حقرونا صديقي حقرونا

[ousman]

ايا لخاوة كل واحد يوصفنا واش صرا ليوم في ليسي تاعو بعدما اجهضت التوقعات وخابت التوقعات ونخرب بيتنا هههههههههه المهم ربي ينحنا ان شاء الله يا رب وفقنا حنا درنا لي علينا ولباقي على ربي ههههههههههههههه مي والله كرهت عفسة اسمها النضم ههههههههههههههههههههههههههه وشكرا ربي يوفقكم، متنساوش احكونااااااااا

[anis mouloudia]

والله غاضوني بزاااف لي خارجين يبكيو مساكن
عيب والله عيب
الوزير هادا دار اكبر كارثة في تاريخ التعليم الجزائري زعما بادعائه لرفع المستوى ...
انا عندي اكثر من 5 اصدقاء يجوزو بكل قالولي نديو 0.5 ولا 1 في الفلسفة لانهم راححو مركطزين على توقعات الشعوروالاعشور النظم الاقتصادية واللغة والفكر
وفي الاخير العادة وماعلاباليش ..

[dorkaim]

ربي وكيلو .... حنا في الليسي تاعنا حالات الاغماء و الصراخ ... وصلت وين وحدة حبت ترمي روحها من البالكون لولا أعوان الحماية و الشرطة ... و ضرب بعض التلاميذ للحراس اللي ما خلاوهمش ينقلوا .... ربي يستر في التصحيح

[THE GREAT GIRL]

السلام عليكم و رحمة الله و بركاته
ربي يكون معاكم يا خاوة و الله راكم خلعتوني من الباك لعام الجاي ربي يسهل عليكم و علينا+ ما تخافوش اذا عمت المصيبة خفت يمكن يعاونوكم في التصحيح ...... و
عوضوا لي فاتكم في المواد لجاية

[ousman]

يا لخواة العقلية راهي باينة والله كثرت الهدرة ومنا نضم شعور منا بدلونا السجي والله يا خاوتي تأمنو مع صباح كنت رايح باش نجوز تلاقيت بواحد قالي علابالي واش راح يطيحكلكم في لفلسفة قالي الشعور و النضم وهو يقرا في المتوسط سنة اولى والله يا خاوتي لهدرة لي كثرت المهم ربي ويكلهم والله ربي وكيلهم وويا خاوتي انسو دورك الفلسفة مزالنا تاريخ جغرافيا متنسواش معامل و فرنسية وربي يجيب الخير عسى ان تكرهو شيئا وهو خير لكم

[ابتسام1999]

ياودي توكلو على ربي وديرو الي عليكم وخلو الباقي على ربي الي ربي مكتبلو باه ينجح راه ينجح ولي مكتبلو باه يدوبل يدووبل
ديرو الي عليكم حتى كي يفوت الوقت تقوللو درنا الي علينا ومتندمووش

[tamimkhaled]

الحقيقة كانت متوقعة جدا وتم التنبيه أكثر من مرة.

[سجودي لرب العالمين]

خاوتي والله نتوما داروها بيكم في الفلسفة و حنا العلميين داااااااااااااااااااارووووووووووووووها بينا في الرياضيات معامل 5عادت ورقة الاجابة مخلطة كتيبة مع دموع لواحد راسو حبس فيها جد جد جد جد صعبة و طويلة و العلوم ليوم معامل 6 ثانيالحمد لله لم تكن كالرياضيات مي والله لم تكن في مستوى التلميذ لي قيسو قيس حالو مي واش نقولو الحمد لله ربي يعوضنا خير و متفقدوش الامل

[مـــاهـــر]

هلكووووووووووووووووونااااااااااااااااا وكيلهم ربي

[الأستاذ رمزي]

المشاركة الأصلية كتبت بواسطة chouaib 02

هلكووووووووووووووووونااااااااااااااااا وكيلهم ربي

الله الله جماعة الغش و الزووم يعرفوا يوكلو يتكلو على ربي
ربي يهدينا

[رجاء.]

البارح كارثة في الرياضيات ما درت واااااااااااااالو غير حشمت نردلهم الورقة فارغة واليوووم دمرونا في الفلسفة حسبي الله ونعم الوكيل حفظت كل الاشكالية الثانية وحفظت الاشكالية الاولى منها الشعور واللاشعور والذاكرة والخيال واللغة والفكر وحفظت الرياضيات ، استاذتنا كانت قالتنا بلي ما يحطوش العادة والادراك والله البارح كنت راقدة حتى عيطتلي صاحبتي قالتلي بلي الموضوع بان وراهم دايرين الحقيقة جدلية والشعور واللاشعور استقصاء بالوضع والاخلاق نص انا باش نتاكد رحت عيطت لاستاذتي وقالتلي ايه صح انا تاني درك قالولي رحت حفظت الشعور واللاشعور وقلت درك خلاص كي يحطولي استقصاء على الشعور ندير المقالة ولا ما فهمتش السؤال ندير نص باسكو الاخلاق جاتني ساهلة اليوم دخلنا فرحانين ومتاكدين بلي الشعور باسكو استاذ قالهانا وهذا الاستاذ كل عام يقولهم المواضيع وتنحط الا هذا العام ، امالا كي جابو المواضيع انا شفت من بعيد النص طويل عرفت بلي الدعوة مراهيش تبشر بالخير كي عطاونا المواضيع انا سقسيت وحد طفلة قلتلها واش قالتلي الاخلاق ههههههه انا فرحت قلت مزية ياربي هما عطاوني الموضوع وصدقوني يا خوتي والله العظيم شوية ونتغاشى حاجة ملي كنت حافظتها ما نحطتش والله فوت 3 ساعات ونص غير بكى والله العظيييم وحتى واحد من الثانوية نتاعنا ما خدم الناس كامل خارجة تبكي واللي متغاشي ..... ما كناش قاع نتصورو هاذ الاسئلة وخصوصا كانو قالونا بلي من كل اشكالية ينحط سؤال ، انا ما لقيت عليها وين درت السؤال تاني ودرت نسبية البراغماتيين ومطلقة عن العقل وكي سقسيت الاستاذة قالتلي خطأ ماشي البراغماتيين وقسما بالله يا خوتي المقالة نتاع الحقيقة الاستاذة قاع ما دارتهاناش انا درت غير من راسي بصح قالتلي الاستاذة يعطوك 4 على طرح المشكلة و4 على حل المشكلة قالتلي جيك 8 مع الموقف الثاني وسلامة اللغة بلاك جيك 10 ، والله يا جماعة كان الامل نتاعنا كلنا فالفلسفة مي درك كي خطاتنا من الفلسفة محال الباك ديجا الرياضيات صعبوهانا واليوم الفلسفة صدمة قسما بالله وشحال من واحد يقرا معايا حلف بلي باش ما يوليش ويكمل الامتحانات ، بصح والله حرااااااااااااام عليهم مزال يخلصوا وحاجة باينة بلي التاريخ والجغرافيا رايحين يحطمونا تاني حسبي الله ونعم الوكيل وكان غير ما حفظتش والله ما تغيظني بصح والله كنت نحفظ وسمحت فكل المواد وكنت غير مع الفلسفة وكنت ندير une nuit blanche ما كنتش قاع نرقد وصدقوني التاريخ والجغرافيا مزال ما حفظتش كنت لاهية غير مع الفلسفة والعلوم شرعية رغم اني ما حفظتش بصح ساهلة واليوم الفلسفة كارثة والله العظيم لدرك ومزالني نبكي والله حرام عليهم ضيعوناا

[kamel alge]

يا الاخوة لي فات مات

واش بيكم هذا بقاولكم 2 مواد ولا 3 احصرو فيهم ممكن تعوضو و فيها خير

[قابضة على الجمر]

الحق يقال الخطا ليس من الوزارة فليس من المنطقي ان يحددوا لكم مقالتين يجيو في الباك هذا باك و ليس لعب
المهم هكا يبان اللي قرا صح ديرو في بالكم بلي كاين ناس حفظوا 12 مقالة و اكثر و هاد الناس الي يستاهلوا صح يخدموا و يديو النقطة انا نعرف وحدة حفظت 12 مقالة
الدال و المدلول
اسبقية الحق على الواجب
الاحساس و الادراك
اللغة و الفكر
الرياضيات
الاخلاق
الشعور و اللاشعور
الانظمة الاقتصادية
الحقيقة 2 مقالات
المقارنة بين العادة و الارادة
ايجابيات و سلبيات العادة
و جاو الموضوعين حفظتهم و نتوما حفظتو و لا نقلتو 2 مقالات و حبيتوهم يجيو بالسيف
الباك هاذ العام ماشي للناس كل

[ريم الوداع]

مروة حنونه يسلم فمك اختييييييييي مش راح نزايد على هدرتك