كيف استمر

[مشكلتي]

السلام عليكم أصدقائي جئتكم أتوسل منكم كلاما صادقا يفهمني ما يحدث لي او للحياة ؟؟ بالله عليكم أنيروني
باختصار حاسة روحي جاية من كوكب ىخر و السبب نبدالكم و انتم احكمو
تربينا على الاخلاق و الفضيلة و و و و .... كأي فتاة بل و اكثر كانت المغريات امامي لا تعد و لا تحصى و اقسم بالله لم افرط في قيمي يوما
1* حتى الذي احببته بصمت كان كل ما يتقرب ليا نصدو و نقول ** من ترك شيئا لله عوضه الله خيرا منه ** وعفست على قلبي مدة طويلة
2 * صديقاتي كنا اكثر من اخوة علاقة لا توصف نجحنا في البكالوريا و رحنا الجامعة و بظهور نتيجة آخر السنة و لاني الأولى بالدفعة تخلو عليا صديقاتي و وصلت خرجوني من الغرفة وكلت عليهم ربي و غيبرت الجامعة بكاملها و ندمو ندم شديد و اعتذرو
3* نهار تخرجت عاود الشخص هاداك تقرب ليا قتلو يا اما حاجة رسمي يا مانيش نتاع علاقات خلاني و راح و عادي تمسكت بمبادئي
* 4عوض عليا ربي و حققلي حلمي و دخلت التعليم علاقتي مع التلاميذ اكثر من رائعة و لكن ** لم اتحمل الوضع ظلم الاساتذة لبعضهم و تلاميذهم لا يظاق اقسم بالله لدرجة حتى العلامات بالوجوه ...... غيرت المدرسة والو قلت ما دخلنيش لقيت احد تلاميذي يبكي و يقولي استاذة احكمي شكون يقرا خير علاه ظلموني و فعلا كنت علابالي ؟؟؟
كرهت التعليم و كرهت حلم عمري واش ندير نبطل ؟؟ و تلاميذي ؟؟؟
5** قالولي وصلتي 30 لازم علاقات باه تتزوجي قلت رضا ربي خير تقدملي رجل متدين و خلوق و و و قلت فرات عوضني ربي خير قبل عرسي بشهر اكتشفنا انو لا يخاف ربي لا والو نساء و و و المهم لا علاقة بالدين و الاخلاق و انتهت لحكاية
اليوم الكل يستشفى فيا و حاسة روحي سامحوني على اللفظ ** رخيـــسة -- جايحة ـــ من عالم آخـــــر **

كل احلامي ضاعت كل يوم نلوم دارنا علاه رباوني هكذا ؟؟ ماهوش عصر المثاليات ؟؟ شكون اللي متهني اللي يكدب صح . اللي ماهيش بنت فاميليا تنجح في كل شيئ و احنا اللي عايشين في المثاليات خسرت اللي نحبو و اللي رضيت بيه بطريقة شرعية
خدمتي اللي اخترتها و تعبت با وصلت طلعت كدبة
صاحباتي كــدب ؟؟ ويـــن نعيــش ؟؟ الــبارح ليلة كاملة نايضة نخمم أنا من اي عصر ؟؟ امالا كيفاه نعيش ؟؟ مع مـن ؟؟

واش نديـــر في عمـري لي ضــــــاع

عندكـــم حـــل واقـــعي ؟؟؟؟؟؟؟؟؟؟؟؟؟؟؟؟