعجليش على حاجة مازال ماجاتش

[{عآشقة الفردوس}]

إذا كآن في "الطب"

خيرآآ لكيي

ربي يجبهآآلك

ربي آعلم ما المفيد و كل شيء مكتوب عن الله لا تحزني فقط آطلبي من الله هذا

[بلسم غرام2018]

ديري جيولوجية وأكملي دراسات عليا عندك 3 سنين يكونو حلو ماستر و من بعد ديري دكتوراة وإلى ذلك الوقت ربي يفتح عليك وربما يتغير رأيك في كتير من الأمور .وأهلك محقون أقرب مدينة لكم هي بشار 800 كلم

[مسلم أمره لله]

اظن ان خوف اخوتك عليك عادي جدا

بل مفرح

هل تعلمين انه لا يجوز للمراة السفر بدون محرم؟

هم يخافوا عليك
واظن انك تعرفين الجامعة واحوالها

كم من فتاة متدينة فسدت هناك
+
الرفقة السيئة منتشرة

ادرسي قرب اهلك في اي مكان
اذا عندك اهل في جامعة خارج الولاية

اذهبي هناك عادي

ربي يعاونك

°وجهة نظر شخصية°

[souhisouhila]

رضا الوالدين أهم شيء زيدي صلي صلاة الاستخارة ربما سينشرح صدرك لأحد الأمور ان شاء الله فيها خير